سنة الغزال

موضوع: سنة الغزال الإثنين سبتمبر 22, 2008 11:56 pm

فكرتيني ا صا حبي
بذاك الأنا لي نسيت
فكرتيني بذاك الأنا لي رمى سنتو لعين الشمش
فكرتبني بذاك الأنا لي بغيت
قبل ما يسلك ليه الغش

فكرتيني...
بالحليب المحلوب من بزولة الأرض
والظلام بعيد والضو قريب
وبذاك الفخذ .....
الوسادة لحنينة

ضو معصور من خد كاوريا...
جات تقلب فتقوب لبلاد
على خرايف شهرزاد
فبلاد حرودة والسندباد

تقلب على حزام لحبايبات
تقلب تحت ترا زات
من فاس لغريس لطنجة لورززات

درت خيط الضو فقلب عيني
وسافرت نقلب على ضحكة دلولا د
فراس الدرب وقاع الدرب

نسرق حديث جارة مع جارة
ونقلب على الفرق بين السيد ولمزارة
ولالاة هوارة مولات الدوارة

ساريني اصاحبي راني نسيت
ساريني سبع لويات وشوارة....
وقنطرة بو روس
وبين لمدون بغيت نشوف عطارة

قلت ذاك النهار لعين الشمس...
هاك سنة لحمار وارا سنة لغزال
نهار طحت قالوا لي بزق تصيب ريال
بزقت لقيت ريال

دورت عيني فلماشي فين والماجي لين
لقيت عيون كتشوف والو
طلعت للراس ونزلت للرجلين
لقيت كلها جار خيالو

ومرا جارها ولدها.... النملة جارة الجملة

بقيت نحلم لقيت الليل طلع والحال صلح... وأنا نقول

ألا أيها الليل البهيم ألا انجلي
بذاك الضو لي خبيتي تحت الدوالي

فكرتيني اصاحبي بالركيبة لحنينة
وأنا حاط فوقها راسي
والشتا تاتاتا ....
ووليدات الحراتة....
ولمعلم بوزكري....
وبويا حالف فيا....
بالمعاصي على رجليا...
حيت ما درت حتى مزيا....
غير لهدور صبح وعشيا...

نهار نظمت قصيدة حمر حتى حمر فيا
وقال ليا ...
شيخ بلا شيخ باطل شاخ
ما حسابلوش أنا هدار لمخاخ
ما حسابلوش أنا سلوم النور
لعالم شهرزاد المسحور

وقلت للشتا صبي صبي
يا نعمة من عند ربي.....

فكرتيني اصاحبي بالسقاقي بالما دلعيون
فكرتيني بعسالة وبعنون.....
صاحب الجنون
مالين لفراقش ولقرون...
وعين اللباطة فواد الزحون

فكرتيني بالبابونج وتافغة فباب الجوطية
فكرتيتي بريحة الحلبة فالعشابين
ونقايم النقايميا

والشابل فالحواتين...
فكرتيني برحة الزياق
وريحة لعرق الناشف والتطريبة

فكرتيني فولاد فاس ساعة لوجيبة

فشياط سفنج ا لعباسية عند بن عمر
بقيت نهدر نهدرحتى قالوا شارب الما دالنفار

فكرتيني ففاس وشمن فاس
فاسي الزينة
فالزحام قلبت على فاسي
قلبت فلمدينة

حتى حد ما مفكر كلشي ناسي
فداك الزحام كبرت لي الغبينة
جاو ناس و مشاو ناسي
لقيت غــــير وجهي وراسـي
يا ربي للخير رد بينــــا

اخي الكريم عبد العلي
ما عهدتك بهذه السوداوية
انت ايقظت شجونا فينا واحييت فينا ذكريات جميلة
ومع ذلك كان سردك حزينا او هكذا احسسته
وتظل زجالي المفضل
لك تقديري وودي
اختك رشيدة

رشيدة فقري كتب:: اخي الكريم عبد العلي
ما عهدتك بهذه السوداوية
انت ايقظت شجونا فينا واحييت فينا ذكريات جميلة
ومع ذلك كان سردك حزينا او هكذا احسسته
وتظل زجالي المفضل
لك تقديري وودي
اختك رشيدة

ماذا عساني اصنع غير التاسي اختي الكريمة رشيدة
غيراني سعيد بتواجدك اليوم هنا بعد الغيبة الطويلة ارجو ان يكون السبب خيرا
كل عام وانت بالف خير

الأستاذ رائد جامعة المبدعين المغاربة
نود أن نقرأ نصك ونلمس فيه سعادتك
المهم تحية لك ولنبضك الانساني

شاعر عدد الرسائل : 626 تاريخ التسجيل : 24/05/2007

نقد الذات واجب أخي وما أحوجنا الى أنفسنا حين تكون راضية على نقد ذاتها.

كنت موفقا

ياه ذكرتنا بسنة لغزال حيث بالفعل كنا غزلان
واليوم تبخرت كل أمانينا
تحية لقلمك وتقبل مروري

حميد يوسفي كتب:: الأستاذ رائد جامعة المبدعين المغاربة
نود أن نقرأ نصك ونلمس فيه سعادتك
المهم تحية لك ولنبضك الانساني

اخي حميد اخجلت تواضعي بكلماتك الرقيقة
هي سعادة في طفولة سعيدة عشتها
وتصادم مع واقع مرير
بالمناسبة اعتذر لمن لا يعرف الازقة والشخصيات التي ذكرتهافي النص
تحيتي وامتناني اخي حميد

أستاذل الجليل عبد العالي
تحية لقلمك الذي يفيض نبلا رغم حزنه الانسيابي

حميد بركي كتب:: نقد الذات واجب أخي وما أحوجنا الى أنفسنا حين تكون راضية على نقد ذاتها.

كنت موفقا

اخي حميد هي فرصة للوقوف امام الحاضر من خلال استرجاع الماضي
عيدكم مبارك وكل عام وانتم بخير

مصطفى رضوان كتب:: ياه ذكرتنا بسنة لغزال حيث بالفعل كنا غزلان
واليوم تبخرت كل أمانينا
تحية لقلمك وتقبل مروري

لازال التغيير الى الاجمل اخي مصطفى
يازمنا ان نصع ايدينا على موصع الداء
عيدكم مبارك وكل عام وانتم بخير

أسماء محمد كتب:: أستاذل الجليل عبد العالي
تحية لقلمك الذي يفيض نبلا رغم حزنه الانسيابي

اختي اسماء كل عام وانت بالف خير
وعيد مبارك ارجو ان يتجدد الامل