قالو زمان:
اللي تخدمو طيعو،واللي ترهنو بيعو.
ويلا فاتك لكلام كول سمعت.
ويلافاتك الطعام كول شبعت.
واللي درقك ب خيط،درقو ب حيط
.
واللي فاتك ب ليلة ،فاتك ب حيلة.
واللي دارها بيديه،يفكها ب سنيه.
واللي دار راسو ف النخالة ،بنقبو الدجاج.
قالو لولا يا سيادي:
ما يحس ب لمزود ،غير لمخبوط بيه.
وريه وريه ويلا عمى،سير وخليه.
زواج ليلة تدبيرو عام.
لبس قدك يواتيك.
وهاذي اللي جابت لي التمام:
كالوآش خاصك آلعريان،كالو خاتم آمولاي.
حتى زين ماخطاتو لولة.
إيلا مشى الزين تيبقاو حروفو.
جا يكحلها عماها.
مني ك الطيح لبقرة ،تيقواو جناوي.
جدودنا الله يواليهم برحمة الله كلامهم كان كلو حكايم وامثال:
الزين يحشم على زينو ،ولخايب إلى هداه الله.
لالة زينة وزادها نور لحمام.
عند رخصو تخلي نصو.
سال لمجرب لا تسال طبيب.
كلامهم رزين وكل كلمة عبارها ميزان:
المكسي ب ديال الناس عريان.
دير ما دار جارك ،أولا حول باب دارك.
اختار لولدك الآصل ،واختار لبنتك الراجل.
ديرها ف الرجال وترجاها وديرها ف النساء ولاتنساها.
لجرح يبرا ،وكلام لعار مايبرا
.منقول:عن الأمثال الشعبية المغربية اللي ورثناها على جدودنا العباقرة الله يواليهم برحمة الله
من طرف:خديجة صادق
