موضوع جديد : المسكين و قلة الجهد و الحيلة

لحباب كل لحباب
بهم تحلى اللمة
جاونا من كل شعاب
لعيوط و عبيدات الرمى

بالزغاريت و الصلاة ع النبي
و البراد مشحر بالفرحة
دعيت لله سيدي ربي
نكتبوها للتاريخ هذه الصفحة

آجيوا نديوا و نجيبوا ف الكلام
نبداوها بالصلاة و السلام ع الحبيب
الكلام ع المسكين و حياة التخمام
قلة الجهد و الزمان صعيب

الجناح مهرس
و قلة الحيلة
ف الحياة مكرفص
و النظرة ذليلة

عرام من الهموم
و فقير ف الدم
ف ضاية الحكرة يعوم
يسرطها بالريق و السم

علي مفتاح كتب:: آجيوا نديوا و نجيبوا ف الكلام
نبداوها بالصلاة و السلام ع الحبيب
الكلام ع المسكين و حياة التخمام
قلة الجهد و الزمان صعيب

الجناح مهرس
و قلة الحيلة
ف الحياة مكرفص
و النظرة ذليلة

عرام من الهموم
و فقير ف الدم
ف ضاية الحكرة يعوم
يسرطها بالريق و السم

عَند النفوس تلقاه محگور
طالب السماحة والقلب مألم
محاين الدنيا خلاتو مقهور
حامد الله وعيش مْسَلَّمْ

صابر والصبر قالوا دواه
ربي على العباد يشوف
سعدات اللي من خيرو رْوَاهْ
عرف مقامو وتبث لحروف

موضوع: حكرة ليام الجمعة سبتمبر 11, 2009 11:41 pm

ياسين مصطفى جميل كتب:

علي مفتاح كتب:: آجيوا نديوا و نجيبوا ف الكلام
نبداوها بالصلاة و السلام ع الحبيب
الكلام ع المسكين و حياة التخمام
قلة الجهد و الزمان صعيب

الجناح مهرس
و قلة الحيلة
ف الحياة مكرفص
و النظرة ذليلة

عرام من الهموم
و فقير ف الدم
ف ضاية الحكرة يعوم
يسرطها بالريق و السم

عَند النفوس تلقاه محگور

طالب السماحة والقلب مألم

محاين الدنيا خلاتو مقهور

حامد الله وعيش مْسَلَّمْ

صابر والصبر قالوا دواه

ربي على العباد يشوف

سعدات اللي من خيرو رْوَاهْ

عرف مقامو وتبث لحروف

بالجوع و الحكرة مضرور
ف الزمان الكارح مازال يتعلم
و هي دنيا اما جار و لا مجرور
و قليل الجهد ما يدوي ما يتكلم

و صابر و الحكرة تحوم ف سماه
الزمان دابحه بسيوف
و شكون يحس و يخفف بلاه
يخلي لحبل على عنقه مرخوف

خرجت من عرصة لكلام
ودخلت نقرى على المسكين السلام
في اليل يبات يحلم
ويفك في لحلام

وفي ليام
هاز حملو
عل
الدوام

لعفه

وُ

لـَمـْرُوّه

على راسو تاج

ما يتدلل

ما يتعلل

ولو يكون محتاج

نفس قويه

راس لمالي

صبر سلاح

يكَاوي لحالي

قلب كبير

راضي

بحكم لعالي

لمسكين

ما هُو

مسكين الجيب

لمسكين

مسكين

النفس

وُ

لـَقـْلِيبْ

موالي طويل والريح زايغة

تشتت كلامي طول وعرض امين وشمال
لا تنوحي يا نايحة
المسكين الداتو الجايحة
وحنا نحيحو حيحة
على حيحة
اكبر الغوت
وتولي الواقفة قل من الطايحة
عاد يمكن
صيحة المقهور
تتسمى صايحة

آجيوا نديوا و نجيبوا ف الكلام
نبداوها بالصلاة و السلام ع الحبيب
الكلام ع المسكين و حياة التخمام
قلة الجهد و الزمان صعيب

الجناح مهرس
و قلة الحيلة
ف الحياة مكرفص
و النظرة ذليلة

عرام من الهموم
و فقير ف الدم
ف ضاية الحكرة يعوم
يسرطها بالريق و السم

علي مفتاح

***************

المسكين لامَنْ إسال عليه مسكين
بين دروب القهرة مضروب
يومو ما يومْ ب همو إنينْ
لاحالة كيف حالتو معطوبْ
إقاصي ما كفى ويثعبْ سنينْ
حقو بين الغيرْ مهضوم ورْجاهْ مسلوب

عدد الرسائل : 6 تاريخ التسجيل : 04/09/2009

البوعليوي عبد السلام كتب:: آجيوا نديوا و نجيبوا ف الكلام
نبداوها بالصلاة و السلام ع الحبيب
الكلام ع المسكين و حياة التخمام
قلة الجهد و الزمان صعيب

الجناح مهرس
و قلة الحيلة
ف الحياة مكرفص
و النظرة ذليلة

عرام من الهموم
و فقير ف الدم
ف ضاية الحكرة يعوم
يسرطها بالريق و السم

علي مفتاح

***************

المسكين لامَنْ إسال عليه مسكين
بين دروب القهرة مضروب
يومو ما يومْ ب همو إنينْ
لاحالة كيف حالتو معطوبْ
إقاصي ما كفى ويثعبْ سنينْ
حقو بين الغيرْ مهضوم ورْجاهْ مسلوب

