جامعة المبدعين المغاربة ..جامعة الادباء العرب
هل أنت شاعر أو كاتب قصة أو روائي ؟
هل أنت مسرحي سنمائي فنان تشكيلي ؟
سجل باسمك الثنائي الحقيقي ،
مرحبا بزوارنا الكرام ،

جامعة المبدعين المغاربة ..جامعة الادباء العرب

جمعية ثقافية فنية تأسست بتاريخ 10_يوليوز-2010-بعد اشتغالها كمنتدى مند11 ابريل 2007 مبدأنا ضد التمييع والفساد الثقافي
 
مجلة ..جامعة الالرئيسيةمكتبة الصورالأحداثس .و .جبحـثالتسجيلدخولاليومية
بحـث
 
 

نتائج البحث
 
Rechercher بحث متقدم
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
تصويت
Navigation
 
منشورات جامعة المبدعين المغاربة الفردية
منشورات جامعة المبدعين المغاربة






إعلانات تجارية

    لا يوجد حالياً أي إعلان



    شاطر | 
     

      اعْمَدْ المَنْجَجْ ،،

    اذهب الى الأسفل 
    كاتب الموضوعرسالة
    حكيم البورشدي



    عدد الرسائل : 1
    تاريخ التسجيل : 12/03/2018

    مُساهمةموضوع: اعْمَدْ المَنْجَجْ ،،    الإثنين مارس 12, 2018 1:25 am

    اعْمَدْ المَنْجَجْ ،،

    رَامَتْ عَيْنِي
    صَخْرَة رَاشْڭَة
    فَازْڭََة بِدْمُوعْ الهْوَالْ
    شَفْتْ شَلَّا خْيُوطْ
    خَرْجَتْ تَزْڭِي
    لْوَانْهَا عَادَتْ لُونْ
    نَاسْهَا رَزْمَتْهَا لَمْحَايْنْ
    دَفْنَتْ احْلَامْهَا
    فِقْبَرْ الهْمُومْ
    شَفْتَكْ انْتَ وْ ذَاكْ
    فْحَلْمَة وْ شَفْتْ الحَلْمَة
    لْبَاسْهَا ابْيَضْ
    شَفْتْ العَوْدْ بَرْڭِي
    لُونُو مَنْ لُونْ عْزَاكْ
    ڭَالَتْ جَدَّة فِالصْبَاحْ
    البْيَضْ إِلَى كَانْ عْلَامْ :
    مَرْسُولْ جَايْكْ بِالسْلَامْ
    وْ إِلَى جَاكْ بِاللِّيلْ
    صُوفَة مَنْجُوجة سَلْهَامْ :
    غَدَّا نْشُوفَكْ مَنْ العْيَانْ
    وَلَّا كَبْرَتْ الشُّوشَة
    أُو بَانْ هْذَبْهَا فِالشّـوفَة :
    هَذِيكْ عَيْطَة
    مَنْ دَارْ المَخْزَنْ
    وَلَّا رَقَّاصْ
    مَنْ عَنْدْ السُّلْطَانْ
    وَ انْتَ يَا وْلِيدِي
    جَدَّكْ مَاتْ وَ زْمَانُو فَاتْ
    وَ البْيَضْ مَا يْجِينَا
    غِيرْ احْزَانْ وَلَّا حْنُوطْ
    مَرْشُوشَة عَالكْفَانْ
    شَاوْرَتْ جَدَّة لْهِيهْ
    عْلَى ڭْصَبْ المَنْجَجْ
    و ڭَالَتْ مَالْ عَمْدُو امْسَرَّجْ
    وَاڭَفْ فَڭْعَانْ رَامُو الكْحَالْ
    وَ اليُومْ صَارْ اعْوَجْ
    وَاشْ مَنْ العْڭَزْ
    وَلَّا بَرْدْ القْنَاتْ
    دَارْ فِيهْ اليُومْ مَا دَارْ
    يَا وْلِيدِي مَالْ ذِيكْ الكَبَّة
    غْزِيلْهَا مْخَبَّلْ
    نَادَبْ بِسْنَانْ القَرْشَالْ
