كتابي

زائر

علي مفتاح

فتحت كتابي نتهجَّى لوقاتْ
وراق هي ناقصَة من صَفْحاتُه
نشوفْ بينْ حروفُه فْ لي فاتْ
مْرَمَّة لهْمُومْ لي طَرْزاتُه
الحرف مخاصَمْ لحْرَيْفَاتْ
و لَمْدادْ جَفْ فْ دْوايْتُه
خطوط هي و ما تسَكْداتْ
تَصْعابْ الشُّوفَة فَ قْرَايْتُه
الكتابْ مَحْلولْ ما فِيهْ دَفَّاتْ
مازالْ نَتْسَنَّاوْا نهايْتُه.
كتابي مَجْمَرْ زانْدَة عْوَافيهْ
كتابي قلُمْ مْصَدِّي
مْرَايَا هَمِّي نْشُوفْ فيهْ
و الصّبَرْ مْعَايا غِيرْ كَ يْعَدِّي
كتابي فْ صَفْحاتُه مَضْيُومْ
الوَرْقَة تَزْحَمْ بَ الحْروفْ حامْلَة
عَنْدها الرَّاقَدْ فْ يومُه مَعْدومْ
وَحْلَتْ فَ خْرُوجُه كْدَا مَنْ قابْلَة
كتابي طَجَّتْ الفَرْحَة بين وُراقُه
الحَرْفْ يعَدَّدْ و يَنْدَبْ مع الرَّغايَة
يبكي الخَطْ لَمْسَكَّدْ على فْراقُه
السَّرْ فَ الهَمْ لَمْعَشَّشْ حْدايَا
وُ مْنينْ جاكْ هذا السَّعَدْ يا كْتابِي
وُ مْنِينْ جاك هذا الزْهَرْ الرَّاَقدْ
لَقْرَايَة فَ دُواخْلَكْ زادَتْ تَعْذابِي
كتابي مَنْ ضايَة الَهْمُومْ وارَدْ
كتابي مْجَلَّدْ غُلافُه بْ عَدِّي
وُ لونْ حْرُوفُه بَ الدموعْ
الزْهَرْ لَعْوَجْ فيه مْنَدِّي
حروفْ الهَمْ لِّي فْ الضْلوعْ
مَلِّيتَكْ يا كتابي
وُ مَلِّيتْ الشُّوفَة فيكْ
انْتَ سّرْ تَعْذابِي
وُقْتاشْ نَمْشي وُ نَسْمَحْ فِيكْ؟

موضوع: رد: كتابي الجمعة فبراير 20, 2009 2:35 pm

طريقة مجدوبية مليئة بالحكم ولك رؤية شعرية شفافة
شكرا لك

عدد الرسائل : 556 تاريخ التسجيل : 19/03/2008

في كتابك هذا قرأنا شموخك
أنت تكتب بصدق فكنت ممتعا

موضوع: رد: كتابي الجمعة فبراير 20, 2009 2:50 pm

تحية لك أيها الوافد الجديد في الحقيقة أنت زجال حقيقي
نتمنى أن تتوفق في ليكون لك مستقبل زاهر
شكرا لأنك انتميت الينا

موضوع: رد: كتابي الجمعة فبراير 20, 2009 4:00 pm

أخي العزيز، قصيدتك جميلة وأتمنى لك مزيدا من الإبداع

زائر

اخواني اخواتي في جامعة المبدعين المغاربة
اشكركم اولا على ترحيبكم و احتضانكم لي لمست حرارتهما في طيات كلماتكم التي اسعدتني
ان الشرف كل الشرف لي انا في الانتماء لزمرة من المثقفين و المبدعين من طينتكم .
ثانيا اشكركم اخواني اخواتي على مروركم و تصفحكم لحريفاتي
لكم تحياتي الصادقة

شكر خاص للاخت اسية واردة على الترحيب و على تتبعها كل كتاباتي

زائر

اخي الزجال علي مفتاح
نصك رائع بكل المقاييس
تبارك الله عليك
تقبل مرور اسية الغيوانية