مـْشاتْ الـْغالـْيا وْ فـَعْيونـْها دْموعْ
وْكِـيَّة ْحُلـْمْ ما شافـْتو تـْحَقـَّقْ
خـَلا ّتْ الـْغالـْيا رْضاها مَسْموعْ
وْغـُصْنْ عودو شـَدّ ْ أو وَرَّقْ
تـْمَنـّاتْ الـْغالـْيا تـْشاهْدو مَرْفوعْ
لـَكـِّنْ الـْقـَدَرْ سْبـَقْ وْفـَرَّقْ
***
كـُنـْتْ قاسي وْ عـَنـْدْ راسي شادْ دَ رْبي
عـْياتْ الـْغالـْيا ما تَـنـْصَحْ وَتـْرَبّي
لـَكـّني كـُنـْتْ عاصي وْ ماسْمَعْتْ كـْلامْ
مْشيتْ عـَوّامْ عـْوامْ فـْشَلاّ َبْحورْ ظـْلامْ
حَتّى جا لـَعـْفو وْ بانْ شـَطـْ الأمانْ
بَعـْدْ شـَدَّه وْ هَدَّه وْ غـُرْبَة ْ وْ طانْ
***
وْضارَتْ ِليّامْ وَالـْغـُصْنْ وَلـّى شـَجْرَه
زاهْيا باهْيا وَجْميلـَه فالنـَّظـْرَه
ياريتْ لـَوْ كانـَتْ الـْغالـْيا حاضْرَه
كونْ راني أسْعَدْ مَخـْـلوقْ
صافـْيا سْمايا لـَكـِّنْ خاصْها كـَمْرَه
هانـْيا حْياتي لـَكـِّنْ فيها حَسْرَه
كـُنـْتْ باغي نـَهْدي لـَلـْغالـْيا فـْمَرَّه
روحي وْ قـَلـْبي مْعاها مَرْفوقْ
***
عـْلى روحْ لـَمّيمَه عَدْ النجومْ رَحْمَه
وَالنجومْ كـُلـْها جَنْبْ فـْضالـْها قـْـليلـَه
تـَضـْـحَكْ الدُّنـْيا وْ ما تـْساوي بَسْمَه
قدّامْ شـْفاهْ ذَكـْرَتْ اللهْ سْنينْ طـْويلـَه
الـْغالـْيا لـَمّيمَه رْتاحي فـَمْكانـَكْ
راه الـْيومَ تـْفـَتـْحَتْ صَفـْحاتْ جْديدَه
الـْغاليا لـَمّـيمَه نـْقـَبَّـلْ تـْرابكْ
وْ نـَرْسَلـَّكْ فالنـَّسْمَه خـْبارْ سْعيدَه .
