كالت لي ليام

موضوع: كالت لي ليام الأحد مارس 08, 2009 11:14 pm

السلام عليكم

كالتْ لي ليامْ

الحرف إلا عطف
لاتكلّفْ
كالت لي ليام

لادقْ بابْ
حتى تشاور لحبابْ
كالت لي ليام

لاظنْ منْ جاب ْ اخبار
حتى تسمع لُذَنْ وتَيْقَنْ لبصارْ
كالت لي ليام

لفْهامة عنْد بعض غير فهامة
كلامهم بَلا جنْحينْ
فسْواقْ الخلْق عوَامَة
تلْقاهم واجدينْ

كالت لي ليام

الكذاب لا تآ منو
وخ إجيكْ فصِفتْ والي
كلامو ما منو
منْ اصدقْ خالي

كالت لي ليام

للي جاور الواد
لابد إغدرو
وللي جاور لجواد
لابد إحَظْرو

كالت لي ليام

الكلام لمزَوَقْ
احظي منو
وخ إشوَقْ
الْلعينْ تخونو

كالت لي ليام

قليل الخير
تعاشرو طول الدوام
نيْتو ف بيرْ
إنسى الملحة وطعامْ

كالت لي ليام

العود الراشي
ما إحتاجْ منشارْ
كيفُ كيفْ الواشي
طبعُ مَكارْ

كالت لي ليام

الدنيا زَهرْ
إلا عطْفاتْ
الدنيا قبرْ
إلا شَحاتْ

كالت لي ليام

لَمراَ إلا حَباتْ
لاتسدْ ب قْفَلْ
ولا كرْهاتْ
ديرْ مياتْ كَبَلْ

كالت لي ليام

قبل ما تعْقَدْ
خمَمْ
أُقبَلْ ما تولدْ
شوفْ شريكْ الَدَمْ

كالت لي ليام

اللّبْدة تحثْ البَاطْْ
والقلْبْ فيه شيَاطْ

كالت لي ليام

لعجاجْ ما إجي بَلا رِيحْ
والعارْ معْلومْ اللقْبيحْ

توقيع البعليوي

لقد أتحفتنا بقصيدتك المتميزة والرنانة أيها الزجال الكبير
تحياني الخالصة

الأخ الغني عن التعريف أستاذي البوعليوي عبد السلام
تغيب وتأتينا متشحا بدهشة الكلمات البليغة
شكرا على تواصلك الدائم مع أسرتك في الجامعة

زائر

هنا أقرأ مجموعة حكم في قالب زجلي بهي

تحية لك من القلب

الاخ الكريم ياسين مصطفى جميل سلام الله عليك

اخي العزيز اشكرك على ردك
وتواجدك في هذه الصفحة الزجلية
وتحية زجلية
احترامي

موضوع: رد: كالت لي ليام الخميس مارس 12, 2009 12:01 am

الاخت العزيزة المحترمة أسماء محمد سلام الله عليك

اشكرك على كلماتك جزيل الشكر
وهذه دارنا نعتز بها ونفتخر
بالاخوان والاخوات الطيبين
الموجودين في هذه الجامعة الرائعة
فلكي ولهم كل التقدير والاحترام
الاخت اسماء

موضوع: رد: كالت لي ليام الخميس مارس 12, 2009 12:07 am

الاستاذ الكريم محمد كوبري سلام الله عليك

اخي العزيز شكرا على الرد
في الحقيقة كلما اكتب اي قطعة زجلية
يكون عندي يقين بانك لاتبخل عليا
بردك وهذا نبل منك
تحياتي وتقديري ومحبتي لشخصك

» إيه..يا ليام..
» يا ليام
» واش شتي هاد ليام
» موضوع جديد : المسكين و قلة الجهد و الحيلة
» شَمْتاتْني لَيامْ