لقاء سيدي مومن

من البهجة الى لقلوب البيضاء

لقا سيدي مومن

ونا جايْ جمعت زادي وميزاني وحروفي

والقيت كفّتْ لحبابْ ما وزْنتْها صروفي

منينْ نبدا ومنينْ نْتمْ ومنينْ نبْدي ما مَخْفي

وناديت عل سجية عطفي روفي رحمي ضعفي

ياكْ أنا وانتِ بينا عاهدْ تعمْري رْفوفي

ياك انا وانتِ نسهر ليلْ نغربلْ وانت تصفي

ياك انا وانت ورقتي فوق صدري وقلمي ف كفي

واليوم عيدك وبهاك فخيالي طوفي

أجني بعزْ لكلامْ نشكُرْ ونْسلمْ ونْوفي

أجني ياسلطانتْ لقوافي لاتْهجري ولفي

أجني نْبارك لجمعنا وأعضائنا ب أعمالهم عتُرْفي

مْدحي وهلْْلي ومنْ لمعنى ولمعاني قطفي

ها ناس اللغا ولحْروفْ الرّيقا هانْتي شوفي

ها لبْساتنْ منوعة جُولي واروي عطشكْ ما إكفي

ولا تْخلايْ ولا تنْكري عاهدْ راني بيْن شيوخْ الحارة ثبْتي وْقوفي