دعوة للمجدوب نجيب امين ... يده تبدع ف الحرف و اللون و الطين

جيتكم اليوم من عرصة لكلام
نديوا و نجيبوا ف اللغا
مضي منجل حروفك بالتمام
يدخل عندنا كل من بغا

سْواكْ لوحْتَكْ يكون صْمَقْ
وُ شَمَّرْ دراعْ لمْعاني
صُوطْ على ذاك الغْبارْ و نطَقْ
بارَكْ هنا وُ أيَّاكْ تَنْسانِي

زائر

ليك تزاغريدة وألف مرحبا

يا جاي من عرصة لكلام

كيّلت حروفي من الرّحبا

وفرزتها بمنقار لحمام

ريحت لكلام فاحت

ولوحتي بيضة صافيا

حروفي سمعاتك وبانت

ولات معانيها كاديا

مرحبا ب تزغريدة لالة
يا مجدوبة هذا لمكان
حروفك ضاوية شاعلة
تطير الغم و لحزان

بغيت نسولك سؤال
يا لالة مولات الحرف لمساوي
بغيت جوابك ف الحال
الحرف مورق و تراب جنانه ضاوي

الكتبة هم و حروفها قيود
و الجذبة وسطهم ترشي
دخلت من بابها يا سعد السعود
كيف لقيتيها ملي بديتي تنقشي؟؟؟

مرحبا
أولد الخير
حرفك
مْسَـــلـّم
حرفك
على الراس
و
العين
السواكن رتاحو
ف اللمه
ونا موجود
ب التمام
مني ليكم
جميع سلام

دخلت لعرصة الكلام
حاملة فلبي بين يديا
لقيت ورد مفتح الكمام
وزغاريت وهدية
وصحبة زينة الايام
علي ونجيب ولالا ثريا
فرح القلب وبلغ المرام
وعاد الضحكة حلات ليا

يا المحرف بالحرف و الريشة و اللون
يا المسكون بريحة لمداد
كيف تعيشها دنيا بهذه الفنون
و هاز هموم هذه لبلاد؟؟

المسكون باللون و الحرف بحالك
طريقه ملزومة بالصبر
الكية ف المعنى و راها ف بالك
خوي هنا دواخلك و هضر

موضوع: لالة رشيدة الخميس سبتمبر 10, 2009 1:27 am

فرشنا الورد و رشينا حروفك بالزهر
و لك من هذه اللمة وريدة
قدامك فايحة بريحة العطر
و العيطة عليك يا لالة رشيدة

موضوع: رد الخميس سبتمبر 10, 2009 2:03 am

العـرصة ــ الجنان ــ والغـرسة ــ

ــ العرصة حواض مجنسة ، كلها ومذاقو والنظرة تفاجي بشي جلسة ، وريح خفيف بحرير بلدي ليه كسى
و خيال الورد فصلو يواتيه روام ف اللبسة ... وهذي نافدة جميلة حرف وكلمة لجميع الإخوان بلا ماتنسى

ــ والجنان مطاير بكرم عالي ظل وهوا ، الـجلسة نشوة متعة عناية تهتهية نخوة ، ونعانع مربطة من عامها توكل
وزرابي مفرشة تحتها حساير ، وتكاكي تجيب النعاس من الثلث الخالي ، تواسيه وتراري به ، ويلا خان به النعاس
غير لاتسحيه ... سير شوف الغرسة وتما خليه

ــ والغرسة ذاك الرياض الباهي ، الحوت ملون ف الخصة ، وطيور على كل اشكال ، كتهلل بنطقها مساوية ميزان
ومن الزوار عفة ف لكلام ، ونظرة كتلالي ف جمال الغزلان ، وجناب الزهر منو تتغدا ، ويلا عشقت شين رادت
ما يتقيد عليها لوم ما يصدر في حقها احكام

ايوا مالك آسي علي خرجتينا ف هاذ الليل هيجتينا وهولتينا ولكن ف لحقيقة كانت رغبتنا في هاذ الخرجة
طلقنا رجلينا تنزهنا وضربناها بتفويجة ... تحيتي لك تسلم وتنجى

