نوارة بنت الصديق.

عدد الرسائل : 8 تاريخ التسجيل : 05/02/2009

نوارة
تقطعــت القلــوب بكثــرة السبـــوب
هبخــور هعطـوب هحـروزة هعشــوب
بعطـــار الكذوب كلشـي ولـى مكلـوب
حـــارات ودروب وخوات الجيــــوب
بانــت العيـــوب وقــرب لغــروب
زواق مثقــوب والحــق متـــــعوب
بالمــال رجــال تذوب الشمـة محبـوب
لعـــاصي ما يثوب ما يشبــع ذيــوب
قسايــر وشيخــات وشــراب مكبـوب
دايـــخ كــوب العشيــر كــــوب
وبجنبــو لغالب يشرط على المغلـــوب
لولـد ضـاع الحبـاب والشـرف مسلـوب
واخــا لخـــوف سباب مانفعها هـروب
حــال حالــي هداوي يصرف المكتـوب
في لحكمــة مجــدوب كلام مسكــوب
يهدم قصور الفضــة والذهب ولقبـــوب
لصحــاري ولبحــور ولحجر والطـوب
لكــل خليقة المحبــوب رب السحــوب
الدنيــا مســرح من زمان منصـــوب
وبنـــادم دور باتقــــان ملعـــوب
ولبد يجي يوم تطو الصحــف والكتــوب
يتســـأل لكـــل حجبــان وهـدوب
احــــرام اليــــام حــــــرام
حـــرام العــــوام حــــــرام
لازم نصبـــرو علـى لجــــــراح
لازم الزمـــان يشكـــي ويتكلـــم
لازم نبكـــو كــــل نـــــواح
ف عيون الظلم نشوفو جرحنا غارق دفيـن
ف قاع الساقية وجلاوج الحملة بلوط وفلين
يتغلب شمال ولغـرب والشــرق يبــان
وعـدو لعــدى يكحــز منــا ويتدنى
ساعــة لخيـر جـات ولقحـوط رحلات
الدنيـا يا ويحــي هكــذا قــد وقدود
طيــاح ورفود ، شوك وورود وجلد لدوود
مالنـــا سفينـة ف لبحــور بلا رايس
مالنـــا خيــول ترعـــى بلا سايس
مالنـــا كنـا سيــاد وعدنـــا شياطة
العولمــة يا ربــي أش هــاذ السلاطــة
وكلامنا اللي جواهـر زوروه الغلاطـــــة
دفنـوه في مقابــر ونزلـو عليـه زرواطـة
غيثونــا ياهلـي غيثـونا النخلــة النخلــة
والبهيمة في الربيع بالغـــلال مكثفـــــة
الكلام قليل والشوفـــة كانـــت مسلفــة
الخيول روباعة عن سروجهـــا تالفــــة
اكثر البراح وريحــت الشيــاط فاحـــت
النور وضاح وقوال النســـا ساحـــــت
بومة النواح والغراب في سمانـــــا علات
دفف بوحمارة وغناه ف الفـــاه تغنـــات
الناس حيارة والمعنى مع الخــاوي تنســات
القوم العارفة والعيـــوب على لوطى تكشفات
وف يوم لحساب يجي واحـــد من لعبـــاد
شاق طريق وسط ضباب هاز السلسلة ولوتــاد
يدلح الاصل عند لقراب يسول السؤال لمعتــاد
مانا بوما مانا غراب سنين وانا عايش فـــراد
جيبو بويا وصافي ما باغي عيون ولا سواقــي
ولا فيلا ولا قفة ولا تواقي باغي بويا وشدو لباقي
باغـي بويـا زيـن القامـة شريـف نهامــة
طيــر حمامــة بويــا ترابــي وسمايــا
وحيـاة لحيـــاة الــى شرقـــــــات
عن الاهـــل ســــولات وتجــــلات
انـــــا اسمــي نــــوارة بسكــات
وشهبــــان بالقـــــول تكـــــدات
حكمت الاقدار وخلات لعيــــون حزينـــة
رماتهــا في بحــور الغـــم والغبينـــة
يديـــن وقلـــوب من لمحال كانت حنينـة
شحـــــال من كـــــلام كولنــــاه
وقسنـــا بحـــــور معانيـــــــه
الخـــلال فينـــــــا وعرفنـــــاه
الــدم ســــاب ومشـــات
عـــــــــلاش تجـافينــــــــي
هربتـــــــــي وجهــــك علـــي
اشنــــــو باغــــي تعادينــــــي
يكفــــــاني انـــــا هجـــــران
يكفــــــاني انـــــا الانســـــان
زعمـــــى قدرتــــي تنســــى
قلبـــك يسعـــد ويتهنــــــــى
باركــا عيـــق اوكــان انــا دمـك
همـــي عايــــش مــع همـــك
إلى بقـــات غيــــر ورقتيـــــن
مــاني ساكــــن الطيــــــــن
بايــــع لمـــــراح والدويريـــة
والحــــــوض بحبـاقـــــــو
أنــــا عاصــي الـدوار والقبيلـــة
حتــــى تبـــــان الســــــن
والقلـــــب الكحــــل يبيـــاض
أولفـــي هزينــــا الرحيــــــل
ماشييــــن في طريــق طويـــــل
وزغــاريــد الـــــــــــولادة
وقصبـــة وعــــلام وقطيـــــب
يامورجـــــا شتــــا وعرس ذيــب
الـــي بغـــى يــــدي الدنيــــا
نعاونــــــوه بشـــــــــواري
يعمـــر ويكــــول خـــــــاوي
مــا نعرفـــو كـــذوب ولا حجـــى
الصـــح جـــــدة شارفـــــــة
وشحـــال مــن موالفـــة تالفــــة
فيهـــا سيـــد الزبيــر ومدريــــك
والشريـــف مــا يشكـــر راســــو
والكــلام نعطيـــــك ساســـــــو
كــل واحــد رزقــو حتـى في نعاســو
احبابــــــي لعقـــــل بتكياســـو
والشهــــــــوة تدنــاســـــــو
البحــــر لعمـــــى مـــا قاســو
عــن لقصيــــد يـاويــن سولــــو
ولـــدي خـــدي مـــــا باســــو
صبغــي ما مصــــو بضراســــــو
سامحونـــا ضعنــــــا ف زمانـــا
وعارنــــا مــا حكمنـــا نسانــــا.

هكذا تبدأ الحياة وتنتهي، ذكريات من انتصارات وهزائم، هكذا علمنا الحكماء وحفظناه
على ظهور قلوبنا لكل شيء بداية وله ايضا نهاية.
مهداة الى كل روح تعيش في ظلمات الحرمان.
القصيدة التي بكت لها العيون وكانت صرخة على التقاليد كما قال احد النقاد

.

عدد الرسائل : 403 تاريخ التسجيل : 18/12/2008

أول معانقة لنصك أأيها الزجال الرائع سعيدة بأن أكون أول من يضع تعليقه

ولي عودة معك

شاعر عدد الرسائل : 626 تاريخ التسجيل : 24/05/2007

جميل ما نقرأ لك هنا

تيمة غيوانية نتمنى أن تكون معنا
شكرا لك

» يا انت يا المجدوب
» عَدِّي يا وُدِّي ...الى سي حميد بركي
» والدة الصديق حسن ليلي في دمة الله
» لمْخبِّي فِيَّ
» قصيدة بعنوان: عِتاب رقيق للشعر...للشاعر اسحق قومي