الــكــــــــــلام
الكلام الملغم تسمعوا
العقل ينفاجر
روحي المالكاه...يخرج
من الحناجر
حرفوا ناسنا الكلام
بخيلهم باللغز كيتاجر
للي تسولوا ما يعطيك خبر
هذاك فلان وهاجر
الضرب بالف و الخف
يطرب فينا الجاسر
و المبلي بالشرب يلقى
خمروا عند الكافر
كلامنا المصنع مشى
عليه البديع
و الحكمة.
اصبح من فتات الغرب
وغابت عليه الحشمة.
بكات ميمة العربي
سالت دموع البكمة.
ما بقى ما تشوف عدلوا لعينها
عمامة كحلة.
ضحك وزيد يا الظالمني
الصبر هو دوايا
اللواح سايرة تكتب بالقلم
و الدواية.
غير حسب ولا نحسب
جدول الضرب حدايا
هذاك حال الدنيا يا فاقد
فيها الغاية.
الكلام المحصن بالرمز شاروا
الحكاية.
خلاونا معاشرين الباطل
بلا دراية.
الحق ضعاف تكسر جناحو بين
عرش اللواية.
قتلونا باللوبيات شكون فيكم
للي معايا.
آه هكذا العربي شكون للي فيكم
معايا.
