البوعليوي عبد السلام أهلا بك زجالا مبدعا في ضيافتنا

عبد الرحمن الوادي كتب:: دخلت عليك غير بوجه مولانا أسي عبد السلام إلى ما قولي شكون لي تشمت داب
واش أنا ولا هما؟ كون ما حصلتك كع ما كان سي البوعليوي غادي يدوي على
راسو، ويمتعنا بزاف ماشي غير شوي. وا هي نقول تبارك الله علي أنا وصافي،
وتبارك الله عليك حتى انت أسيدي باش ما تقلقش لي.
إوا داب عاد فتحت لصبعي الشهية باش يكتب ويسولك شل سوالات. بسم الله نبدا:
واش كنت أسي عبد السلام غادي تصاطح كما انت داب مصاطح ومبوقل كع من راسك مع البوطو ديال الزجل كون تخلقيت في شي موضع من غير جامع لفنا؟

الاخ الكريم السي عبد الرحمن سلام الله عليك واهلا وسهلا مرة اخرى

لوكان تخلقتي
انا الان تخلقت
قريت عليك اسي عبد الرحمن بانك مسرحي هذا مهم
يا سمع السي عبد الرحمن هاد المسرحية وهاد الحوار غادي إرجع مسرحية
لوكان تخلقت فالمريكان غادي انجي سائح الجامع الفنا
لوكان تخلقت فرنسا غادي انشوفها فالفيلم
لوكان تخلقت فالصين الشعبية غادي انشوفها فالكاط بوسطال
لوكان تخلقت فالسعودية غادي اجو المغاربة احكو ليا
لوكان................
............
واش انا خترت فين غادي نتخلق
واش انا اخترت اسمي
واش انا خترت ان كون راجل ولامرا هههههههههههه
واش انا خترت نجمع لكلام وناس تيجمعو لفلوس هههههههه
واش انا اخترت بَّا ومي
واش انا اخترت العالم الثالث
واش انا اخترت إنعتوني بتخلف بلا حشمة بلا حية
واش انا اخترت إكذبو عليا المنتخبين
واش انا اخترت انشوف واحد تيقري ولادو فالجمعات اواحد واحل مع لكرى
واش انا خترت واحد فالبراكة اواحد مدور الحركة
واش انا اخترت انشوف المخدرات وسليسيون اواحد بالمال مجنون
bounce

واش انا اخترت ناس إصنعو وناس كاعدين
واش انا خترت ناس إتقدمو اناس مسالين
واش......................
.............
نرجع لوكان تخلقت فموضع اخر
مثلا لوكان تخلقت فالمريكان غادي نصدر الاسلحة
لوكان تخلقت فبريطنيا غادي إكون عقلي استعماري
لوكان تخلقت فلسطين غادي انقاوم اليهود
لوكان تخلقت فالشرق الاوسط غادي نبيع البيترول ونودر الفلوس
لوكان تخلقت فاليبان غادي نصنع انتما تستهلك
لوكان تخلقت فأفغنيستان غادي انعتوني إرهابي
لوكان تخلقت فالصومال غادي إرسلو ليا الساعدات باش نسكت
لوكان تخلقت فصومال غادي احربوني
لوكان.....................
..................
لوكان خيروني نخلي ليكم هاد الدنيا ربحو بها ملي فيها هاد العالم الحمق
لكن انا تخلقت فدارنا ماشي فجامع الفنا اسبعو ليا
احترامي السي عبد الرحمن الله احفظك

هههههههههههههههههه
الله يحفظك وطول للزجل وماليه في عمرك أودي أسي عبد السلام. خليهم أسيدي هما يجمعوا لفلوس والحطام كيف ما بغاوا الله يطليهم، وخليني أنا وياك نجمعوا غير لكلام بشي شمل وكون ديال جمل.
قول لي داب أسي البوعليوي واش اختريت تكتب بالعامية حيت بانت لك الفصحى طايحة ما تقدرش تنوض وتعبر كيف ما غادي تبغي انت على داكشي لي عندك كيغلي في الكاشوش، بلا حزارة ولا فشوش، من نهار خرجت من داركم وشفت شل رهوط وسمعت شل زفوط، ومازال كتشوف وكتسمع؟

