الناس أحوال

عدد الرسائل : 36 تاريخ التسجيل : 28/06/2009

"الناس أحوال"

كرِيمْ النَّفْسْ يحْفْظْ سْـــــرّْكْ
بِينْ رْمُوشْ عيُونُو يخْفِيــــهْ
تكْسَبْ ودُّو..و يَعْرَفْ قَدْركْ
لوْ تْغِيبْ سْنِينْ عْليـــــــــــهْ...
***********
لئيم النّفْسْ منُّو.. ويلـــــكْ
لا تْسَلّمْ ظَهْرَكْ لِيـــــــــــــــهْ
لا دِّيرْ الدِّيبْ خْلِيلــــــــــــــكْ
عْلَى خْرُوف تْأمَّنْ لِيـــــــــــهْ
**********
طْوِيلْ اللّسَانْ.. كلاَمُو غَاوِي
مَقْتْ و سْفَاهَة و لاَ حَدْ يهَنِّيهْ
نَافْخْ صدْرُو.. و رَاسُو خَاوِي
هَازْعْلَى شُوكْتُو ولِّلي هْضَرْ يعْطِيه

والسَّاكْتْ مَاتْعَرْفُو عْلاَشْ نَاوِي
مِّيهَا بَارْدَة.. الطُّوبْ تْرَشِّيـــهْ
لُونُو غَامْقْ.. وسكَاتُو بْـــلاوِي
ثُعْبَانْ مْغَوّْلْ..لاَ تيقَة فِيـــــــــــهْ
************
رْزِيـــنْ لْكْلاَمْ بْ لْحكْمة تْعَرْفُو
لاَبْـسْ لُوقَارْ و لْهِيبَة فْ عَيْنِهْ
مَاشِي بْ لْمْحَبَّة و لْخِيرْ صَرْفُو
صْغِيرْ و كْبِيرْ يْبُوس يدِّيــــــــه

و صْڭَــــعْ لِيَّامْ النَّاسْ تْقَرْفُـــــــو
فْ السُّوقْ فْرَانك يتَّاوَى عْلِيـــهْ
بْخِيلْ بْ لْجُوعْ عْظَامُو شْرْفُـــــو
يجْمَعْ لْلِّي يتْصَرْفُو فِيــــــــــــــه
************
الزّرْيَاطْ غْرِيبْ أَمْــــــــــــــــرُو
فْضُولِي يتْنَطَّطْ بِينْ هْنَا و لْهِيهْ
بْ الجّبْهَة نجَّارْ حْفَّارْ قَبْـــــــرُو
نْهَارْ يحْصَلْ شْكُونْ ينَجِّـــــــيهْ

وخُونَا لْمَعْڭَازْ شِيطَانو غَـــــــرُّو
لْخِيرْ قُدَّامُو..وفنْيَانَا يدِّيـــــــــهْ
جِيعَانْ و اللُّقْمَة حْدَاهْ تْهَـــــــرُّو
يتْسَنَّاكْ تمْضَغْهَا و تْوَكَّلْهَا لِـيـهْ
************
ثْقِيلْ لْخْطَاوِي منُّو تْعَلَّـــــــــــــمْ
وسْط اللاَّمَة مَاتْكُونْشْ سْفيـــــهْ
دْرَسْهَا بْتخْمِيمَة قْبْل مَا تْزَمَّـــــمْ
لَ يقْطرْ قْطْرَانكْ و تغِيصْ فِيــــهْ

وكثِيرْ لمْنَاوِي عْلِيهْ لاَ تْسَلَّــــــمْ
تعْيَى مَاتْحَايْلو لاَ عَمْركْ تْرضِيهْ
نِيتُو غَارْقَة و خَاطْرُو مْظَلَّـــــــمْ
تْقْطَعْ لُو لَحْمْك و مَا يْڭَرْ فِيـــــه
*****************
كبِيرْ لكَرْشْ مَا يَعْرفْ شبْعَـــــــــة
طْمَّاع خْسِيسْ.. اللَّهْ يخْلِيــــــــــهْ
عَيْنُو زَايْغَة تْجْرِي بْ لْخَدْعَــــــة
لْكَدَّابْ حْبِيبُو هُوَ يْدَاوِيــــــــــــــهْ

ولْقَانْعْ تبْسِيمتُو مَا فِيهَا صَنْعَــــــة
رَاضِي بْ لْعِيشَة و لِّي مْقَسَّمْ لِيــهْ
مَا تْسْمَعْ شكْوَاهْ مَاتْصِيب لُو دَمْعَة
هَاداكْ لِيهْ رَبِّي هُوَ يْجَازِيـــــــــــــهْ
***************

لْحَضَّايْ مْسَمَّرْ فْ شَقْ الدّفَّـــــــة
معَ لْغَادِي ولْجَايْ يْلَوَّكْ عَيْنَيـــــهْ
مْتَبَّعْ جَارُو يحَنْزَزْ فْ لْقُفَّــــــــــة
كْفُوفْكُمْ مْعَايَا.. اللهْ يشفَيـــــــــهْ