قدام الربح مزينها كلسة
و الحاضر يعلم الغايب
كملت اللمة بسي بنعيسى
يعلم الله و آش جايب ؟

جاب مرمة و طرز من كلامه
جاب الخير و غلة الحروف
دخل الخيمة مشمر كمامه
قال كلام مغزول بالصوف

مرحبا بهذا الطير و تغراده
مرحبا بالحرف المنقوش
ينطقها بحكمة جداده
و الميزان عنده مفروش

بعد التحية وسْلامْ
سْماحة إلا جيت معطلْ
لَمْزِودة فيها شلا كلامْ
شَميتْ ف عرْصتكم حرْف معسّلْ
ولَمْعاني فايْحة رْوامْ
كلامْ حْرايفية منقي ومْغربل
منْصوب ريحتو أقوامْ
دخلْت أطالبْ تَسليم بَلمْهلْ
أنْ كابرْ بشي بَركة منْ أنظام
وَفدونا للهْ إلا خوكمْ احصَلْ
اللهْ إثَبّتْ اسي علي لقدامْ

عبانة حروفك غطات اللمة
و فرشت لنا لمراقد
حروفك يا هذاك كلها نغمة
ما نقدر فيها نجاحد

كبير اللمة جا و جاب المرفودة
حرف مطروز بالاحكام
الهمة و الرزانة موجودة
منك نتعلم يا سي عبد السلام

عرصتكم في أرض محمية

اللي دخلها ينسى السمية
فيها من لكلام لمكرشل نقاوتو
فكرني في زمان النية
ومن لمعاني زريعة تامرة
من عيون المجدوب مسقية

موضوع: حميد يوسفي الخميس سبتمبر 10, 2009 3:39 am

مارحبا و الف مارحبا
بلي جا و جاب
مارحبا و الف مارحبا
هذه لمة لحباب

شحروا برارد لمعاني
راه وتاق اللمة وتادها حديد
كلام لحباب راه سباني
ضويتي اللمة يا سي حميد

زائر

يا سي علي يا ولد لالّة
مجدوبة و مسكونة بالحرف
راه الكلمة فياّ شاعلة
و هجهوج كلامك فدواخلي يرجف

الكلمة يا ولد لجواد
نقشها ماله متيلْ
يعلّم لغا بين لسياد
و معد نها دكّه قليل

منّك يا ولد القبّة الظاوية
تعلّمت نقش حروفي
و من خصة معانيك الّراوية
بلّلت دويّة جوفي

سعدي أنا بحروف سيدي
فيها نغطس مرود حنتّي
نزيّن بيها كتاب يدّي
و نتبهى بيها وسط لمّتي

الكلام المنظوم ما كاين ما احسن منو
والكلام الملغوم الله ينجينا منو
عرصتنا على المحبة تبنات
طيورها احسن ما في الزجالة
في وقت الرخى بلابل غنات
وفي وقت الشدة تلقاهم رجالة
وبناتها وردات مفتحات
تقول لعاشق الفن تعالى

سلام لحباب عرصة لكلام

نهديكم

سلامي حروف

فجرت

معاني بدخالي

نهديكم

سلامي قصيده

سيلت

دموعي ف نجالي

نهديكم

سلامي حلقه

هيجت

شوقي للعالي

لحلقه

فيها وبيها

لحلقه

فيها وليها

و حلقة لجامعه

صافيه

دورتها وافيه

علي

رشيده

ثوريه

حميد

بنعيسى

عبد السلام

ياسين

وحباب كثار خرين

محبه صافيه

وُ

النفيسه

بها معافيه

موضوع: رد الخميس سبتمبر 10, 2009 7:19 pm

علي مفتاح كتب:: قدام الربح مزينها كلسة
و الحاضر يعلم الغايب
كملت اللمة بسي بنعيسى
يعلم الله و آش جايب ؟

جاب مرمة و طرز من كلامه
جاب الخير و غلة الحروف
دخل الخيمة مشمر كمامه
قال كلام مغزول بالصوف

مرحبا بهذا الطير و تغراده
مرحبا بالحرف المنقوش
ينطقها بحكمة جداده
و الميزان عنده مفروش

