تحية عطرة لكل أعضاء المنتدى .. أنا عضوة جديدة و تجربتي مع الزجل قصيرة جدا .. اتمنى أن تقيموا قصيدتي الاولى و أن تفيدوني بنصائحكم
الحروف قدامي ما بغات تتشكل
و الكلام لي تعلمتو ما بقالو معنى
السنين تضيع
و الاحزان على فراقي تتمهل
و قلبي فالناس ماصاب معنى
انا لي ضيعتو .. انا لي مشيت
انا لي ختارت نبدل الطريق
من نهاري لا بسمة زارتني
ولا عرفت رفيق
من نهاري لا كلمة ضحكتني
ولا شفت غير الضيق
الصحاب كيف ما جاو
مشاو
ما غيرو مكتاب
ولا حركوا فيَ شعرة
و على ناري الكايدة
زادو الحطاب
ضوقو قلبي كية بعدها ضبرة
من نهاري ضايعة فدروب
مكحلة بالظلمة
مجلية بين ناس قاسية
من نهاري عايمة فبحور
غارقة فالاوهام
تلوحني فكلاتي دامية
