السلام عليكم
لم أكن أظن بأن محاولاتي في كتابة الشعر الغنائي ستجد مكانها بين دفتي هذا الديوان المبارك المزمع إخراجه إلى الوجود حتى توصلت برسالة تشجيعية من أخ كريم في هذا الشأن مما جعلني أرشح ثلاث قصائد مساهمة متواضعة مني في هذا العمل العظيم متمنيا بأن تنال رضا اللجنة المختصة مع شكري وتقديري للمجهودات التي يقوم بها المشرفون لتفعيل هذا العمل المشترك متمنيا التوفيق للجميع .
التزنيتي عبد اللطيف
2009
1 قـَـلـْبي مَـقـْبــــــوضْ
كيفْ نـْغَنـِّي مـَزالْ وَنا مَجْروحْ
لـَحْنْ سْعيدْ يْرَيَّحْ الـْبالْ وْ يَسْعَدْ الرُّوحْ
قـَلـْبي مَقـْبوضْ خايَفْ مَنْ الـْماجي
شايْفو حُظوظـْ وَقـْليلْ مَنْ هُو ناجي
طـَلـَبي مَرْفوضْ رَبْطوهْ بَالنـَّفـْطـْ وَالدّولارْ
وَبْما وْقـَعْ فـَالثـَّلـْثْ الـْخالي مَنْ الـْعالـَمْ وْصارْ
***
شـَرْقاتْ الشـَّمْسْ عْلى بَعْضينْ لـْقاوْها ساهْـلا
وْغَرْباتْ عْلى خـْرينْ تـْخَلـْـقو مَحْرومينْ
وْكايَنْ وَحْدينْ بينْ وْبينْ بْغاوْها كامْـلا
وْفينْ مّا لـَحْتي الـْعينْ تـَلـْقى مْكانْ حْزينْ
بيرو جَفْ جْنانو يْبَسْ وَحْيوطو طاحو
ناسْ مْشاتْ وْناسْ جاتْ ما داتـْها فـْنـْواحو
***
تـْعَجَّبْتْ لـَلـِّي عـْلى وَدْ زوجْ فـْرَنـْكْ نـَزّلْ راسو
وْلـَلـِّي مَنْ حُبْ الـْكـُرْسي باعْ لـْلشـَّيْطانْ نـَفـْسو
أوياسُبْحانْ اللهْ شـْحالْ مَنْ واحَدْ فـْقيهْ وَ كـْريمْ
خـْرَجْ مَنْ صَلـْبو طالـَحْ خـَلـَّفْ صالـَحْ وَحْكيمْ
وَ شـْحالْ مَنْ مَسْكينْ أوبَعْدْ فـَقـْرْ سْنينْ غـْناهْ
وَشـْحالْ مَنْ مْرَفـَّحْ خـَلا ّهَمْ أوفـَقـْرْ وْراهْ
***
خـَصـْني كـْثـَرْ مَنْ حْياة ْ وَحْدَه باشْ نـَفـْهَمْ
ياريتْ هادْ الدُّنـْيا فـُرْصَه ا لـْدُنـْيا ثانـْـيَا
خَصْني كـْثـَرْ مَنْ مْياتْ عامْ باشْ نـَتـْعَلـَّمْ
الـْعُمْرْ قـْصيرْ كـْثيرْ شـْحالْ ماطالْ كايـْطيرْفـْثانـْيَه
وَنا شـَمْعَه صْغيرَه وَسْطـْ رْياحْ قـِْويَه
تـَهْدَنْ شـِْويَه وَ تـْلاحْ بَهْياجْ عـْـِلـيا .
