سُوطْ رِيحْ بْلَادِي

سُوطْ رِيحْ بْلَادِي

سُوطْ أَ الريحْ
تْمرّْغْ فْ الزّْعْترْ وْسيحْ
لْقّْحْ أَرْگانْ وْالشِّيحْ
نْبْع من أَرْضْ الثَّقْوى و التّْسْبيحْ
زُوّْلْ مْنْ طْريقْها بْنَادْمْ الْقْبيحْ

قُولْ لْ الرَّايْحْ وْالْغادِي
عْليهَا ماَتُو جْدَادِي
دْيالي أَنا وْ وْلَادِي
وْ كُلّْهَا لْ احْفَادي
سُوطْ ريحْ بْلاَدِي
عْلِّي انْشَادِي
لْقّْنْهَا دْرْسْ لْلِّي مْحَادِي

قُلْ لْلِّي فْفْرَاشُو طْرِيحْ
وْجِسْمُو مْنْهُوكْ قْرِيحْ
أَنا هَاني مْسْتْريحْ
إِسْلَامي، أَمازيغي وْعْرْبي فْصيحْ
مْعَايا بَرَكْةْ الْلِّي فْ الضْريحْ

مْنْ حْبّْ الرْمْلْ سُوطْ أَ لرِّيحْ
لْ قْرْنْ الجْبْلْ تْبْرّْمْ وْسِيحْ
اْخْبْرْ وْفْهّْمْ وْ صِيحْ
أَرْضْ اْلعْزّْ وَالْدا المْْلِيحْ
الْلِّي عْلَى شْبْرْ مْنْها مَا يْزِيحْ

جميلة جبوري
07/07/2013

مشرف عدد الرسائل : 648 تاريخ التسجيل : 03/03/2013

ما رأيك بصوت ريح بلادي؟

بالنسبة لسوط أ الريح
يجب كتابتها كالتالي:
إذا وضعنا الفتحة على الطاء مكان السكون
ستصبح:
سُوطَ الرِّيحْ بدون إضافة أي شيئ.
تحياتي غاليتي

مشرف عدد الرسائل : 648 تاريخ التسجيل : 03/03/2013

نخاف عليك
يابلادي
أَنْتِ دْرَى
بَ الليِّ
جْرى لِي
نخاف عليك
يا بلادي
أنتِ بَسْمَة لكُلْ
طِفْلْ مَهْمُومْ
وْمَحْرُومْ
وفرحة لْكُلْ
قَلْب يِتِيمْ
مَالُو حْنِينْ
ولا رْحِيمْ
أَنْتِ قُدْوَة
وْرَمْزَ السَّلاَمْ
ومَنْبَعْ لْحَيَاةْ
وَالسِّلْمْ
نْخَافْ عْلِيكْ
يَا بْلاَدِي
نْخَافْ عْلِيكْ
مَنْ لَهْوَى الطَّايَرْ

من طرف:
خديجة صادق

مرحبا بك الأستاذة الفاضلة خديجة صادق ومرحبا باقتراحاتك الجميلة التي تشرف وتنور وترقي حروفي.
حقيقةً هي بلاد البسمة، منبع الحياة و رمز والسلام لكن انا ما نخافش عليها!

أَنَا
مَانْخافْشْ عْليكْ
يا غَالِية
يا عْرِيقَة

جْلْتْ الْبُلْدان
مَا لْقيتْشْ
بْحَالْكْ رْفِيقَة

يْجْرَى لِي
اللِّي يْجْرَى
نْحْنّْ
نْرْجْع
نْتْوْسّدْ تْرَابْك
بْكُلّْ أَمانَْ
بْكُلّْ ثِقَة

وْ عْلَى صْدْرْك
الْحْنينْ
تْبْدّْدْ آلاَمِي
الْعْميقَة

مَا نْخَافْشْ
عْليكْ مْنْ الزْمان
الجْدْرْ رَاسِي
وْانْتِ طَالْعَة
وْرِيقَة بْ وْريقَة

