جامع لفنا

موضوع: جامع لفنا الجمعة مايو 22, 2009 1:01 am

اسمعو اسيادنا
جامع لفنا
من الحلقة الحلقة
وكل حلقة فيها جوقة

مول الدوا واش إكول
قرب عندي إلى كنت معلولْ
فيك المعدة فيك الكلاوي فيك الُسلْ
هاذ العشبة من السيف المسْلولْ
كاس تالما وشوية تالحلبة إلى كنت محْلولْ
ف الصباح والمسا ورجع أفمك مقْفول
ملي توقف عندو يحلف بإمَانُو ِويلُو
بلي التُوكال انت واكْلو

من الحلقة الحلقة
اكل حلقة فيها جوقة

مو الدبُوكة والكمانْ والطريرْ
المغني راجل قْصيرْ
يغني ُابديه إيشيْر
امول الكمان مقابل النشاط الْقصايرْ

من حلقة الحلقة
أكا حلقة فيها جوقة

مولات الكارْطة والفالْ
قالتْ لي عنْدكْ لَعْكسْ عنْدكْ أتُوكالْ
والناس رادين ليك البال
حركات الكارطة أشافت فيا ف الحال
وحدة واقفة ف طريقك بغات المُحال
احلفات حتى تخلي زينك إدْبال
وتردك هْبيل من الهَّبالْ

من حلقة الحلقة
أكلْ حلقَة فيها جوقة

هاني عند عبيدات الرْما
الجَّرة والركْزة مْكَْلمَة
والْصواني تَاتاْي مَعَّرمَة
شطْح أردْح المساوية مَنْغمَة

من حلقة الحلقة
اكل حلقة فيها جوقة

مول الازلية اعنتر شداْد
يِعاوَد كيف هزْ السَيْف أُخوا لَبلادْ
باش إحقْق لَحْبيبتو داكْ المُراد
مْشا ف جبال إهوال وَحطبْ لَعْوادْ
أكيف جاب لهدية أما قاَصا منَ جِهادْ

من حلقة الحلقة
أكل حلقة فيها جوقة

عنداك مَلينْ لْمظل
والقلم أدَواية
إلا كْعَتي رَاكْ تَحْصَلْ
إخْوِوْ ليك جيبَكْ بَالكَتْبَة أُلَقْرَيَة

من حلقة الحلقة
اكل حلقة فيها جوقة
بالبنديروالغيطة ها عِساوةَ
هَازِينْ كْفوفْهُمْ وَطَالْبينْ الحْلاَوة
ب لَحْناشْ والفَاعْ وَضْرَارَعْ صَحْراوَا
أُحَامْيينْ السُوقْ بْحَالْ دَرْقاوَة
من حلقة الحلقة
أكلْ حلْقة فيها جوقة
هَا الحَلَبَة هَا المُلاَكَمَا
إلاَ دَخَلْتِ إكَرْموكْ الكُرَمَا
حَدَرْ رَاسَكْ أُزِيدْ أُطْلَبْ السَلاَمَة
لاَتَزْرَاكْ عينِكْ أُتْبَانْ العَلامَة
من حلقة الحلقة
اكل حلقة فيها جوقة
هَا لَقْرودَ ولَقْرِيَّدْ لي شَدْ إسَرْتُو
مُلاهْ ب سَنْسْلة رَابْطُو
ب لَعْصا إهَزُووَحَطُو
ولي صَوْرُو ثَمنُو إشرْطُو
من حلقة الحلقة
اكل حلقة فيها جوقة

مَنْ ثَمَّ لَحْوَاشْ وَنَاسْ مْحَزْمَة
رزة وَبْلاغي وناسْ مْحزْمَة
هَا رَايَسْ وَشَطْحَة مْنَظْمَة
ورَشْ ورْبابْ أصْواتْ تَلاغي
من حلقة الحلقة
اكل حلقة فيها جوقة
لَكْناوي ب قْراقْشُو أطَبْلو مَسْموعْ
بَيْنْ فْطا وهْوا هابَطْ طالَعْ
ساعَة ساعَة عَطِي إيْديهْ وَجْمَعْ
مَرة إبَرَدْ مَرة إقَلَعْ
من حلقة الحلقة
أكل حلقة فيها جوقة

سَمعو الطبيبْ الحشرات عَنْدو تَبْرة
عندكْ الراسْ إكولْ ليكْ شربْ شجرة
مريضْ ب القَلْب لا بَقي تَطْلَبْ
عَنْدَكْ الكبْدة إكولْ ليكْ شْويها وَهْدا
عنْدكْ السَانْ شايَطْ سَدْ فَمَكْ سَدأ
عَنْدَكْ الوَرْكْ قَلَتْ الخَدْمَة زيدْ وَرَّكْ

والباقي مريتْ عليه مَرْ الكِرامْ
وَصْلاتْ لَعْشَا أُطَاحْ ظَلامْ
كَلْت مَاتَيَسَرا من طَعَامْ
أُدازَتْ التَفْويجَة دَايَزْهَا لَكْلامْ
ولي مْسَالي إديرْ أبْحَالي

