عبد العزيز سرحاني
عدد الرسائل : 64
Localisation : الخميسات
تاريخ التسجيل : 12/03/2014
 | | موضوع: برد الكَلب السبت فبراير 13, 2016 11:58 pm | |
| إلى بْرَدْ الكَلب غير سير تلعب ما بقى ما تشطح ما بقى ما تجدب ما عندك ما تبغي وإلى بغيتي تكدب العين بلا صفا كتطفا وتغرب واللسان بلا حنان ما ليه ما يطلب والخطوات حفات وكترات العترات والضحكة دبلات حتى تمحات وخاوات العجب إلى برد الكَلب ما بقى ما تلعب شوف خيالك شحال كهاب هَلْكُ الباس حيت حاس ب الذنب شوف كلامك عامر حنوط وريحت القنط مَنُ تصوط نَصُّ ترعيدة ونَصُّ يَتْكَبْ مرة يضعاف حتى يْبَانْ كيرغب ومرة يَسْفال حتى يبان كَيْسَبْ إلى برد الكَلب نسى اللعب نساه ف مرة وعمرك ما تقرب وقتك ...سَلا و بلا ما يشاور زمانك هرب ما خلا خليلة ما شَيَّطْ عْشيرة ما رْحَمْ صاحب ْ وجهك فضَحْ حالك ملي ب تَكْمَشُ تَّغْلَبْ الشْعَرْ العزري اللي كان يَفَرْفَرْ ولا الرماد فوقه مدردر والخْوا ما خْوا ما رْضا يهرب ولىَّ غالب وباغي الحرب إلى برد الكَلب فَكْرُ ف اللعب فكرُ ف صَغْرُ ما كان يقرا ما كان يكتب كان يضحك حتى يسهى حتى يحلم حتى يفيق ويلقى ضْحَكْتُ مْضَوْيَة درب فَكَرُ ف الغرس للي عْيَى ونْعَسْ حتى نَوْضُ الندى وخلاه يَحَسْ ب عَمْرُ يْبَسْ وعَمَّرْ الشتا على حروفُ ما تْصَبْ وما لقى الزمان ف بَزُولْتُ ما يَحْلَبْ وما لقى الزهر ف لْويزْ حالُ ما يَحْسَبْ... "فاللهم احفظ لقلبي شبابَهُ وألحقني بك قبلَهُ واضف لعدابي عدابَهُ وبشرني يوم القيامة بقولك : خذ قلبك وادخلا الجنة هو الأول وأنت بعده آمين" س.اكتوبر2015 | |
|
ربيع عامر الغيواني
أديب مميز
عدد الرسائل : 1461
تاريخ التسجيل : 27/12/2007
| | موضوع: رد: برد الكَلب الثلاثاء فبراير 16, 2016 9:12 pm | |
| | |
|
aicha rochdi ouisse
عدد الرسائل : 244
العمر : 54
Localisation : اسبانيا
تاريخ التسجيل : 11/02/2012
| | موضوع: رد: برد الكَلب الخميس فبراير 18, 2016 6:04 pm | |
| | |
|
