شي قومان

شي قومان

أمقابلين غير العســــــان
ولاعارفين بحق الجيران
نميمة ندْغة ف الاركانْ
شا ريين بايعين بلا ثمنْ

...............شي قومان
عاسين على النجوم إلارحلو
واش أوقعْ البارحْ ولي قبلو
أُجرارة ولحبل أُقاعْ الدلـــو
ها لي سدو ها لي حلـــــــو

..............شي قومان

الحبة ما تزْعقْ
حاسبين للنــــــاس الرزق
إبيعو لحمام وزيدو البزق
صنْطيحَ أُدفْعانْ الشْــــدق

.............شي قومان

إشَوْشو راحْتهم هي لخصـــام
إضربو لوطارْ إخلق لكــــلام
بارعين ولعينْ أولاد.....
بشطرة الخاوية رافعين لعلام

..............شي قومان

أحنا ف عـــــار الرحـــمن
قينـــــا شرهم فكل مكـــان
لاحيلة معهم لاأمــــــــــان
إكْوِيوْ وِكولو برّد ياعطشان
........شي قومان