رباعيات

زائر

رباعيات
عبد الرحمن المجذوب

اُصبر على ما جرَى لَك	يا صَاحب كُن صَبّار
حَتّى يَطلع نهَارك	اُرقد علَى الشُوك عريان

لا تَرْفَدْ الهَمْ دِيمَة	لا تْخَمّمْ لا تْدَبَّر
و لا الدُّنْيَا مْقِيمَة	الفَلك ما هُو مْسَمّر

يَازَارَعْ الشَّرّْ يَاسَرْ	يَازَارَعْ الخيْر حبّة
و مولى الشر خاسر	مولى الخير ينبا

شف عند الله ماوسعها	لا تخمم في ضيق الحال
أما الرجال لا تقطعها	الشدة تهزم الأرذال

ماشينك بطبيعة	من يامنك يا كحل الراس
و القلب فيه الخديعة	السن يضحك للسن

و كبير القوم طيعه	سافر تعرف الناس
بنص فلس بيعه	كبير الكرش و الراس

و تعاونوا على شريب القهاوي	طاقوا على الدين تركوه
و الجبح من تحت خاوي	الثوب من فوق نقوه

و اعقد عقدة صحيحة	لا تسرج حتى تلجم
لا تعود لك فضيحة	لا تتكلم ختى تخمم

و الكلام يفسد المسالة	الصمت الذهب المسجر
و إذا سالوك قول لا لا	إذا شفت لا تخبر

في البير ارم عظامه	نوصيك يا واكل الراس
فمك متن له لجامه	أضحك و ألعب مع الناس

يا كاسرني من ذراعي	يا ذا الزمان يا الغدار
و ركبت من كان راعي	طيحت من كان سلطان

الوجه تضويه الحسانة	الشاشية تطبع الراس
العريان نوضوه من الجماعه	المكسي يقعد مع الناس

غير من جبده لراسه	الشر ما يظلم حد
و في الصيف يغلبه نعاسه	في الشتاء يقول البرد

عيط و كن فاهم	يا الي تعيط قدام الباب
غير النساء و الدراهم	ما يفسد بين الاحباب

في الواد داير ظلايل	لا يعجبك نوار دفلى
حتى تشوف الفعايل	لا يعجبك زين طفلة

يعلى يرجع لساسه	حيط الرمل لا تعليه
يكبر و يرجع لناسه	ابن الغير لا تربيه

و البل هي الشريفة	الخيل هبة من الريح
و الحمار هو العيفة	البغال قرصة من الهند

طرز الذهب في لجامه	ألي يركب يركب أشهب
يدير هراوة في حزامه	ألي يدور يقول كلمة الحق

و قعدت مثل الرصاص نذوب	أنا الي رقيت في رقوب
يجي على راسه مكبوب	من لا يقرأ للزمان عقوبة

تتكركب مع جميع الدلاع	الدنيا مثلتها دلاعة
و الجايح غدا معها قاع	الحاذق يعطي معها ساعة

و بالزيت تدهني جلوده	جحش البغل لا تغنجيه
هذيك عادة جدوده	الصك و العض فيه

و من كيدهم ياحزوني	كيد النساء كيدين
و تقول الحداء ياكلوني	راكبة على ظهر السبع

و لعب خزها فوق ماها	تخلطت و لابات تصفى
هما سبب خلاها	رياس على غير مرتبة

و من خالط الارذال زاد عناه	من خالط الاجواد جاد بجودهم
و من جاور صابون جاب نقاه	و من جاور برمة انطلى بحمومها

و لو كان من بعيد تجيها	الكاتبة تنادي و معها الخير
رزقك من قبل ما هو فيها	و الخاطي عليك من يديك يطير

ما كان كالأم حبيب	ما كان كالحرث تجارة
ما كان كالدين طليب	ما كان كالشر خسارة

و لا في الشتاء ريح دافي	لا في الجبل واد معلوم
و لا في النساء عهد وافي	لا في العدو قلب مرحوم

و الفاهم يفهم لغات الطير	الزيت يخرج من الزيتونة
يجحرها في ضميره خير	ألي ما تخرج كلمته ميزونة

شاعر عدد الرسائل : 626 تاريخ التسجيل : 24/05/2007

اختيار جميل لشيخ الزجالين عبد الرحمن المجدوب

موضوع: رد: رباعيات الأربعاء يناير 16, 2008 9:40 pm

زجال الحكمة الشيخ عبد الرحمن المجدوب .هو مدرسة زجلية حديثة بامتياز

موضوع: رد: رباعيات الجمعة فبراير 01, 2008 1:59 pm

جميل اختيارك سيدي..دمت رائعا