التزنيتي عبد اللطيف
عدد الرسائل : 52
العمر : 68
تاريخ التسجيل : 10/03/2009
 | | موضوع: الشَّمْكار الإثنين أكتوبر 31, 2016 8:56 pm | |
| كونْ كانْ عـنْدي ابّا
وَنا اصْغير
كونْ راني دَبا
يَمْكنْ وْ زيرْ
ولاّ غيرْ شي مسْكين
بو قلْب اكْبير
عامَرْ مْحـبَّه
وفايَضْ بالْخيرْ
***
كون كانَتْ عـنْدي امّي
منين كُـنْتْ اصْغير
كونْ راني ف يومي
نْغَرَّقْ وانْطير
فوقْ سْماواتْ اهْمومي
وتَحْتْ موجْ العينْ
الهايَجْ ف دمّي
ونْقول راني ابْخيرْ
***
كونْ كان مولْ أمْري
وَنا اصْغير
بْنى لمْحَبَّه ف صَدْري
كيفْ عشّْ الطّيرْ
عالي دافي ومْتين
وفرَّشْتْ لحْصيرْ
نْقول لْروحي صَبْري
ربّي اكْبيرْ
التزنيتي عبد الطيف
17/10/2016
| |
|
