ما شفت والي

ما شفت والي





اصبر اصبر لاتقول والي

اصبر اصبر حتى يحن العالي

عيني محلولة وماشفت والي

وتمرت السبولة وماشي ديالي

¶ ¶

واقف وحدي وخايف من خيالي

وطبيب مرضي خارج من بالي

والعافية شاعلة كلشي غالي

ساد فمي و درويش بهالي

¶ ¶

حرقوا السوق وسرقوا الدوالي

يهدروا بالبوق يتتشوا جمالي

ضربة جات من الفوق وبالعلالي

راسي مشقوق ودراعي مسالي

¶ ¶

سامحت في حقوق وسكنت هبالي

ابكي يالمشنوق على حالك وحالي

كنيتي مرزق وراس مالي والي

باغي نهرب ومشدود من جلالي



¶ ¶