إلى عليتي صوتك بالقوة والسلطان
عزة النفس ف سكوتي أكبر برهان
الزمان ما فيه أمان
وكيف تبغي لراسك العز
غيرك ما يرضاش يتهان
الدنيا راه دوارة
اليوم فيها تصول وتجول
تلبس فيها لحرير وتسكن لقصور
غدا بيتك في المقبرة
صندوق فيه اعمالك او فعالك
مايقبل تزوير ولا احزارة
عندك تغرك
وتكون من الناس الحكارة
يدك ولسانك
إسببوا لغيرك ف لخسارة
تاخد حق هادا وتوفي لهادة
التقل بالذنوب
ما التمحى بالاستغفار والعبادة
الطمع طاعون
الطمع إيزند النار ف الكانون
إلى بسبابك ابكات لعيون
تخلص قبل ما تفارق هاذ الكون
ما ينفعك لا مال ولا بنون
ساوي الميزان
وشوية الإنسانية
القوة ما تدوم
ضعيف انت ما تغرك البنية
شحال من قوام عاشت وماتت
لحتى حد الدنيا ما دامت.
