قـَـلـْبي مَـقـْبــــــوضْ

السلام عليكم،
هذه أول مساهمة آملا أن تنال محاولاتي المتواضعة والتي تندرج تحت لون الشعر الغنائي رضاكم وبالمناسبة أود أن أقدم شكري الخالص لمن دلتني على هذا المنتدى المبارك.
****************************************************

( قـَـلـْبي مَـقـْبــــــوضْ )


كيفْ نـْغَنـِّي وَنا مَجْروحْ
لـَحْنْ سْعيدْ يَسْعَدْ الرُّوحْ
قـَلـْبي مَقـْبوضْ خايَفْ مَنْ الـْماجي
شايْفو حُظوظـْ وَقـْليلْ مَنْ هو ناجي
طـَلـَبي مَرْفوضْ رَبْطوهْ بَالنـَّفـْطـْ وَالدّولارْ
وَبْما وْقـَعْ فـَالثـَّلـْثْ الـْخالي مَنْ الـْعالـَمْ وْصارْ
***
شـَرْقاتْ الشـَّمْسْ عْلى بَعْضينْ لـْقاوْها ساهْلـَه
وْغَرْباتْ عْلى خـْرينْ تـْخَلـْقو مَحْرومينْ
وْكايَنْ وَحْدينْ بينْ وْبينْ بْغاوْها كامْلـَه
وْفينْ مّا لـَحْتي الـْعينْ تـَلـْقى مْكانْ حْزينْ
بيرو جَفْ جْنانو يْبَسْ وَحْيوطو طاحو
ناسْ مْشاتْ وْناسْ جاتْ ما داتـْها فـْنـْواحو
***
تـْعَجَّبْتْ لـَلـِّي عـْلى وَدْ زوجْ فـْرَنـْكْ نـَزّلْ راسو
وْلـَلـِّي مَنْ حُبْ الـْكـُرْسي باعْ لـْلشـَّيْطانْ نـَفـْسو
أوياسُبْحانْ اللهْ شـْحالْ مَنْ واحَدْ فـْقيهْ وَ كـْريمْ
خـْرَجْ مَنْ صَلـْبو طالـَحْ خـَلـَّفْ صالـَحْ وَحْكيمْ
وَ شـْحالْ مَنْ مَسْكينْ أوبَعْدْ فـَقـْرْ سْنينْ غـْناهْ
وَشـْحالْ مَنْ مْرَفـَّحْ خـَلا ّهَمْ أوفـَقـْرْ وْراهْ
***
خـَصـْني كـْثـَرْ مَنْ حْياة ْ وَحْدَه باشْ نـَفـْهَمْ
ياريتْ هادْ الدُّنـْيا فـُرْصَه ا لـْدُنـْيا ثانـْيَه
خَصْني كـْثـَرْ مَنْ مْياتْ عامْ باشْ نـَتـْعَلـَّمْ
الـْعُمْرْ قـْصيرْ كـْـثيرْ مَهْما طالْ كايـْطيرْفـْثانـْيَه
وَنا شـَمْعَه وَسْطـْ ريحْ قـِْويَه
تـَرْخـَفْ شـِْويَه وَتـْهيجْ عـِْـليا .

سيدي مصطفى رضوان الجمال من جمال نظرتك وصفاء قلبك ، تقبل تحياتي واحترامي وإلى اللقاء