كِيَّاتْ الرُّوحْ

كِيَّاتْ الرُّوحْ

الزْمَانْ يْلاكي
اللي مَا يْتلاكَى
يْصِيْدْ لعْقلْ
وْمَا تنْفعُو حْدَاكَة
....................
الزْمَانْ يْخْوّضْ صْفايَا
يْمرْمدْ الرّوحْ يْرْدهَا شفَايَة
خْليتْ الهْمْ بْعِيدْ
وْحِينْ نْتلفّتْ نْلقاهْ حْدَايَا
.....................
صْدرْ لوْرقَة حْنِينْ
الرْكدَة بينْ حْضَانهَا تفاجِي
حَايرْ نبْدَا مْنينْ
عْذابْ لحْرف مْكضّرْ مْجَاجِي
يْضِيق بيَّ الحَالْ سَاعْة نْراكْ
فْ سْرَابْ تنَاجِي
تيْبسْ فْ حْلقِي شْجْرة لكْلامْ
وْيزيدْ صْدُودْكْ فْ هيَاجِي
شْحَال يَا طريقِي وَانَا فِيكْ نْسْكمْ
وْانتِي غِيرْ زايْدَة وْتعوَاجِي
شحَال مْن حْلم فْ جْنَابْكْ تحْطمْ
ذبْلتْ زْهرَاتْ لعْمْر بْ سِير وَ اجِي
..............................
بْغيتْ هْنايَا يهْجرنِي
تْتسيّف يَّامِي بْ سِيفة لحْجْرْ
ايلا نَا كنْتْ كاذبْ فْ قوَالِي
بْغيتْ قلبِي يْنكرْنِي
و يوْلي فْ دْخالِي خنجْرْ
يْصِير طعْنَة تعْجّلْ بْ زوَالِي
مَا ظنيتكْ بْعد لمْوَالفَة تهْجْرْ
تْضْياق شُوفْتي، وعلا من ْ تْعْوالِي
بَاشْ مْن حَالة نْلكَى لفجْرْ
يَا سَاعَات الظلمَة غِــيرْ طــوَ الي

لا تحير يا أخي غير بدا من الألف وما يكون غير الخير
تحية لقلمك الجميل
دمت بود

شكرا لبهاء حرفك رغم تيمة الحزن والكآبة

لك قاموسك الزجلي
أتمنى أن تحافظ عليه

حميد يوسفي كتب:: لا تحير يا أخي غير بدا من الألف وما يكون غير الخير
تحية لقلمك الجميل
دمت بود

وتحية لك اخي الرائع..ولطيب مرورك
مودتي وتقديري

مصطفى رضوان كتب:: شكرا لبهاء حرفك رغم تيمة الحزن والكآبة

لك قاموسك الزجلي
أتمنى أن تحافظ عليه

شكرا اخي مصطفى على انطباعك الجميل..وملاحظتك القيمة
امتناني وتقديري

الكلمة بنت الحلال انا منوضة عجاجي
كل ما بغيتها تفاجي تزيد هجاجي
كل ما نخطها يسيح دمي على اوراقي
وايلا ما صرخت بها غير تنفخ باطل اوداجي
اخو لكلام ايلا لقيتي ليك علاج
نعتولي لا يكون علاجك علاجي

تحيتي ايها الجميل الرائع

زائر

ايها الزجال الرائع من اين تاتي بهاته الكلمات المفتولة و المغزولة من عرق الاحزان
نص زجلي متكامل
وفقك الله يا مجدوب الجامعة

مع اجمل المتمنيات
اسية الغيوانية Very Happy

عبد العلي فيلالي بالحاج كتب:: الكلمة بنت الحلال انا منوضة عجاجي
كل ما بغيتها تفاجي تزيد هجاجي
كل ما نخطها يسيح دمي على اوراقي
وايلا ما صرخت بها غير تنفخ باطل اوداجي
اخو لكلام ايلا لقيتي ليك علاج
نعتولي لا يكون علاجك علاجي

تحيتي ايها الجميل الرائع

النية نية لكلام..ساح من الدواية..على شط الورقة يتكسر
الكية كية لمعاني..ما لقات معا من..على ضيق حالها تتحسر
الكلمة دواك ودوايا
سر ما يكتبو مداد
ما تقدو دواية..

تحياتي لك ايها الاصيل البهي
مع فائق التقدير

اسية الغيوانية كتب:: ايها الزجال الرائع من اين تاتي بهاته الكلمات المفتولة و المغزولة من عرق الاحزان
نص زجلي متكامل
وفقك الله يا مجدوب الجامعة

مع اجمل المتمنيات
اسية الغيوانية

هي الكلمات حين تأتي..تناور..تحاصر..تلح حتى تنكتب على شكل قصيدة..أو تفرض حالة صمت ودهول..
امتناني آسية لهذا الانطباع الجميل من زجالة متميزة..وصوت ابداعي واعد
تحياتي وتقديري.