قدام الربح مزينها كلسة
تحلى وتزيان مع لحباب
و الحاضر يعلم الغايب
اتجمع اللمة بالتمام وتخيط اللبسة
كملت اللمة بسي بنعيسى
جلسة ونزاهة وقتها عاد كتاب
يعلم الله و آش جايب ؟
كلمة ونغمة وبوح الخير ما يتنسى

جاب مرمة و طرز من كلامه
لحرير شانك والطرز فن وغرزة
جاب الخير و غلة الحروف
والخير خيرين ف مكانك ألف وهمزة
دخل الخيمة مشمر كمامه
ولف صادق معروف سلهام ورزة
قال كلام مغزول بالصوف
والصوف سترة روح حليب ودزٌة

مرحبا بهذا الطير و تغراده
نصب الخيمة بالتمام ودق اوتادو
مرحبا بالحرف المنقوش
آية مقدسة ف كتاب نخوة وفشوش
ينطقها بحكمة جداده
كلمة ومعنى ولقلم شاهد زمم بمدادو

و الميزان عنده مفروش
الذوق ف لكلام ايلا كان روام
والمسوس ف قوامو ديما مغشوش

[/center]
[/center]

زائر

مرحبا ونهار كبير يا حبابي
العرصة مضوية بيكم
قبلوا ع الموجود ف كتيبي
ما كنت دايرة حساب مجيّتكم

نتما موالين جانات النّخوة
ولحروف المسقيّة بالزهر
كل من يقرا حرف جنانكم يحسّ ب نشوة
و بريحته الفايحة يتعطّر

مرحبا سي عبد السلام و سي بنعيسى
أنا عاشقة لحروف للاه رحموني
بغينا نتلموا على كسان لحروف ف كٌليسة
و فنقش لكلام علّموني

دارنا تجمع قريب ولبعيد
و فلمّتكم نجبر هنايا
هذا خويا نجيب وسي حميد
وقفين على جدبة لحروف حدايا

مرحبا يا هل الكلمة حباب الجامعة
عاشقين الحرف وريشتكم وحدة
مواتياكم الّمة ع الحرف ب التّربيعة
و معانيكم حامية تضرب رعدة

عدد الرسائل : 556 تاريخ التسجيل : 19/03/2008

مرحبا بالحباب في عرصة الكلمة

معنى تديك لمعنى
وايقاع .....متبث النغمة
بين سوالف بسمة
ونجمة ساطعة
تكرنت عليها لعيون
وطاح لمسكون
بين جوانحك
يا عرصة لفهامة
ناسك ضاويين
وسماك
ماتعرف
ظلمة

سلام الله عليكم يا صحاب الحرف الرزين

صحـاب لكــلام الضاوي ف ظـلام الليــل

ما عرفــت راســـي فيــن كنــت كايـــــن؟

نسيـت المجمــع وفاتنـي ركـــوب الخيـــل

قبلونـي ضيـف بينكــم ف عرصـة لكــلام

عرصة خضـرا وغرسهـا حروف لمعانـي

وردهـا نسيمــو يفــوح بالمحبــة والســلام

تفـرح المهمـوم وتزيــد فْ سعـــد الهاني

موضوع: رد الجمعة سبتمبر 11, 2009 1:24 am

نجيب أمين كتب:: سلام لحباب عرصة لكلام

نهديكم

سلامي حروف

فجرت

معاني بدخالي

نهديكم

سلامي قصيده

سيلت

دموعي ف نجالي

نهديكم

سلامي حلقه

هيجت

شوقي للعالي

لحلقه

فيها وبيها

لحلقه

فيها وليها

و حلقة لجامعه

صافيه

دورتها وافيه

علي

رشيده

ثوريه

حميد

بنعيسى

عبد السلام

ياسين

وحباب كثار خرين

محبه صافيه

وُ

النفيسه

بها معافيه

نورها ديما حاضر
مضوي بشعاه
طريق العرصة

النايرة والحالمة
لمسكدة والهايلة
ولمرحبة بافراد اللمة

الجالسة جلسة لعمر
كتواسي بكلامها
آش كتاب واش تقدر
ف ميزان لقدر

الحرف ناقوس مقزدر
والكلمة لسانها يلالي
جوابها على نابها
والو ماكتستر

زائر

عرصتنا تجمع لحباب
مرحبة بيك سْعيدَة
و الحرف يتغنّى بالصحاب
و بيك يا لعزيزة رشيدة

مرحبا بملاة القلب لكبير
و زينة التبسيمة هي
روينا بكلامك لكثير
يكون لينا أحسن هدية

