وعلاش لا …
وعلاش لا…
خليوني نجرب زريعة الثقة
نشوف يمكن تصدق
وخا الجنان نحرق بالغدر
يمكن تجي الغلة صادقة
ونفرق ما نبيع للقلوب تعطر
وريحة الوفا تجي سايحة
تشطب وراق الشر
ويلوح نهار جديد
والأمل فدروب الزمان ما يعتر
وعلاش لا …
خليوني نروح عظامي من هم الشقا
تالع بين سوايع بدالة
كنقلب فين يمكن نلق لوقر
شي ناس طوب
وشي ناس قصح م لحجر
تبسط خاطرك زربية ومخاد
بنعايل الكاموس يوطاو يدكو عل لوتر
ترش بروايح الطيب عل العباد
ويوم تزل لا من يقلبك عل العدر
وعلاش لا …
كلت ليوم نتفكر الحمام الشراد
نعيد حكاية تكتباب فعتبات الفجر
طلات عل النهار بخيوط السكات
وخا ضوها شاع ونور
فيها حلم جا فالوقت اللي فات
صاب الدنيا زحفت كان سابق لقدر
وخا طوينا صفحة كملات
مزالة كتجي النوبة بسوايع تتحير
وعلاش لا …
نسافر بطيف الصحبة للهيه
ياك تم رسمت عل كفوف لحباب ب لخضر
جنان من داك النوع لجفا يخليه
لازم لوصال به خيوط لمحبة تجبر
واللي الحق معاه ديما معليه
عارف بحق الصحبة يثبتها بالصبر
وعلاش لا ...
عبدالعالي الوالي 2013/05/27
