من فم السؤال
شعل..ـــــــــــــ
حرف ف الحال
جدبت الدواخل...
الدماغ ركب عل لخيال.
وعيط وا...المكاحل
الطرح سخان بلمحان
شدني الخوف من الجوف
بديت نخمم.. نزل الدم
طلع حرف نخوا...
وشــــــــــــــــــــــــــــان
***
ها الواد هــــــــــــــــــــــواد.
فين الطلبة؟ ..فين لجــــــــــــــــــــــــــواد؟
ها النار..... بلا عـــــــــواد
ها العافية....بلا دخــــــــــــان.
***
هاني على ضهر خيالي ندور
ها وجه لقصيدة طالق نــــور
الفرحة ف حلق الكبدة
ها اللذة
ها حريفاتي تناكي الضلم
هازاني عل اكتاف الحلم
بغيت نجبدها
ايوا منين نبــــــــــــــدا؟
***
هاني مطلوق ف النار
نشعل نور
ف حالة طوير ف اهل سريف
خفيف ضريف ..
يغرد فوق جبال الريف
***
جا..وجاب
بالسر يكر
الحق ف قلب لقصيدة
بمعاني جديدة
سابقاها ريح لمحبة حارة
عادفاها جرة..
***
النفاق فاق...
من كثرة الدق
داق
النيف...
ربيعي ديما خريف.
***
بنادم سبع كمامر
السن يفرنس
والقلب عامر
اللسان تارة ينجا من لموجا
تارة يغامر
سولوا البراد يعطي سر..
لمجــــــــــــــــــــــــامر
داروا فيــــــــــــــه خبلة
دوخوه وتلفوه...
عل القبــــــــــــــــــــــــلة
***
صمكوه بالكذوب
خوفوه من الذنوب
رفعوه .....شعارات
كتبوه عبارات
هزوه .....رايات
لبسوه صايات
قالوا ليه:
قل اشنوا ذنبي
فضحوه يضرب فيه الغربي
***
وراواه عــــــــــــــــلاش يقد
علموه يسجــــــــــــــــــــــــد
بناوليه فين يركع يعبــــــــــد
***
خواواه كاس
خلاو نعناعه يدبال
ف صهد الحال
سكنوا ليه عساس ف البال
***
ك سبسي عمروليه الراس
خلاواه معمي واهيا عمي...
شعلوه وقالوليه:
هاك تكمي..
الحكرة بلا قياس
**
خسروليه الكــــــانه
رجع بالتسرسير مكانه
وحليه الخز بين الضراس......
المفضل الياموني..
