ما فيها باس

عدد الرسائل : 4 تاريخ التسجيل : 19/03/2013

حسّنت القطب
وكرّطت الزغب
حيدت اللثام
ودخلت للزحام
تحديت البياض
وقررت نرسم
بحروفي ولواني
شمس شاعلة ما تغرب
سور كلو بيبان
سما صافية من الغمام
باركة ما نبكي عل لي فات
نفرح شوية بلي جاي لقدّام
ما فيها باس
إلا درت على ظهري شواري
نعمرو كتوبة ونفرقهم عل الدراري
ما فيها باس
إلا بردعتني الفرحة
وتسارات بيا الامصار
ما فيها باس
نمد دراعي
قنطرة لولاد الدوار
يعرفو الحقيقة من الاوهام
يبدلو بالفعل الكلام
ما فيها باس
نهدي عمري طريق
يزيدو عليها لقدّّام

» القصة فيها و فيها
» خليت فيها...
» زراعة....فيها نظر
» مسرحيتان با للغة الفرنسية
» أنازع فيها الموت