واه هاد الأمة حرام , عيب , وحشومة
واحد قتل نسيبتو على طرف د الشحمة
و واحد قتل خوه على جغمة الما
و واحد شتت أسر على قبل 2متر
وا هاد الناس ديرو لعقل حيدو عليكم البخل
... علاش كلا يقول راسي أ راسي
ما يعرف هدا خويا و لا هادي ختي
و كاين اللي ما يعرف لهدا با ولا هادي مي
أش هاد الحالة وصلتو ليها
البخل و الجشع و الأنانية الفتنة هومة ماليها
كون كل واحد قنع و شبع
يقضي على الجشع
كون كل واحد دار النية
يقضي على الأنانية
كون كل واحد دار و دار
كون قضا غلى شحال و شحال
يا بنادم باراك عليك
راه غير التراب للي يعمر عينيك
شحال قدك في الدنيا ما تجري
في اللخر للقبر معاك معندك ما تدي
من غير العمل للي درتي
وا فيق يا بنادم
راه الخاوة حدها الدنيا
و الدنيا غير امتحان
و الآخرة فيها الحساب حان
فديك الساعة ما ينفعك لا ذهب و لا مرجان
ولاشي واحد من بني إنسان
الكتابة: صلاح الدين الخمل[center]