في الحقيقة بدات المتعة معاكم في هاذ الركن

اسي البوعليوي الله اخليك أنت وسي عبد الرحمن غادن تغنيونا هنا اما تخليو لينا ما نكولو
على أي حال
سي البوعليوي فات كتبت لينا على الطانجية واش حتى هي داخلة في الهم اليومي وشكر؟؟؟؟

حميد يوسفي كتب:: شكرا لسي عبد العالي على أجوبته المقنعة

وتحية للصديق عبد الرحمن وادي المسرحي الرائع كما حكى لي عنه الأخ الشاعر محمد اللغافي.
سؤالي كالثالي .
من منظورك الشخصي ماذا تمثل لك الأسماء الثالية
مراد القادري
أحمد لمسيح
حميد اعسيلة
رضوان أفندي
محمد موثنا
محمد عزيز بن سعد
وشكرا

الاخ العزيز حميد يوسفي سلام الله عليك

ذكرت هذه الاسماء وربما نسيت الاخت نوهاد بن عكيدة هذه الانسان التي اعطت رونقا ونكهة خاصة
مع الاخوان الاخرين في الديوان الصوتي مجمع لكلام
نظري في الاخوان الذي دكرت فهم في غنى عن التعريف هؤلاء الاساذة الذين اعطو ما اعطو لزجل المغربي
يشكرون عليه اكن لهم كل الاحترام والتقدير واشكر الاخ حميد عسيلة قرأت له زجلية جميلة ولازالت راسخة في ذهني بعنوان **الروضة المنسية**
تحياتي

عبد الرحمن الوادي كتب:: هههههههههههههههههه
الله يحفظك وطول للزجل وماليه في عمرك أودي أسي عبد السلام. خليهم أسيدي هما يجمعوا لفلوس والحطام كيف ما بغاوا الله يطليهم، وخليني أنا وياك نجمعوا غير لكلام بشي شمل وكون ديال جمل.
قول لي داب أسي البوعليوي واش اختريت تكتب بالعامية حيت بانت لك الفصحى طايحة ما تقدرش تنوض وتعبر كيف ما غادي تبغي انت على داكشي لي عندك كيغلي في الكاشوش، بلا حزارة ولا فشوش، من نهار خرجت من داركم وشفت شل رهوط وسمعت شل زفوط، ومازال كتشوف وكتسمع؟

السي عبد الرحمن الوادي سلام الله عليك
ابغيتي تخرج منا لكلام اصافي

تيضهر ليا هنا ماكين سؤال ولكن كاين لكلام عل الفصحى
يا سمع وتمعن مجرى الفصحى والعامية

الفصحى والعامية تعايْرو
أبغيناهم إنَقْصُ هاد لَغْيار
إشذُ إيدْ فيَدْ وتْوالْمو وتْوادو
وتْحابو ولَبْسو ثوبْ لَخْيارْ
قالتْ الفصحى يالعامية يالُغْت المعْيارْ
انا من زمان الناس بيا تَوحْدو
بالفصحى أبناوْ بيا فن الاشعار
ماني مودْرا ولا حْروفي بَادو
سولي عليا الكتب نْفيسة فجميع الاقطار
سولي بن سينا ورازي والغربْ مني خادو
وتقدمو أصالو ف أفلاك القهار
ترجمو احروفي بالعلم جادو
بيا المسلمين فتحو ونشرو دين المختار
رفعو علام الاسلام بشهادة نادو
القاريينْ الفاهمين علم الاسرار
انا اللسان العربي ماني لُغْت لي بادو
اكلمتي كانت تجمعْ جيش جرارْ
انا كاينة من عهد ادام اولادو
كن ما خانوني ما إعلا عليا كدار
العامية............
سكتي يا الفصحى راه انا العامية بافتخار
حضرة وجْدة موجودة والذكية
سولي عليا ناس اليوم الكبار أصغار
حرفي حرْفوه مع الحْروف الرومية
فالمدرسة والشارع اصحاب النخوة فالدار
مادها فيك حدْ حتى فالبحوت الجامعية
لاانت حاضرة ف الطبْ ولا عندك شاهدة تُذكارْ
غايبة ياويلك بين اللغات منسية
لبغاك إترجْمك ومرمدك ك ذاك الشفار
الكتب ف ارْ فوف ساكنة امعششة فيهم الثونية
ابلوسخ والعفن فاصنادق قنطار اغبار
انا لالاك شوفني ماديرا ف الاغاني الشعبية
اشطح اردح حتى طاحو لشفار

