صالح اهضير
عدد الرسائل : 44 تاريخ التسجيل : 20/03/2014
| موضوع: ممّا غولة دارت خبلة الثلاثاء أبريل 29, 2014 2:25 pm | |
| ممّا غولة دارت خبلة.. (1) فزمان المحنة بانت عيوب.. ممّا غولة ولدات غوال.. هاجت هيجة..نهبات جيوب.. * * * * ممّا غولة هيشة تخلع ! فمها محلول ديما يبلع ! كيف لبحر إلى هاج.. بجْبال عالية ملمواج.. هذا شاري..هذا بايع.. وهذا محروم حقو ضايع.. * * * * ممّا غولة شعلتي نار.. ضاعت الأحلام وخلات الدار.. الخبز الحافي ما يعافي.. هذا عيب..هذا عار! واش هاذي معيشة تكفي؟! * * * * ممّا غولة احبابها شلا ّ.. مدى منهم مشى وخلا ّ.. شحال من قصور وضيعات! وشحال من عرايص وجنات ! واسوار بناها وعلا ..ّ * * * * شوف المقهور فبرّاكة.. شحال يقدّو من درهم! باش يفرشها ويتراكة.. تايه مغلوب..لا حركة.. عايش مسكين بالبَرَكة.. والله يجيب اللي يفهم ! * * * * صحاب الحال قالوا مكتوب.. والمكتاب ماعليه هروب.. هاذي حملة زيرو لحزام.. بلا تفكير وبلا تخمام.. * * * * زادوا قالوا لازم تختار.. هاذ الدنيا شان وشان.. هكذا قالوا ناس زمان.. هذا رخيص هذا غالي.. اللي باين ما فيه اسرار.. * * * * عشقات قلوب مالت ميلة.. لكن هاذ العين بصيرة.. واليد مغلولة وقصيرة.. والعيشة حارة وذليلة.. ربي غالب ولا حيلة !! --------------------------------------------------------------------- (1) ممّا غولة : إشارة إلى الغلاء الفاحش الذي يستنزف جيوب الكادحين..
| |
|
خديجة صادق مدافع مشرف
عدد الرسائل : 648 تاريخ التسجيل : 03/03/2013
| موضوع: رد: ممّا غولة دارت خبلة الأربعاء أبريل 30, 2014 1:03 am | |
|
عدل سابقا من قبل خديجة صادق مدافع في الأربعاء أبريل 30, 2014 12:32 pm عدل 1 مرات | |
|
صالح اهضير
عدد الرسائل : 44 تاريخ التسجيل : 20/03/2014
| موضوع: رد: ممّا غولة دارت خبلة الأربعاء أبريل 30, 2014 11:39 am | |
| كل الامتنان الاخت المبدعة خديجة على حسن الترحيب والتوجيه.. | |
|