الوقاية قبلات على الأعور و القصير
حثا ألي بغيتوه ينقد الناس كفاش ادير
مايهزوا لا بالة لا فاس ما ينزلوا البير
السليت الماكلة والنعاس زيد على الشخير
ما يحترموا كراد ولا ألي في السن أكبير
للوظيفة خدموا بحركة دهن السير اسير
شواهد بفلوس سالكات طريق التزوير
تشويكه السروال طايح ويحلموا بالتغيير
ها نوكيا هدا بلاك بيري تابعين التصوير
حثا من البنات في قشالي لخدمتهم أتحير
بغيات كيكة رايبي وتوحموا على الدسير
هز وحط و ألكرفي يبقى للناس الحمير
المساواة في الغسيل والصابون والنشير
لا من يسمع ضرب بقراقب و طبل وبندير
تشوف حثا تعيا وشرب الشراب و بخير