نتمنا هاد الدورة فجامع لفناء تروقكم

موضوع: رد: جامع لفنا الجمعة مايو 22, 2009 11:59 am

الزجال البوعليوي عبد السلام

لقد وصفت لنا جامع الفنا وصفا مرئيا
وكنت مبدعا في ذلك

أتمنى لك مزيدا من الإبداع

موضوع: رد: جامع لفنا السبت مايو 23, 2009 12:56 am

ياسين مصطفى جميل كتب:: الزجال البوعليوي عبد السلام

لقد وصفت لنا جامع الفنا وصفا مرئيا
وكنت مبدعا في ذلك

أتمنى لك مزيدا من الإبداع

الاخ العزيز ياسين مصطفى جميل سلام الله عليك

لك كل الشكر ايها الاخ الجميل لقرائتي ما كتبنا
احترامي

موضوع: رد: جامع لفنا السبت مايو 23, 2009 2:12 am

جعلتني سيدي أمر بالطقوس المراكشية عبر هذا النص الزجلي الجميل والممتع

شكرا لك

زائر

شكرا لك استاذنا البوعليوي عبد السلام على هاته الزيارة الباذخة لاروع مكان في مراكش
ووصفك الدقيق لجامع الفنا و انشطته
مع مودتي

موضوع: رد: جامع لفنا الأحد مايو 24, 2009 1:04 am

mohamed zitoni كتب:: جعلتني سيدي أمر بالطقوس المراكشية عبر هذا النص الزجلي الجميل والممتع

شكرا لك

تلاخ الكريم محمد الزيتوني سلام الله عليك

شكرا للاهتمام بما نسطر وشكرا لك

موضوع: رد: جامع لفنا الأحد مايو 24, 2009 1:06 am

اسية الغيوانية كتب:: شكرا لك استاذنا البوعليوي عبد السلام على هاته الزيارة الباذخة لاروع مكان في مراكش
ووصفك الدقيق لجامع الفنا و انشطته
مع مودتي

الاخت العزيزة اسية سلام الله عليك

حياك الله ايتها الزجالة الوديعة والمبدعة
ولكي تحياتي

موضوع: رد: جامع لفنا الثلاثاء يوليو 28, 2009 5:38 pm

أستاذي السي عبد السلام استمتعت بهذا النص الزجلي التحفة...كأني فعلا في جامع لفنا بحلقاته البهية ...مودتي وتقديري

موضوع: رد الأربعاء يوليو 29, 2009 9:36 am

الأستاذ الزجال السي عبد السلام البوعليوي

قصيدة جميلة جدا تضم مجموعة من الصور الفنية
منقوشة باحترافية زجلية زادتها أكثر جمالا ألوان مختلفة
تعكس نماذج فنية حية من تراثنا الأصيل تزخر بها ساحة جامع لفنا
انها فعلا لوحة أثرية أبدع في صنعها الأستاذ لمعلم الفنان السي عبد السلام البوعليوي
لتبقى خالدة الحضور يشدنا عشق التفاعل بكل إعجاب مع مضمون نصها
دمت ودام لنا إبداعك الجميل

موضوع: رد: جامع لفنا الإثنين أغسطس 10, 2009 10:40 pm

الزجال البوعليوي
لقد مررت بين السطور ووجدت نفي كأني أجول فعلا بجامع الفنا ، وإن دل هذا على شيء، فإنما على مقدرتك الهائلة على الوصف الدقيق والاسلوب المشوق .

مودتي

موضوع: رد: جامع لفنا الخميس أغسطس 20, 2009 4:17 pm

نجيب أمين كتب:: أستاذي السي عبد السلام استمتعت بهذا النص الزجلي التحفة...كأني فعلا في جامع لفنا بحلقاته البهية ...مودتي وتقديري

الاخ الفاضل والمحترم السي نجيب أمين سلام الله عليك

معدرة إن تأخرت عن الرد فالعطلة أخدت مني بعض الوقت
شكرا اخي أمين على مرورك ولك كل التحية والتقدير ورمضان مبارك

موضوع: رد: جامع لفنا الخميس أغسطس 20, 2009 4:24 pm

بنعيسى الحاجي كتب:: الأستاذ الزجال السي عبد السلام البوعليوي

قصيدة جميلة جدا تضم مجموعة من الصور الفنية
منقوشة باحترافية زجلية زادتها أكثر جمالا ألوان مختلفة
تعكس نماذج فنية حية من تراثنا الأصيل تزخر بها ساحة جامع لفنا
انها فعلا لوحة أثرية أبدع في صنعها الأستاذ لمعلم الفنان السي عبد السلام البوعليوي
لتبقى خالدة الحضور يشدنا عشق التفاعل بكل إعجاب مع مضمون نصها
دمت ودام لنا إبداعك الجميل

الاخ والصديق الوفي السي بنعيسى الحاجي سلام الله عليك ورمضان مبارك ادخله الله علينا
وعليك وعلى جميع المسلمين بالهناء والعبادة الصادقة والثوبة من الله العزيز الغفار

شكرا على مرورك المعهود وكتابتك الانيقة الجميلة

موضوع: رد: جامع لفنا الخميس أغسطس 20, 2009 4:28 pm

زايد التجاني كتب:: الزجال البوعليوي
لقد مررت بين السطور ووجدت نفي كأني أجول فعلا بجامع الفنا ، وإن دل هذا على شيء، فإنما على مقدرتك الهائلة على الوصف الدقيق والاسلوب المشوق .

مودتي

الاخ المحترم السي زايد التجاني سلام الله عليك ورمضان مبارك
اخي اعتذر عن تأخري لرد وانت تعرف ايام الصيف
شكرا على تعليقك الجميل ومرحبا بك في مراكش

» قصة قصيرة جدا : جامع الفنا
» جامع الكتاب المغاربة
» غلاف أضمومة الخاطرة والرسالة الأدبيةالتي ستصدر قريبا عن جامع