نجيب أمين
زجال مشارك في ديوان"عرصة لكلام"
عدد الرسائل : 655
تاريخ التسجيل : 28/07/2009
 | | موضوع: (التلت الخالي) للزجال المغربي حسن المفتي الجمعة ديسمبر 25, 2009 8:38 pm | |
| من ديوان (التلت الخالي) للزجال المغربي حسن المفتي/ سلسلة إبداعات شراع سنة 1988 يغني هذه الزجلية الرائعة الفنان عبد الوهاب الدكالي
حجبوك لعدا يا ولفي
حجبوك لعدا
ونار الشوق يا ولفي
ما بغات تهدا
ومع لحزان والوحده
ضاعت أيام..
وحالف ما يضيع غدا
أنا بلا بيك
مخلوق تالف ف الظلمه
لا سمايا فيها نجمه
ولا طريقي تنبت فيها ورده
حجبوك لعدا
حجبوك لعدا يا ولفي وظنوني
دغيا ننسى
ظنوني نفرط ف هواك
كيفاش ونت ف الدواخل
ساكن لحشا
كيفاش ونت ف عروقي
نبض ورعشه
عمري يرخص ف بعادك
يصبح مفقود
وذاتي ما لها وجود
وعليك نقاسي لمحان
نتحمل الشده
حجبوك لعدا
لو بناو عليك سور
نهدو ب دراعي
أو قطعو بيك بحور
نشقها ب شراعي
لو حطوك ف جبل عالي
أو حتى ف التلت الخالي
لازم مش نوصل ليك
وندوب حر الليالي
يعياو لعدا
وأنا عمري ما نعيا
أنا ب هواك
عايش..وبيك كنحيا
نعشق صبري
ونخلي شوقي جديد
وعلى طريقي ما نحيد
مهما تطوال المده
حجبوك لعدا | |
|
جميلة جبوري
عدد الرسائل : 165
Localisation : مراكش الحمراء
تاريخ التسجيل : 28/05/2013
| | موضوع: رد: (التلت الخالي) للزجال المغربي حسن المفتي الأربعاء يوليو 17, 2013 11:26 am | |
| رائع وهو مسموع ورائع وهو مقروء!
يحي تراثنا الغني!! | |
|