رْبيعْك دَايْم
وْزْرِّيعْتْكْ
دِيمَا صَادْقَة

مَا نْخَافْشْ
إلا عْنْد الجُورَا
كْشْفُو الأْلْوَانْ
وْحْشْمَاتْ الحَقيقَة

مَا نْخَافْشْ
انت عْلامْكْ
دِيمَا احْمْر ْ
نْجْمْتوُ خْضْرَا
عْليهْ لَايْقَا

بَاهِي مْعْتزّْ
فْ سْماكْ
الصَّافِية
الزْريقَة

مْسْبح مْهْلّلْ وْمْكْبّرْ
فْ شْمْسْك
الزَّاهيَة
الْبْريقَة

جميلة جبوري
O8/07/2013

بلادي يا بلادي
نخاف مانخاف
نخاف دياب الليل
تبرز نيابها
وتنهش أحلامنا
ونمشيو فزحام الرجلين
العاشقة للدم
تبيع الذل
فلواح الظلم
ورهبة ركبت لرواح
ما نخاف ريحتني
شوفة شباب
تواق للحرية
كلمتو صارت تنهاب
على الحق مبنية
وانت يا بلادي زينة
من عشقك رويت
وتكافيت
وبنيت حلم كبير
فيه انت وانا
ماشيين بل خصام
المحبة بالعرام
خطوة ترفد خطوة
لجناين السلام
عز وهنا
تريح قوام
بعشقك لهفانة
ما قدت تركب بحر
ول بر
طالبة عيشة الستر
فحضانك يا بلادي
والرض بهواك

عبدالعالي الوالي 2013/09/27

[/size]

شكرا على مرورك سيدي عبد العالي الوالي الذي زاد
هذه الصفحة قيمة ومعنى بزجليتك الرائعة،

اظن ان الظرف الراهن، وبعد خطاب ذكرى
المسيرة الخضراء يوم أمس، يفرض اعادة
هذه الزجلية الى السطح!

وانا اقولها واعيدها "انا مانخاف"
إوا شويا ت الهمة
الصادق خاف
الوالي خاف
انا ما زال ف الكلمة
انا ما نخاف
عندي ثقة تامة
عندنا كبار ف الذمة
عندنا لهم حب بالعرمة
به عايشة امة

أنا ما نخاف
لأن فينا الاخيار
قاريين ف الحضار
مرتليين احزاب و سوار

أنا ما نخاف
فينا شجعان ابرار
حاضيين الدار

أنا ما نخاف
فينا اسياد احرار
عندهم زين القرار
جميلة جبوري
07/11/2013

مشرف عدد الرسائل : 648 تاريخ التسجيل : 03/03/2013

نخاف عليك
يابلادي
أَنْتِ دْرَى
بَ الليِّ
جْرى لِي
نخاف عليك
يا بلادي
أنتِ بَسْمَة لكُلْ
طِفْلْ مَهْمُومْ
وْمَحْرُومْ
وفرحة لْكُلْ
قَلْب يِتِيمْ
مَالُو حْنِينْ
ولا رْحِيمْ
أَنْتِ قُدْوَة
وْرَمْزَ السَّلاَمْ
ومَنْبَعْ لْحَيَاةْ
وَالسِّلْمْ
نْخَافْ عْلِيكْ
يَا بْلاَدِي
نْخَافْ عْلِيكْ
مَنْ لَهْوَى الطَّايَرْ

من طرف:
خديجة صادق

غبنا عن الجامعة لفترة وعدنا كلنا شغف
للحرف بين أحضان جامعتنا .
أهلا بك جميلتي لكم إفتقدت للحرف الجميل مثل صاحبته .
دمت مبدعة متألقة في الإبداع ....
وعواشرك مبروكة أنت وأسرتك الصغيرة
تحياتي

عدد الرسائل : 556 تاريخ التسجيل : 19/03/2008

هكذا هي الحياة
هكذا هو الابداع

الاستاذ المحترم جمال السيد
فعلا هو ابداع جميع المتفاعلات
والمتفاعلين مع هذا الموضوع..
شكرا على مرورك الذي بصم وختم
وشكرا للمبدعات والمبدعين اللذين يثرون
هذه الصفحة !

عدد الرسائل : 6 تاريخ التسجيل : 06/06/2014

يارجال بلادي يالناس لحرار
ياهازين الرايا ياحامين الدار
مانخاف عليها باذن الجبار
وانتما فيها واقفين رجال
انتما الحب وانتما لحباب
اهل النخوة والمروة والصواب
حب بلادي هو لجواب
روحي ليها وللموت عليها عوال