    وَاشْ هَجَّجْهَا المْشَطْ
    وَلَّا مُوتْ جَدِّكْ غْدَرْ
    وَڭَّفْ الغْزِيلْ
    وْ طَيَّحْ صْدَرْ المَنْجَجْ
    أُو خَلَّا الحَايْكْ
    صُوفَة وَ سْدَى يَبْكِي مُولَاهْ
    نَزْلَتْ عَيْنِي دَمْعَاتْ
    لُونْهَا مَا يَتْفَرَّزْ إِلَى بْهَاتْ
    مَا يَتَّرْسَمْ عَالخد ڭَطْرَاتْ
    إَلى فَاضْ اجْمَرْ
    شْكُونْ فِينَا يَلْڭَاهْ
    يْسَرَّحْ لْسَانُو
    وَ يْعَدَّدْ فِكْلَامُو
    وَ يْڭُولْ إِلَى طَارْ
    حَايْكْ جَدِّي و بُويَا
    وَ تْخَلَّطْ بِينْ بْيَاضُ الحْمَامْ
    وَاشْ نَقْدَرْ بْلَا جْنَاحْ
    نْعَلِّي جَنْبُو وَ نْطِيرْ مْعَاهْ
    وَلَّا نْصَبَّرْ رَاسِي
    وَ نْفَرَّقْ عْلَى نَاسِي
    خَرْقَة مَنْ ذَاكْ الكَتَّانْ
    اللِّي اوْفَى يْدِيرْها شَدْ
    وَ يْشَدْ الشَدَّة مَزْيَانْ
    وَ اللِّي خَانْ بِينْ الجْمَاعَة
    وَ ارْكَبْ دْمُوعْ العَزَّايَا
    تْنَفْعُو دَزَّارَة
    وَ يْخَدَّمْ عَالعْزَارَة
    وَ يْفَرَّقْ النَّخْوَة كِيسَانْ
    رَڭَّبْتْ فْبِيتْ الخْزِينْ
    عْلَى وْثَادْ الخَيْمَة
    عْلَى وْثَاقْهَا
    عْلَى فْتِيلْ القَنْدِيلْ
    عْلَى وْڭِيدْهَا
    وَاشْ تَلَّاوْ فْدَارْ النْعِي
    وَلَّا جَدِّي ،،
    سَڭَّاوْ عْشَاهْ زَرْبَانْ
    سَوْلُو الفْرِينَة وَاشْ بَرْدَاتْ
    وَلَّا جْمَرْهَا سْكَنْ الذَّاتْ ،،
    سَوْلُو الحَلْمَة
    لَاشْ جَاتْ ،،
    مَلِّي الكَسْدَة رَڭْدَاتْ
    عْلَاشْ شَفْتْ فِيهَا جَدِّي
    وَ حْكِيتْهَا لْجَدَّة بِالذَّاتْ
    ڭُولُو لْبُويَا
    إِلَى دَوْرَتْ جَدَّة
    عْلَى اعْمَدْ المَنْجَجْ
    يْشُوفْ ذِيكْ الصَّخْرَة
    فْذِيكْ الدَّخْلَة
    فْذَاكْ المُوسَمْ تَمَّ رَشْگوه
    أُو رَفْدُو عْلِيهْ شَلَّا اعْلَامْ
    بْشَلَّا الْوَانْ
    أُو ڭَالُو الشِّيخْ فْرَضْ الحْكَامْ
    نَكَّسْ الحَكْمَة وْ هَجَّجْ القْلَامْ
    مَلِّي افْتَحْنَا بَزْبُوزْ الكْلَامْ
    بْدِينَا بِالحْلَامْ
    وَ اخْتَمْنَاهَا بِالسْلَامْ ،،

    اعْمَدْ المَنْجَجْ ،،
    زجلية بقلم : حكيم البورشدي
    سيدي بوزيد ،،،


    ،، 29/07/2016
    الرجوع الى أعلى الصفحة اذهب الى الأسفل
    معاينة صفحة البيانات الشخصي للعضو
     
    اعْمَدْ المَنْجَجْ ،،
    الرجوع الى أعلى الصفحة 
    صفحة 1 من اصل 1

    صلاحيات هذا المنتدى:لاتستطيع الرد على المواضيع في هذا المنتدى
    جامعة المبدعين المغاربة ..جامعة الادباء العرب :: دار النشر الورقي :: قسم دواوين الزجل-
    انتقل الى: