عمر نفيسي
عدد الرسائل : 25
تاريخ التسجيل : 03/10/2010
 | | موضوع: عبارة هاك و ارا الإثنين أكتوبر 04, 2010 1:51 am | |
|
جارت الدسارة
وترابي الخسارة
وعبارة هاك وارا
كانت وباقيا غوص فكل ادارة
تنال بيها البشارة
وغير قرقش النيكل فالشكارة
وبلا حزارة يبسطوا المسطرة
وتشوف ولد الهم
ما يخاف ما يحشم
بوجهوا حمر زاهي
يعصر الدم فوجهي
يامر الله ينجيك
اعطيني نعطيك
ادخل عليا نقضي ليك ونسربيك
ادهن السير ترطاب الخرازة
ايلا تريد تقضي حاجة
ما تتعب ماتحرك
الدار دارك
والمكاتب تحت شوارك
يكبرو شانك
ويزينو جبينك بتاج
ينادوك بالحاج
ولا الموشطاج
...التحية من خلف الجاج تجيك
الحمرا تسربيك
تجور ع الطابور
وتوسع ليك الضيق
اما الشقفة خليها للطريق
والخضرا بيها تحبى بالهيبة
قيمتك تربا
والصنديد لي يجيد التبوريد
بين ايديك يحني الركَبة
اما القرفية بياسة حية
وَلَيْنِّي هي
مزيية وتنال بيها التزكية
سماوها الشنّاقة عين موكة
غير لبسها للكف
وعطي للجيفة تصرفيقة
اما الزرقا تغري بيها عويتقا
تعطيك الشباب وتزيدك بلا حساب
وعجب العجاب فهاد ولاد الكلاب
بيها يحلو الباب
وتدخل الفتنة بالزغاريت والترحاب
مرض خبيت هادا
...ولدي عنداك لاتْعَادا
العَدْوَى مكشرة عضّاضة
وهاد العَدْوَى رشوة
ما خلاَّت فالذات مروة
حسبوها قهوة
وحاكو فتوة
وكَالو راه هدية
وهي فالكتاب والسنة
شيّة من شيّات الغايس فالخطية
عمر نفيسي
| |
|
محمد بوبكر
عدد الرسائل : 261
العمر : 45
تاريخ التسجيل : 20/09/2010
| | موضوع: رد: عبارة هاك و ارا الإثنين أكتوبر 04, 2010 3:16 pm | |
| رائع أخي عمر نفيسي
موضوع موفق من الواجب التطرق إليه من حين إلى آخر
جئتَ بواقعيته بطريقة جميلة ملفتة
تقبل مروجي مع تحياتي الصادقة | |
|
عمر نفيسي
عدد الرسائل : 25
تاريخ التسجيل : 03/10/2010
| | موضوع: رد: عبارة هاك و ارا الإثنين أكتوبر 04, 2010 5:29 pm | |
| ا[size=24]حساس لايقاوم عند كل مبدع
عندما يصادف ادانا صاغية او عيونا
تعشق التنقيب في اغوار المتعة
دمت مبدعا وسندا للمبدعين
لك كل ودي اخي محمد بوبكر | |
|
عمر نفيسي
عدد الرسائل : 25
تاريخ التسجيل : 03/10/2010
| | موضوع: رد: عبارة هاك و ارا الأربعاء أكتوبر 06, 2010 2:45 pm | |
| شحال غردت فشوني
حتى صفار لوني
وما سمعوني حياحة | |
|