: التزنيتي عبد اللطيف
2007
2 زَهْـرَة ْ الـْعُمْرْ
الطـُّفولـَه زَهْرَة ْ الـْحَيــــــــــــاة ْ * ليـــنا فـيــــها ذِكـْــرَيـــــــــــــاتْ
ساعـَتـْها كانـَـتْ فـْـعيـنيـنـــــــــا * الدُّنـْيــــا كـُـلـْــها حِـكـَـيـــــــــــاتْ
هِيَ فـَالـْعـُمْرْ وَرْدْ بَنـْـســــــامــو * وْهِـيَ فـَالـْـقـَلـْـبْ شـَهْدْ غـْرامـــــو
وَحْـنا صْغارْ لـْعَـبْـنا وْغـَنـّـينــــا * وَخـْدينــا مَنْ الـْحُـبْ هـْـيامـــــــــو
باقـْيـــا الصّورَه فـْبـالي حِـيّـــــا * قـْـبــالـَـتْ خـْـيـالــي هِـــيَ هِــــيَ
الـدَّارْ وَالـْحــومَه وَالجـْـنيــنـــــا * وَ صْحابْ وْصَـحـْبـَــه مَحْـِميَـــــه
كـُنـّا كانـْـفيقــو كـُلْ صْـبـــــــاحْ * وَخـْـدودْنــــا حَمْـــرا تـَفـّـــــــــاحْ
فـْطـــورْ لـَمّـيمَـــه يْـخـَـلــّـيـنـــا * نـْطـيــرو فـَـسْـمانــــا بـَجـْنــــــاحْ
مَـزالْ مـْـفَكـَّـرْنـْهاراتْ الـْعيــــدْ * فـْلوسْ وَحْلاوي وَلـْباسْ جْديــــــدْ
وَشـْحـالْ مـَـنْ أَلـْـعـابْ زيــــنــا * قـْـضيـنــا فـيها وَقـْــتْ سْـعـيــــــدْ
مازال مـْفـَكـَّـرْ بَنـْـتْ جّـيــــران * بَشـْعَرْها وْلونْ عـْيونـْها كِ كــــانْ
كـُنـــا غـيـرْ نـَبْـقـاوْ وَحْـديـنــــا * نـَخـْطـَفْ مـَنـْها قـُبْـلـَة ْ صَبْـيــــانْ
أو مازالْ مْــفـَـكـَّـــرْ ليـــــــلاتْ * فـَحْضــانْ دافـْـيا وَ خـْرافــــــــاتْ
كـــانْ النـــومْ مْـعاهـا يَــدّيــــــنا * وَ الـْبَسْمَــه عـْـلـينــا شـَـرْ قــــا تْ
وَالـْيومْ وْبَعْـدْ ما صَـرْنــاكـْـبــارْ * وَالشـّيــبْ بْـدا فـينا يَـكـْـثــــــــــارْ
زادْ لـَـدَّه شـَريـــطـْ ماضـيـــنـــا * أوســـالـَــتْ حْـلاوْتـــوأنـْــهــــــارْ
وآآ مــالـَـكْ هـَـكـْذا يـا لِــيّــــــام * غاديـا دَغـْـيــا تـْـقـــولـَــكْ مْــنـــامْ
ياريــــــتـَـك ْ وْ قـَـفـْـتي بيــــــنا * فـَالطـُّـفـــــولـَــه ألـْـــفْ عـــــــام ْ
:التزنيتي عبد اللطيف
2009
3 حـْرامْ ياناسْ
غـَصْبوني وْما رَحْمو سـَنـّي
قـَطـْـفو الـْوَرْدَه وْهِيَ صْغيرَه
عـْطاوْني لـَغـْريبْ وَكـْبَرْ مَنـّي
قالو زْواجْ الـْعَدْرا سَتـْرا
عـْلى عـَوْدْ سْوَدْ هِْديَه سَلـْموني
بْزوجْ كـَلـْماتْ وَ شـْهودْ وَ بْرا
***
جْـلـَسْتْ أنا وْ بـَنـْـتو بـَنـّا خـْوَتاتْ
لـْعـَبـْنا بـْزوجْ وَحْـكينا حْكاياتْ
اللهْ يـَسْمَحْ لـَلــّي كانْ سْبابْ
لاكـْـتوبْ وَلا شـْراجَمْ تـْحَلا ّتْ
قالو لـَمْرا تـْرَبّي لـَبـْـناتْ
وَ الـْوَلـْدْ الـْبوهْ وْ هاكـْدا كـْـتابْ
***
حـْرامْ ياناسْ نـْحَطـّو الـْوَرْدَه فـْكاسْ
وَنـْـقولو خـَفـْنا عـْـليها مَنْ الـْباسْ
حـْرامْ ياناسْ نـْـقـَصّوجَنـْحينْ الطـّيرْ
وَنـْحَصْروهْ فـَقـْفـَصْ زينـَه لـَلـْغيرْ
هِيَ لـَحـْياة ْ غادْيا رْجالْ وَنـْسا
باشْ مَنْ حـَقْ يـَتـْـقالْ عـْليها ناقـْصَا ؟ !
***
لالا نـْزَلْ مَنْ عـَوْدَكْ ياخِـيـّالْ
را زْمانْ السـّيبَه وْغـَصْبْ لـَحْـبيبَه زالْ
كيفْ مازالْ حاسْـبينْ حَوّا غـَلـَّه ؟ !
اللـّي باعْ وَاللـّي شـْرى وَاللـّي كـْلا
لآ ما هِـيَ فـْمَلـَّه وَلا فـْدينْ
وَلا هـِيَ مَنْ فـْعايـَلْ الـْعاشـْـقينْ .
كلمات: التزنيتي عبد اللطيف
2009
