الطنجية البهجاوية

الطنجية
البهجة معروفة ب الطنجية
ومَعروفة ب الطَيابْ بلْدي
قبَلْ ما نَفْتَحْ ليكمْ الشَهية
هَزيتْ الكَفة أُمشيتْ نَقْضي
طنْجية واشْ مَنْ طنْجية
أُطنْجية انْواعْ
فيها باللوزْ اُفيها ب الكَرْكَاعْ
فيه بثمَرْ أ فيها ب المصيّرْ
أفيها ب الحوتْ إلا كانْ مَخيّرْ
أفيها ب اللهْبيلة إلا ابغيتي تَتَحيّرْ
بديتْ طْريقي عنْد الكزارْ
أُبظَبتْ عَندْ السي عمَرْ
رجل مَعقولْ أميزانو وافي
ما إغَشْ عيبو غيرْ لقْوافي
شاَ فيا أسَرحْ اللحمْ
كالْ لي هانا أسيدي تكَلَمْ
ها لَكْتَفْ ها المَلْج
يا لاَهْ أمولايْ تفَجَجْ
هَزْ الموسْ ألَمْسنْ
أبدا إطَقطق كيفْ عرفْتو
كحلْ عينَكْ وتْفنَنْ
هاد اللحمْ عاد جبْتو
ف الحقيقة الحيماتْ غيرْ أعشاقة
كلْت لوُ عَبرْ المَلْج أحيّدْ الصْفاقة
ما كَثرْتْ معاهْ راهْ الصقا
دزْت عَند بلْقاسْ البَقالْ
راجل سوسي أميزانو مسماري
حانتو مرَوْنة تكُولْ تيضرَبْ الفالْ
بدا إعوَدْ لي عل الدراري
كَلت ليهْ سَرْبني راني زَربانْ
أعْبرْ لي لي كَدْني فداكْ الميزانْ
مَنْ السمَنْ والكمون وزعفرانْ
ولَمْصيرْ أمتَنساشْ راسْ الحانوتْ إكونْ مزْيانْ
حطيتْ الطنجية أكانتْ مغسولة ونْقية
والكَفة أُلَمْقَدْية
أقَاعيتْ بَيْن إيدية
بديتْ أنْصَبْ أنقي فالحينْ
أعكَدْها بَقنَبْ مْثينْ
أوعَدتْ الفرْناتْشي د بالخيرْ
ف الطنجية راجل خبيرْ
القيتو راشْ أمفرشْ لَحْصيرْ
أصنية أبراد كبيرْ
عرفتوأبغى إهَرسْ لي راسي
تَكْحازْ الطبلة أزادْ الكرْسي
مسْكينْ تايَبْغي إعرفْ هاد زَمانْ
أما دارو هادْ القومانْ
والحرب أما اجرى فشيشانْ
والقاعدة والطلبانْ
والعراق مع المركانْ
كَلتْ لو راني ماشي
اشْ دخلْني فهاد السوقْ
أنا بغيتْ غيرْ كرْشي
ألْخالقْ كَادْ بالمخلوقْ
عفاكْ لاضرْبونا بالعينْ
طابتْ واللحمْ راهْ بنينْ
تَخْفطنا عليها أحنا رَبعة أزيدِ اثنينْ
ماكايَنْ غيرْ لَعْمايَرْ مزَدْيِينْ
ولَحْنوكْ لاتَسَولْ غيرْ مطَنْبينْ
عكبالْ اتكونو معنا مجْموعين

توقيع البوعليوي عبد السلام

منقول عن جريدة وبهذه المناسبة حبيت نهدي ليكم هذه الزجلية عن الطنجية المراكشية


	محمد السعيد مازغ يتهيأ شيوخ الحلقة و رواد الفرجة بساحة جامع الفنا لذبح عجلين سمينين قدر ثمنهما ب 22 ألف درهم بساحة جامع الفنا دون احتساب مصاريف النقل مع الجزار التي خصص لها 1200 درهم،وسيكلف بتهييء الوجبة مجموعة من الطباخين المهرة في إعداد أكبر طنجية مراكشية، تتجاوز تكلفتها 36 ألف درهم. ويذكر أن جمعية حرفيي الحلقة للفرجة والتراث بساحة جامع الفنا لجأت إلى العديد من الجهات بحثا عن شركاء محتملين للمساهمة في المشروع، الطنجية المراكشية هذه المرة تجاوزت الحدود المتعارف عليها، حيث يبلغ طولها مترين، وتعتبر أكبر طنجية مراكشية لحدود الآن، صنعت بأيدي صناع الفخار بآسفي،و من المنتظر أن تكون جاهزة خلال الأسبوع الأول من شهر أبريل المقبل، هذا ولإعطاء الحدث طابع الاحتفالية اتفق رواد الحلقة في إطار جمعيتهم " جمعية حرفيي الحلقة للفرجة والتراث بساحة جامع الفنا مراكش " على أن تنصب بالساحة المذكورة ثلاث خيام من الحجم الكبير، وتأثيثها ب 250 زربية، و600 كرسي، و60 طاولة، كما سيسهر على تنظيم الحفل ما يناهز 60 نادلا. وترمي جمعية حرفيي الحلقة للفرجة والتراث بساحة جامع الفنا مراكش من خلال هذا المشروع إلى تحقيق مجموعة من الأهداف المسطرة تدخل في إطار المساهمة في المبادرة الوطنية للتنمية البشرية وتحسين وضعية حرفيي الحلقة وغيرها من الأهداف المدونة في كتيب سلمت نسخ منه إلى الجهات المسؤولة. وأكدت مصادر مطلعة أن تكلفة المشروع تقدر ب, 199900،00درهم، ستساهم فيه الجمعية ب 29350 درهم، وستساهم سيف المدرسة العليا للتدبير بالدار البيضاء ب 170550 درهم. وتجدر الإشارة إلى أن مظاهر الاحتفالية ستنطلق ابتداء من 30 مارس إلى غاية 4 أبريل، حيث ستنطلق القافلة الأولى لساحة جامع الفنا التي تقل 84 من حرفي الحلقة اتجاه مدينة الرباط ، وبعدها مدينة الدار البيضاء وتختتم القافلة باليوم الوطني للحلقة بساحة جامع الفنا وذلك رغبة في استقطاب أكبر عدد من السياح مع أكبر طنجية مراكشية

شهية طيبة أستاذ البوعليوي

ودام ذوقك سليما

زائر

زجلية شهية اتخمتنا بها استاذنا البوعليوي عبد السلام
تبارك الله عليك تتقن فن الطنجية كاتقانك لفن الزجل
تحيات اليك و الى روحك المرحة
اسية الغيوانية

الاخ الكريم ربيع عامر الغيواني

مرحبة بيك

الاخت اسية الغيوانية

الله إبارك فيك ايتها الزجالة الرائعة
تحياتي

اخي البوعليوي

بارك الله فيك على هذه الاطلالة الشهية
فقط ينقصها بعض التقنية في بدايتها
رغم أن سياقها كان حكائيا ومرنا

الاخت الفاضلة أسماء محمد سلام الله عليك

إمكن خصها شوية الطياب غادي نزيده ليها
إنشاء الله فالمرة القادمة
أراه تولي بنينة
تحياتي واحترامي اختنا الكريمة