هذه القطعة الزجلية *أهديها لكل العائدين لقضاء العطلة الصيفية
بين أحضاء الاهل والأحباب
من ديواني*مغربية حـرّة*
عنوانها
*الصدَرْ الحْنين*
*******
لَمّيمَة الغالية ،الصْدَرْ الحْنين
أنا اليوم راجـعْ
خُرجـي لَمّيمة تْلَقّـايني فالحين
نَتْعانْقُوا المّيمــة
انْشوفك انداوي،اجْـراح سْنِيـن
*****
فَرحي يالمّيمة ،وابْنِي الخْزايَنْ
لَبْسي شربيل الصّمْ،والقفطــان
فَرشي الزْرابي،وانْسايْ لَمحاينْ
وخَبّْري ناس الحُومة،والجّيــران
*****
نقشي اليدّين بالحنــة
وزغرْت يالمّيمة،وُجْدي الصْواني
شَحْري لبرارَدْ،واسْقي في الكيسانْ
قولي:ليهم
بُعدْ الغُربة في بْلادي مانسّاني
برجوعي يرتاحْخاطـرَكْ
واتْعـودْ للدّارْ فـرحَةْ أيّام زْمانْ
*****
لَمّيمَة الغالية ، الصْدَرْ الحْنين
أنا اليوم راجـعْ
خُرجـي لَمّيمة تْلَقّـايني فالحين
يَتّجْمَعْ من جديد شْمَـلنــا
ونَحييوْها ليلة، بجَدبَة كْناويّـة
انْغامْ الغيوان،والأمداح النّبوية
انْحمدوا الله..وانْشكروه
العاطي الكريم على انْعايمُوالرّبانية
