البوعليوي عبد السلام مشارك في ديوان "عرصة لكلام"
عدد الرسائل : 474 تاريخ التسجيل : 07/05/2008
| موضوع: الطنجية البهجاوية الأحد مارس 22, 2009 3:00 pm | |
| الطنجية البهجة معروفة ب الطنجية ومَعروفة ب الطَيابْ بلْدي قبَلْ ما نَفْتَحْ ليكمْ الشَهية هَزيتْ الكَفة أُمشيتْ نَقْضي طنْجية واشْ مَنْ طنْجية أُطنْجية انْواعْ فيها باللوزْ اُفيها ب الكَرْكَاعْ فيه بثمَرْ أ فيها ب المصيّرْ أفيها ب الحوتْ إلا كانْ مَخيّرْ أفيها ب اللهْبيلة إلا ابغيتي تَتَحيّرْ بديتْ طْريقي عنْد الكزارْ أُبظَبتْ عَندْ السي عمَرْ رجل مَعقولْ أميزانو وافي ما إغَشْ عيبو غيرْ لقْوافي شاَ فيا أسَرحْ اللحمْ كالْ لي هانا أسيدي تكَلَمْ ها لَكْتَفْ ها المَلْج يا لاَهْ أمولايْ تفَجَجْ هَزْ الموسْ ألَمْسنْ أبدا إطَقطق كيفْ عرفْتو كحلْ عينَكْ وتْفنَنْ هاد اللحمْ عاد جبْتو ف الحقيقة الحيماتْ غيرْ أعشاقة كلْت لوُ عَبرْ المَلْج أحيّدْ الصْفاقة ما كَثرْتْ معاهْ راهْ الصقا دزْت عَند بلْقاسْ البَقالْ راجل سوسي أميزانو مسماري حانتو مرَوْنة تكُولْ تيضرَبْ الفالْ بدا إعوَدْ لي عل الدراري كَلت ليهْ سَرْبني راني زَربانْ أعْبرْ لي لي كَدْني فداكْ الميزانْ مَنْ السمَنْ والكمون وزعفرانْ ولَمْصيرْ أمتَنساشْ راسْ الحانوتْ إكونْ مزْيانْ حطيتْ الطنجية أكانتْ مغسولة ونْقية والكَفة أُلَمْقَدْية أقَاعيتْ بَيْن إيدية بديتْ أنْصَبْ أنقي فالحينْ أعكَدْها بَقنَبْ مْثينْ أوعَدتْ الفرْناتْشي د بالخيرْ ف الطنجية راجل خبيرْ القيتو راشْ أمفرشْ لَحْصيرْ أصنية أبراد كبيرْ عرفتوأبغى إهَرسْ لي راسي تَكْحازْ الطبلة أزادْ الكرْسي مسْكينْ تايَبْغي إعرفْ هاد زَمانْ أما دارو هادْ القومانْ والحرب أما اجرى فشيشانْ والقاعدة والطلبانْ والعراق مع المركانْ كَلتْ لو راني ماشي اشْ دخلْني فهاد السوقْ أنا بغيتْ غيرْ كرْشي ألْخالقْ كَادْ بالمخلوقْ عفاكْ لاضرْبونا بالعينْ طابتْ واللحمْ راهْ بنينْ تَخْفطنا عليها أحنا رَبعة أزيدِ اثنينْ ماكايَنْ غيرْ لَعْمايَرْ مزَدْيِينْ ولَحْنوكْ لاتَسَولْ غيرْ مطَنْبينْ عكبالْ اتكونو معنا مجْموعين توقيع البوعليوي عبد السلام
| |
|
ربيع عامر الغيواني أديب مميز
عدد الرسائل : 1461 تاريخ التسجيل : 27/12/2007
| موضوع: رد: الطنجية البهجاوية الأحد مارس 22, 2009 10:04 pm | |
| شهية طيبة أستاذ البوعليوي
ودام ذوقك سليما | |
|
زائر زائر
| موضوع: رد: الطنجية البهجاوية الإثنين مارس 23, 2009 12:20 am | |
| زجلية شهية اتخمتنا بها استاذنا البوعليوي عبد السلام تبارك الله عليك تتقن فن الطنجية كاتقانك لفن الزجل تحيات اليك و الى روحك المرحة اسية الغيوانية |
|
البوعليوي عبد السلام مشارك في ديوان "عرصة لكلام"
عدد الرسائل : 474 تاريخ التسجيل : 07/05/2008
| موضوع: رد: الطنجية البهجاوية الإثنين مارس 23, 2009 2:02 am | |
| الاخ الكريم ربيع عامر الغيواني
مرحبة بيك | |
|
البوعليوي عبد السلام مشارك في ديوان "عرصة لكلام"
عدد الرسائل : 474 تاريخ التسجيل : 07/05/2008
| موضوع: رد: الطنجية البهجاوية الإثنين مارس 23, 2009 2:06 am | |
| الاخت اسية الغيوانية
الله إبارك فيك ايتها الزجالة الرائعة تحياتي | |
|
أسماء محمد إدارة عامة
عدد الرسائل : 2070 تاريخ التسجيل : 23/01/2008
| موضوع: رد: الطنجية البهجاوية الإثنين مارس 23, 2009 2:03 pm | |
| اخي البوعليوي
بارك الله فيك على هذه الاطلالة الشهية فقط ينقصها بعض التقنية في بدايتها رغم أن سياقها كان حكائيا ومرنا | |
|
البوعليوي عبد السلام مشارك في ديوان "عرصة لكلام"
عدد الرسائل : 474 تاريخ التسجيل : 07/05/2008
| موضوع: رد: الطنجية البهجاوية الأربعاء مارس 25, 2009 12:26 am | |
| الاخت الفاضلة أسماء محمد سلام الله عليك
إمكن خصها شوية الطياب غادي نزيده ليها إنشاء الله فالمرة القادمة أراه تولي بنينة تحياتي واحترامي اختنا الكريمة
| |
|