اسمع يا السامع

عدد الرسائل : 442 تاريخ التسجيل : 21/02/2011

اسمع يا السامع واروى لحديث
هذا كلام من النفس طالع
مهو غير مكتوب في الديوان ولانترنيت
واقع فيه اتحطيت
بيه لنفسي ولنفسك ما ارضيت
باش نعيش
حاولت نخدم بكتافي ما قديت
حطيت الشواهد قدامي واشحال ابكيت
على ليام اللي عليها فنيت
عمري ضاع في اجري وما ادريت
وجدت نفسي في الربعين
لا خدمة لا زوجة لا بيت
اعييت اعييت اعييت
حتى باب ما خليت
بدبلوماتي وشواهدي ما اسويت
عوض ما نترقع التليت
كيف كان طموحي وكيف وليت
وليت جالس في عتبة البيت
محبوس ومهووس
حتى اصحابي اللي
اوقف معاي اليوم غدا يسوس
حيت جيبي خاوي من لفلوس
كالوا لي دير راسك وسط الريوس
يا هاد المنحوس
لكن أنا ماني منحوس
ازماني اللي منكوس
ازمان الحرب والطوفان وقتل النفوس
ما كاين غير اعفط ودوس
حتى الغرب اللي بيه اتغريت
صبحت عندو أزمة مالية
وعلى رغبتي في الهجرة اتخليت
كيف اندير
الهيه اتحطم فيه حلمي اللي بنيت
وفي بلادي الصبر اتعديت
كولوا لي
واش انعمر بلاد الغرب اللي فيه تهانيت
من القمع والعنصرية عانيت
ولا نجلس في بلادي
ويكفيني الخبز والزيت
لكن أنا قريت ووعيت
كون بقيت جاهل كوراني اتعاميت
نخدم خماس وما نكول عييت
لكن انا حلمي ليه شحال تسنيت
وما زال نتسنى وعليه نكافح
حتى نعيش كيف ابغيت.

» يا السامع
» عرام من لكلام... و فين السامع؟