وعلاش تندم...

موضوع: وعلاش تندم... الثلاثاء مارس 17, 2015 2:23 am

وعلاش تندم...

علاش تتسولني على سميتي يا اللي ناسيني
اناسي اسميتي
انا مسجل عندك
اتبع اثار المداد عندك
راه عندك اسميتي وعنواني
كيف جرى حتى انسيتيني...وانا فلان بن فلان...
كيف تنساني وانت دايما في نعاسي حاضر
مع دقات قلبي جالس... وقت طويل
حب كبير تتوريني
وفي الاخر تتكذب علي باشعارك
تتاكل وتشرب...تضحك معايا وفي الاخر تقلب علي السرير
وشكون انت بعدا اللي تنساني
هذا حالك دايما هارب من فراشي
انت غير صاحب المرايا والاساطير
شحال فرشت ليك الحرير
ايييه....انت صاحب الحكايا
حسيت بيك...انت المعلم اللي هديتي لي الخيش الراشي
انت تتعرف الهوى من الريح
وتتعرف الضو من الطيف
وتتعرف حتى تحول لي نبات الشيح وردة في بستاني
غير ...قولي....واش عرفت فيه الكلام الرباعي من المزاح
اجي وعلاش كاع تتسول فيا....اعلاش راجع عندي ثاني....
واش باش اتحاسبني
وأنت تقرا فيا احسايفك
انا اهجرت منك
فين حب بلادك الكبير
هي الافاق عرجة وانت زدت عميتي ليها العينين
وخليتي السفينة بلا مرسى عايمة في ادواير الزمان
وبلا برهان...انا كنت معاك راجل مزيان
كنت ما عمري نخونك ولو دارت الايام
فين الضمير....آ...القاتلني
انا ما هو من الطامعين
وأنت جالس تتخلق في الاعياد بلا اعياد
جالس في الشوارع وفي البيوت تتعذب في العباد
ايييه....تتبيع البقاعي بلا مزاد
وا منين جاتك الفلوس اسيد السياد
واحنا في البرد البارد
واحنا كل ليلة يموت فينا واحد
في العذاب والحرمان....في المرير والمريرة
كل ليلة....كل ليلة....وأنا في العذاب سنين...وسنين
انا مليت هذا الحب الفاشل...انهض وانطيح
مليت من البكاء والألم
ابغيت نبقى غير مرتاح...راني وليت ترضى بأحزاني
انا ما بغيت ولدي يخرج كذاب
لا عيشة .... ولا فلوس صحيحة
ما بغيتو يكتب بسم الثعابين
او يدوخ الناس بريحة الافيون في عطر الياسمين
بغيتو يعيش بلا فرقة...بلا احزاب
يا اللي ناسيني
يا اللي راجع ليا ثاني
راه فرقنا الطمع...وفين الجواب
وللي .... وعاود الحساب
وعلاش تندم..راه كل واحد مداير حسابو
ولكن راه صعيب باش ترجع ثاني

احمد انعنيعة

زائر

تحية لقلبك العاشق صديقي لا تحرمنا من طلتك
شكرا لك

» وعلاش لا ...
» لا تندم على حب عيشته