العجب العجاب
تغلقت البواب
وتقطعت لسباب
قلو لحباب وكثرو لذياب
كشروا نياب
وبدا لعذاب
بنادم خيروا غاب
والناس بدات تسقسي لقراب
على ذا المصاب
؟؟؟؟؟؟
الحليب فضراع البقرة توجدوا راب
والثلج فعالي الجبال قالوا ذاب
والطفل فكرش مو شعرو شاب
والحق فزمان الغفلة رجع صراب
والحق فدار القضى ولا ساب
والنور فبلاد الشمس طار وغاب
على لي فيه الخير ما تجمعوا لحباب
وعلى كلام العار تجالسو لصحاب
سدر النكير دق وتادوا فالطراب
وزيد وزيد زالزيادة فالباب
.......
. فقلب العباد سكن الوسواس
ولي يهضر يضرب الكاس
ولا شر الخلق هو سيد الناس
.....
الناس لناس والخاوة تحد الباس
بالخير ما يبقى حد عريان لباس
اليد الوحدة ما تحفر بالفاس
ولا الصوت الفرادي يدير الهواس
(يتبع ...)