اش ضهر ليك اسي عبد الرحمن
واش هاد الجواب عجبك
تحياتي

ربيع عامر الغيواني كتب:: في الحقيقة بدات المتعة معاكم في هاذ الركن

اسي البوعليوي الله اخليك أنت وسي عبد الرحمن غادن تغنيونا هنا اما تخليو لينا ما نكولو
على أي حال
سي البوعليوي فات كتبت لينا على الطانجية واش حتى هي داخلة في الهم اليومي وشكر؟؟؟؟

الاخ العزيز ربيع عامر الغيواني سلام الله عليك

سؤالك يااخي

الهم اليومي واش كاين شي هم اكثر من هم الكرش

اريدك بان تقرا هذه الطنجية وتمعن فيها وتشوف الاشخاص للي مشيت عندهم اكيف تيفكرو اغادي تعرف الهم
الكزار البقال مول الفرنتشي عاد انا بغيت غير كرشي إذاكل واحد ماتيفكر لاخر كل واحد فينا تيفكر غير فراسو
فكرشو
واش هذا ماشي هم انا تنفكر فكرشي الكزار تفكر غير فالهضرة الخاوية البقال تعود عل لولاد الفرنتشي ابغى
إعرف اش واقع يالله اسيدي فسر ليا الله إزازيك
تحياتي

شاعر عدد الرسائل : 626 تاريخ التسجيل : 24/05/2007

أخي البوعليوي جميل الحوار معك وشيق لأنك تتكلم بأسلوب ديال الناس الي الداو في ليام أو جابو

صحيح أن الكرش هم من هموم الانسان الفقير أو ربما حلمه الأساسي
لك التحية والتقدير

حميد بركي كتب:: أخي البوعليوي جميل الحوار معك وشيق لأنك تتكلم بأسلوب ديال الناس الي الداو في ليام أو جابو

صحيح أن الكرش هم من هموم الانسان الفقير أو ربما حلمه الأساسي
لك التحية والتقدير

الاخ المحترم العزيز السي حميد بركي سلام الله عليك اهلا و سهلا

شكرا لك اخي ولك كل الاحترام

شكرا للأستاذ البوعليوي على تلبية الدعوة والمشاركة الموضوعية في ركن مبدع في ضيافة سؤال.

وشكرا كذلك لجميع الأضاء الذين ساهموا في اغناء الحوار.
كما أنوه بالأستاذ المسرحي عبد الرحمن وادي على طريقته في التي تبدو فكاهية.
وفي انتظار ضيف جديد نترك أمام الكل فرصة القاء آخر سؤال .

أسماء محمد كتب:: شكرا للأستاذ البوعليوي على تلبية الدعوة والمشاركة الموضوعية في ركن مبدع في ضيافة سؤال.

وشكرا كذلك لجميع الأضاء الذين ساهموا في اغناء الحوار.
كما أنوه بالأستاذ المسرحي عبد الرحمن وادي على طريقته في التي تبدو فكاهية.
وفي انتظار ضيف جديد نترك أمام الكل فرصة القاء آخر سؤال .

الاخت اسماء المحترمة سلام الله عليك

الاخت ربما لم يبقى هناك سؤال
المهم اشكر كل الاخوة الذين طرحو اسئلتهم واشكر كل الاخوة الذين مرو مر الكرام واتمنى للجميع الصحة
والعافية ومزيدا من العطاء والابداع
والسلام اعليكم ورحمة الله تعالى وبراكته

شكرا على هذا الحوار الحميمي البهي مع الأستاذ الزجال السي عبد السلام البوعليوي الذي يعكس مستوى العلاقة الإنسانيةالراقية بين الجامعيين ...صراحة وبدون مجاملة استمتعت بقراءة هذا اللقاء الإفتراضي المفيد....نطمع في كرم أستاذنا في إقامة خيمة زجلية بالحمراء مراكش شريطة طنجية لذيذة....مودتي للجميع ....واعذروا مروري المتأخر

» الزجال البوعليوي عبد السلام
» البوعليوي عبد السلام سيرة زجال
» ديوان زجال جامعي السي البوعليوي عبد السلام
» أهلا وسهلا بالأديبة أمارير محجوبة
» البوعليوي