عرس لحروف

عرس لحروف                                                                                                   بْسْمْ لْهَادِي يْهْدِينِي                                                                                      وْلْعَنْتْ بْالله إِبْلِيسْ                                                                                          وْصْلاَةْ مُحَمَّدْ تْشْفِينِي                                                                                وْتْفْرّْجْ هْمْ حْبِيسْ                                                                                                                                                                                                              رَاغْبَة دْوَاخْلْ تْخْمِينِي.                                                                                   تْبْرّْزْ بْلْحَرْفْ عْرِيسْ                                                                                     وْنْخْصُّ لْيُومْ بْتْدْوِينِي.                                                                                   نْزْهَا فْبْهَاهْ وْنْقِيسْ.                                                                                       سْنِينْ وْلْحَرْفْ يْوَاسِينِي                                                                                وْلْكْلْمَة لِيَّا وْنِيسْ                                                                                        وْلْبُوحْ سْكْنِّي وْيْرْقِينِي                                                                                 بْشَهْدْ لْكْلاَمُ النْفِيسْ                                                                                       البُوحْ بْسَاطُ يْخْلِّينِي                                                                                      نْهْجْرْ لْمْكَانْ جْلِيسْ                                                                                    خْلاَّنِي طْفْلْ أُسْبْعِينِي                                                                                  بْمِْزَانْ لْحْكْمَة نْقِيسْ.                                                                                 خْلاَّنِي بْدْوِي وْمْدِينِي                                                                                وعموم الناس جليس.                                                                                 حَرْفِي يْضَحَّكْنِي يْبْكِّينِي                                                                                  من بين فْرْحَانْ وْتْعِيسْ                                                                               فْبْحُورُ لْكْلْمَة تْرْوِينِي                                                                                  وْتْخْلِّي لْسَانِي سْلِيسْ                                                                                  نْفْرَحْ للفْرْحَة وْتْرْمِينِي                                                                                   فْهْمُومْ النَّاسْ نْغِيسْ                                                                                      نْدَاوِي جْرُوحْهُمْ بْأْنِينِي                                                                          وْنْخْسّْسْهَا تْخْسِيسْ                                                                                   وْتْبْقَى قْصايْدِي فْعْوِينِي.                                                                            طَامْسَا لْهْمُومْ طْمِيسْ                                                                                  وْيْبْقَى لْحَرْفْ مْوَاسِينِي                                                                              وْلْكْلْمَة لِيَّا وْنِيسْ                                                                                         ياسين الجهوري.                        28/09/2015.  14h22