عاري عليك

موضوع: عاري عليك الثلاثاء يناير 19, 2010 9:48 pm

عَارِي عْلِيكْ

عَارِِِِي عْلِيكْ يَا قَاطَعْ جْرَافْ
بْرَجْلِينْ خْفَافْ
سَلَّكْ خْيَالِي
مَنْ اوْحَالْ سَعْدِي
مَنْ سُؤَالْ زَنْدِي
بَلَّغْ لْغَايَ
لْكْرَاكَرْ مَنْ لَحْجَرْ
لْنْوَادَرْ مَنْ الشّْجَرْ
لْشْرِيفْ هْبَالِي
فْكُدْيَة
فْجْبِينْ مْسَطَّرْ بْسْطُورْ مَضْرُورَة
وفْدَادَنْ مَغْرُورَة

تَحْلَمْ بْدْمُوعِي شْتَاهَا
عَارِي عْلِيكْ
يَا مْكَرْبَلْ عْرَاسِي مَسْقِيَّة
كَرْبَلْ عَرْسَةْ شْقَايَ
فْخْرِيفْ مْشَتَّتْ لوْرَاقْ
فْاكْتُوبَرْ
خْلاتْ فِيهْ لْسْوَاقْ
فْشْتَا مَغْلُوبَة
مَحْگُورَة
فْغْيَامْ وسْحَابْ وضْبَابْ
تْقَلَّبْ عْلَى شْتَاهَا

عَارِي عْلِيكْ
يَا مْنَقِّي التّْرَابْ
مَنْ عْرُوگْ مَجْرَابَة
يَا مْدَرِّي سْوَالَفْ
يَا مْشَطَّبْ الْگَاعَة مَنْ الصَّابَة
تْوَحَّشْنَاهَا
عَارِي عْلِيكْ
يَا حَاطَبْ حْطَبْ
مَا طَابْ رْغَيْفِي عْلِيهْ
مَا شَاوَرْ نَارُو
مَا كْتَمْ سْرَارُو
مَا سَگَّى دْگِيگُو
بْغُرَّافْ خَابْيَة
شْقُوفْهَا تْوَحْشَتْ مَاهَا

عَارِي عْلِيكْ
يَا ضْرَعْ زِينَكْ فْحْلِيبَكْ

سْقِي عَلّْتِي
بْبْيَاضْ لُونَكْ
يْصِيرْ كْحَالْ عَلّْتِي
زَبْدَة تَكْسِي عْرَاتْهَا

عَارِي عْلِيكْ
يَا مَنْجَجْ
مْسَدِّي سْرَارِي
صُوفَكْ حُرَّة
خَلِّيهَا تْغَطِّي جْنُونْ ايَّامِي
وحِيرَةْ بَالِي
يَسْعَدْ بْسْدَاهَا

عَارِي عْلِيكْ
يَا زَايْرْ لَقْبُبْ
يَا ذَايْقْ ومْجَرَّبْ
خُوذْ شَعْرَة مَنْ رَاسِي
تْوَسَّدْهَا فْحَرّْ لاهَتْ
فْثْلُوجْ ذَابَتْ
فْغيَامْ سَاحَتْ
وْرُدْ خْبَارَكْ
لْسْحَابْتِي
تَلْفَتْ عْلَى سْمَاهَا

عَارِي عْلِيكْ
يَا طَالَبْ ضَيْفْ الله
يَا وَاگَفْ بْسْلامُو

عْلَى بَابْ الله
عْشَاكْ فْگَدْرَة
وغْطَاكْ خَيْطَاتُو لَبْرَا
وغْدَا ظَلْ شَجْرَة
سَتْرَة بْكَاتْ ظْلالْهَا

عَارِي عْلِيكْ
يَا مَجْدُوبْ
يَا مْفَاجِي الْكُرْبَة
يَا مْصَاحَبْ حْرُوفْ مَصْرُوعَة
يَا مْعَرِّي الْبَارَحْ مَنْ ظْلامُو
يَا كَاسِي الْيُومْ بْدْفَاكْ
يَا مْقَدَّمْ الرْجَلْ
يَا حَاصَدْ السّْبُولَة

بْلا گَمْحْ مْسَبَّلْ
ولَحْصِيدَة الشُّومْ گْدَاهَا
عَارِي عْلِيكْ
والْعَارْ وَلَّى عَارْ لْعَارِي
ونْشَفْ لْسَانِي مَنْ رِيقُو
وحَالِي عْدَفْ حَالِي
وجْوَابَاتْ عَارَكْ مَا قْرَاهَا.

زائر

CHER MOHAMED MOUMIR

TOUT L'HONNEUR EST POUR MOI D'ETRE POUR LA DEUXIEME FOIS LA

PREMIERE LECTRICE QUI SERRE SI FORT DES LIGNES QUI ONT UN SENS

PROFOND, TELLEMENT QUE JE ME SUIS MISE ENTRE CHACUN DE CES

MOTS QUE J'AI VRAIMENT VOYAGE TRES LOIN

Mr MOUMIR

QUE DIEU PUISSE VOUS DONNER LONGUE VIE ET VOUS GARDE VOS

DOIGTS D'OR ET VOTRE PLUME D'ACIER

ACCEPTEZ MON MODESTE PASSAGE ENTRE VOS LIGNES

VOTRE LECTRICE ET AMIE DE PLUME

KADI TOURIA

موضوع: رد: عاري عليك الأربعاء يناير 20, 2010 7:45 am

ما يسعني إلا أن أعيد شكرا على الإمتاع أيها الزجال البهي ...لك كل الإحترام والتقدير أخي السي محمد مومر

موضوع: رد: عاري عليك الأربعاء يناير 20, 2010 8:49 pm

اختي العزيزة ثريا
لك مني كل التقدير والاحترام
جد سعيد بما خططته اناملك الرقيقة
الود لك ..وفاءا وصدقا
مودتي

موضوع: رد: عاري عليك الأربعاء يناير 20, 2010 8:52 pm

اخي العزيز نجيب امين

شكرا جزيلا على تفاعلك الدائم مع نصوصي...
طيفك الصادق منبع الصفاء والحب

مودتي

موضوع: رد: عاري عليك الخميس يناير 21, 2010 5:08 pm

الأخ الزجال المتألق محمد مومر

نص زجلي جميل بمعانيه التي تعبر عن الذات المتدمرة من واقع يعيشه شباب اليوم، فهو نص رائع بكل صوره وأبعاده.

دمت رائدا للحرف الهادف .. مع أزكى سلامي وأسمى تقديري

موضوع: رد: عاري عليك الجمعة يناير 22, 2010 8:55 pm

تحياتي اخي ياسين مصطفى
لك مني كل التقدير...
مودتي

» سلام عليك
» عا ري عليك.....
» خليني عليك
» الله عليك يا كليمة
» هوني عليك