موضوع: لكلام كمنجل الجمعة سبتمبر 11, 2009 2:33 am

بنعيسى الحاجي كتب:

نجيب أمين كتب:: سلام لحباب عرصة لكلام

نهديكم

سلامي حروف

فجرت

معاني بدخالي

نهديكم

سلامي قصيده

سيلت

دموعي ف نجالي

نهديكم

سلامي حلقه

هيجت

شوقي للعالي

لحلقه

فيها وبيها

لحلقه

فيها وليها

و حلقة لجامعه

صافيه

دورتها وافيه

علي

رشيده

ثوريه

حميد

بنعيسى

عبد السلام

ياسين

وحباب كثار خرين

محبه صافيه

وُ

النفيسه

بها معافيه

نورها ديما حاضر
مضوي بشعاه
طريق العرصة

النايرة والحالمة
لمسكدة والهايلة
ولمرحبة بافراد اللمة

الجالسة جلسة لعمر
كتواسي بكلامها
آش كتاب واش تقدر
ف ميزان لقدر

الحرف ناقوس مقزدر
والكلمة لسانها يلالي
جوابها على نابها
والو ماكتستر

لحرف فراش مركوم
و الكلمة غطا و عريانة
بمنجج و قرشال مخدوم
و لمعاني صوف و عبانة

و الحرف المدزوز بكانة
صوفته بلدية حليب
يخلي النفس ولهانة
يداوي لجراح بلا طبيب

ياسين مصطفى جميل كتب:: سلام الله عليكم يا صحاب الحرف الرزين

صحـاب لكــلام الضاوي ف ظـلام الليــل

ما عرفــت راســـي فيــن كنــت كايـــــن؟

نسيـت المجمــع وفاتنـي ركـــوب الخيـــل

قبلونـي ضيـف بينكــم ف عرصـة لكــلام

عرصة خضـرا وغرسهـا حروف لمعانـي

وردهـا نسيمــو يفــوح بالمحبــة والســلام

تفـرح المهمـوم وتزيــد فْ سعـــد الهاني

يا لي فاته ركوب الخيل و التبوريدة
سرج عودك البركي
العرفة بخيالتها فريدة
المعنى ف بارودها مسكي

مارحبا بزين الصنعة
و الكلام لمساوي
ضوات علينا هذه الطلعة
حليب كلامه راوي

ملي جْمَع الله شْملْ وكملات اللمة
وجاوْ لحْبابْ العرْصة قاصْدين
أرجال ونْسا واصْحابْ الهمّة
رشيدة وثريا ومفتاح وبنعيسى وأمين
أما نْساو ياسين وكل منْ إسمُ تمّة

ف عرْصًتْ لعْروصْ نْقيمو نزاهة
وكلْها بالحرفْ إتبهى
الروحْ ما تصيبْ مناها
إلا بالحرْف دواها

جًلستْ لحباب تْفيّقْ لوتارْ
أوْتار القلبْ النايْمة
قالو سْيادنا تزيدْ ف لًعمارْ
وللي زمم حرْف سميْتو دايمة

يا داخلْ عتبْث عرْصتنا
متّعْ نظْركْ وبْصاركْ
واصْغى وتْفهّمْ وسمعنا
وشبعْ خْيالكْ وفْكاركْ
كلْ نَبْتة فيها معنى
مشْمومْ زاهي إزهيْ أمكانكْ

مَجْمَعْنا مَجْمَعْ الكلْمة
صًايْلة ف دروبْ الحكمة
صايْنة مْنوْرة حًلكْ الظلمة
وعْمل صوابكْ مع ناسْ لًمْوالْمة

» حـــــيره
» الزجال نجيب أمين
» نجيب امين بين الزجل و الفن مسيرة مبدع
» قوة الحرف- من كتاب معادلة الحرف لبركي حميد-
» الطين والماء