لامن يرعاه لا قلب حنيـــــــــــن
مشتت بالو ورامياه لعتــــــــوب
و هايم محوج مابين وبيـــــــــن
مذموم وعلى أمرو مغلــــــــوب
والسعد مكفس وما كاين عويــن
وجهدو مقاضي مكثف ومصلوب
-
منهور وفانياه العلـــــــــــــــــة
ف شتا وصيف قارصاه الكيـــة
و لاكْفن واجد لموت الغفلــــــة
و مدلفق والكسرة حرفيـــــــــة
واكل عزاه ولا عيش حْـــــــلا
محوّج ف عيدو والكبدة مشوية
عاش ما كسب مات ما خلّــــى
لا دار لا جّدار لا قسميــــــــــة
***

السلام عليكم
يسرني أن أقوم بجمع هذه الأبيات الجميلة وأنظمها على شكل قصيدة زجلية كما يلي:

الْمسْكِينْ وقلة الجهد والحيلة

آجيوْا نَديوا و نجيبوا ف لكلام
نبداوها بالصلاة و السلام ع الحبيب
الكلام ع المسكين و حياة التخمام
قلة الجهد و الزمان صعيب
الجناح مهرس
و قلة الحيلة
ف الحياة مكرفص
و النظرة ذليلة
عرام من لهموم
و فقير ف الدم
ف ضاية الحگرة يعوم
يسرطها بالريق و السم
* * * *
عَند النفوس تلقاه محگور
طالب السماحة والقلب مألم
محاين الدنيا خلاتو مقهور
حامد الله وعيش مْسَلَّمْ
صابر والصبر قالوا دواه
ربي على العباد يشوف
سعدات اللي من خيرو رْوَاهْ
عرف مقامو وتبث لحروف
* * * *
بالجوع و الحگرة مضرور
ف الزمان الگارح مازال يتعلم
و هي دنيا إما جار و لا مجرور
و قليل الجهد ما يدوي ما يتكلم
و صابر و الحگرة تحوم ف سماه
الزمان دابحه بسيوف
و شكون يحس و يخفف بلاه
يخلي لحبل على عنقه مرخوف
* * * *
خرجت من عرصة لكلام
ودخلت نقرى على المسكين السلام
في الليل يبات يحلم
ويفك في لحلام
وفي ليام هاز حملو عَلْ الدوام
* * * *
لعفه وُ لمرُوّه على راسو تاج
ما يتدلل ما يتعلل ولو يكون محتاج
نفس قويه راس لمالي
صبر سلاح يكَاوي لحالي
قلب كبير راضي بحكم لعالي
لمسكين ما هُو مسكين الجيب
لمسكين مسكين النفس وُ لقلِيبْ
* * * *
تشتت كلامي طول وعرض يمين وشمال
لا تنوحي يا نايحة
المسكين الداتو الجايحة
وحنا نحيحو حيحة على حيحة
اكبر الغوت
وتولي الواقفة قل من الطايحة
عاد يمكن صيحة المقهور تتسمى صايحة
* * * *
المسكين لامَنْ إسال عليه مسكين
بين دروب القهرة مضروب
يومو ما يومْ ب همو إنينْ
لاحالة كيف حالتو معطوبْ
إقاصي ما كفى ويثعبْ سنينْ
حقو بين الغيرْ مهضوم ورْجاهْ مسلوب
* * * *
لامن يرعاه لا قلب حنين
مشتت بالو ورمياه لعتوب
و هايم محوج مابين وبين
مذموم وعلى أمرو مغلوب
والسعد مكفس وما كاين عوين
وجهدو مقاضي مكثف ومصلوب
منهور وفانياه العلة
ف شتا وصيف قارصاه الكية
وُ لَكْفن واجد لموت الغفلة
و مدلفق والكسرة حرفية
واكل عزاه ولا عيش حْلا
محوّج ف عيدو والكبدة مشوية
عاش ما كسب مات ما خلّى
لا دار لا جّدار لا قسمية
* * * *
البسمة والقلب مسرور
صابر واليد في يد الناس
سول الهاني تلقاه مضرور
عند المسكين ما تلقى باس
----------------------
10 شتنبر 2009 /جامعة المبدعين المغاربة

المبدعـــون :
علي مفتاح
ياسين مصطفى جميل
حميد يوسفي
نجيب أمين
ربيع عامر الغيواني
البوعليوي عبد السلام
عبقور عبد الغني

الاخ و الزجال المبدع سي ياسين

فكرة تجميع النصوص المشاركة في قصيدة واحدة فكرة رائعة مشكور عليها

المرجو منك ان تكمل خيرك لي ما ننساوهش لك و ان تنشر القصيدة كاملة بركن الزجل

ثم اترك لك حرية اختيار موضوع جديد في ركن اجيوا نديوا و نجيبوا ف اللغا للاسبوع المقبل

مرة اخرى شكرا لمجهودك و لفكرتك الرائعة

مودتي اخي ياسين

» مشروع ديوان جماعي جديد _دعوة الى كل الشعراء المغاربة والعرب
» الْمسْكِينْ وقلة الجهد والحيلة
» المسكين
» الولد المسكين
» احلى استقبال لنجلاء المسكين...............،////