القنديل
جبال عالية من لهموم
و انا عايش فيهم
فزمان لغدر
كنت نقول كلشي معقول
لكن المصباح
عمرو ما يغبر
عشت فالظلمة سنين
و نهار ضويتي علي فرحت
فنوارك عشت رهين
و فحلامي البعيدة سرحت
بالاوهام بنيت قصور
بالسراب قطعت بحور
ليك قطفت الزهور
يا المصباح ضوي و لا تطفا
نوارك تعطي الدفا
طل عليا و ما تخفا
لكن يوم رحيلك تلفت
خليتيني حزين
لجروحي لكثيرة مسحت
و ما حنيتي لدموع العين
بعد غيابك يا القنديل
صبحت عليل
ولى كلشي يقول عليا هبيل
لهذ الحال ماني راضي
غادي نثور و بشكل عادي
و نرجع ايامات الماضي
نرجعك ثاني يالمصباح
تضوي فكل ليلة فكل لفراح
تخلي حياتي كلها مراح
نعيش هاني و معاك نرتاح
