سَلامْ ياعالـَمْ سَلامْ
أوحُبْ أحـْـلى مَنْ الـْغـَرامْ
لـْـناسَكْ وَلـْماكْ وَهْواكْ
وَلـْكـُـلْ مَنْ فـْـأرْضـَكْ وَسْماكْ
***
سَلامْ ياللـِّي غـْرَسْ بْدورْ الـْوَرْدْ
وْ قـَابـَلْ لـَعْداوَه بَالـْوَدْ
ماخـْـلـَدْ حَدْ فيها وَلا نـْجا
كـُلـْنا ناسْ وَالـْباسْ مَنـُّو جا
***
إبْلـيسْ الـْمَلـْعونْ وَسْطـْـنا مَسْجونْ
غايـْـتو يْـوَلـّي الـْـعاقـَـلْ مَجْـنونْ
بْخـَلـْطـَه نارْ بايـْـنا أنـْـوارْ
خـَدَّرْ عـْـقولْ أوسَكـَّرْ بْصارْ
وْصارَتْ الدُّنـْيا مَعـْشوقـَه
وَعـْـليها لـَحْبابْ مَفـْروقـَه
***
يالاهْ نـْعانـْـقو بَعْضـنا وْ نـَتـْصالـْحو
نـَـتـْصالـْحو مَنْ الـْقـَلـْبْ وَنـْسامْحو
كـُلـْـنا وْلادْ آدَمْ أو حَوا
ما فيها لــونْ
وْيالاهْ نـْـرَدّو لـَلـْمَظـْـلومْ حـَقــّـو
وَنـْفـَتـْحو الـْبابْ لـَلـِّي دَقــُّو
كـُلـْنا حْبابْ أولـَغـْريبْ هُوَ
إبْليسْ الـْمَلـْعونْ .