ولْمْشَّايْ بْ نْمِيمَة ڭَنْسْ لْقَصْفَة
يْجِيكْ بْ كْلاَمِي.. و كْلاَمْكْ يدِّيـهْ
يْزَوَّقْهَا عْلِيكْ ..وِيزِيدْهَا قَرْفَــــة
يْفَرَّقْ لْحْبِيبْ مْعَ.. مْنْ يبْغَيـــــهْ
**********

قْلِيلْ لْحْيَا تْبَانْ فْ وجْهُــــــــــــــو
ڭَنْسْ مْقَطَّرْ لاَ حَدْ يْعْنِيــــــــــــــهْ
حْرَيْمِي و بْغِيضْ والنَّاسْ تْكَرْهـو
خِيرُو مَقْطُوعْ حتَّى فْ مْوَالِيـــــهْ

ولْدْ لْحْلاَلْ مَا تْحْتَاجْ تْنَبهُــــــــــــــو
معَلَّمْ لْحْيَا والصْوَابْ قَارَيـــــــــــــهْ
زِينْ لْقْدَام و رَبِّي مْنَزْهُـــــــــــــــــو
بْ لْحْشْمَة و الثْبَاتْ مْقَامُو مْعَلِّيـــهْ
************
لْمْخَنَّثْ مْدْلُولْ عْوايْدُو بْسَالَــــــــــــة
ولْدْ مُّو مَا عَارْف الزْمَانْ مينْ إيجِيهْ
مَا يْكَفَّفْ سْرْوالْ مَايْخِيطْ نْعَالَـــــــــة
مْكُونْبْ و الرِّيحْ لِّي جَابُو يْدِّيـــــــــهْ

وْلْحَارْ يظَلْ يجْرِي مْنَوَّضْ غـــــــــالاَ
مَايرْضَى يْمَدْ يَدُّو لْكْ وْلاَّ تْعْطِيــــــــهْ
عَارْفْ مْقْدَارْ نْفْسُو وعَازْ لْحَالَـــــــــة
مْصفِّي بْ لْكْلْمَة مْنْ رَاسُو لْ رْجْليهْ

نص مليء بالحكم وأمثلة مؤخودة من الثرات المغربي

مودتي

عدد الرسائل : 36 تاريخ التسجيل : 28/06/2009

حميد يوسفي كتب:: نص مليء بالحكم وأمثلة مؤخودة من الثرات المغربي

مودتي

تحليلك جميل ووارد غير أنه في لحظات الكتابة لم استحضر مثلا شعبيا وحدا ..أشكرك أخي على توقيعك الرائع وتحلياك الجميل مودتي

موضوع: رد: الناس أحوال السبت يوليو 25, 2009 12:23 am

ربما الأخ حميد يقصد بالأمثال الشعبية المغربية فلسفة تكوين نص بالدارجة الحرة المغربية..

ويعني أنك توفقت في نسج قصيدة رائعة
شكرا لكما

موضوع: رد: الناس أحوال الخميس يوليو 30, 2009 7:13 am

شكرا أخي على هذا النص الزجلي الجميل الذي يلامس واقعنا الرديء.....تحيتي

موضوع: رد الخميس يوليو 30, 2009 5:58 pm

الزجال عبد العزيز زكي

نص جميل
شكرا لك على تصوراتك الفنية
التي تعطي للنص عشق تفاعل المتلقي

تحيتي الأخوية

عدد الرسائل : 36 تاريخ التسجيل : 28/06/2009

mohamed zitoni كتب:: ربما الأخ حميد يقصد بالأمثال الشعبية المغربية فلسفة تكوين نص بالدارجة الحرة المغربية..

ويعني أنك توفقت في نسج قصيدة رائعة
شكرا لكما

أشكرك اخي على هذا التعليق الجميل و الرائع ..تحياتي لك

الزجال عبد العزيز

قرأت هنا نصا كله حكم..لغة شاعرية وانسيابية جميلة تغري بالمتابعة
عمق ودقة ...نفس طويل يحيل على مقدرة وتمكن واضحين

مودتي

عدد الرسائل : 36 تاريخ التسجيل : 28/06/2009

نجيب أمين كتب:: شكرا أخي على هذا النص الزجلي الجميل الذي يلامس واقعنا الرديء.....تحيتي

ا[color=darkblue][size=24]لأستاذ المقتدر نجيب تعاليقك راقية بكل المقاييس أشكرك على هذا المرور البهي .. أعدك اني لن أكتب الا ما يلامس هدا الواقع المؤلم للاسف..شكرا

عدد الرسائل : 36 تاريخ التسجيل : 28/06/2009

بنعيسى الحاجي كتب:: الزجال عبد العزيز زكي

نص جميل
شكرا لك على تصوراتك الفنية
التي تعطي للنص عشق تفاعل المتلقي

تحيتي الأخوية

الأستاذ القدير بن عيسى أشكرك على تتبعك لكل مشاركاتي وتشجيعك لي ..شكرا ايها الرجل الطيب

» الناس أحوال
» أحوال الناس
» أحوال
» حال الولي أحوال
» مال هاد الناس