عبد العزيز زكي
عدد الرسائل : 36 تاريخ التسجيل : 28/06/2009
| موضوع: بشحال تشري سكوتي الثلاثاء يونيو 30, 2009 8:19 pm | |
|
بشحال تشري سكوتي بشحال نبيع ليك موتي جاوبني باللي يرضيك فوق كلامك مانرفع صوتي لوترفس راسي بكدام رجليك هذاكلام ماكانش فنيتي يزند عودو وبيه نكويك حدق تلقى فعينيك دمعتي عصرت فيها لمرار لي بيك أَنَا ونْتَ و هي ونْتِي مقلوبة لْبَرْدْعَة عليا وعليك إِلَى أَنَاسْكَتْ و نْتَ سْكَتِّي الصمت إِيشَمَّعْ وذني وذنيك شحال من موال على نغامو سرتي وشحال من خرافة فالوهام سرحت بيك شحال من زفاط لزفوطو تْبَعْتِي تترقب فخيالو شعيلة تضويك شحال من طوبة سكر ذوبتي فمقابر لوقت ذبلت عينيك شحال عشتي وشحال شفتي واش تحقق مَاخَبْرُو عْلِيكْ لوكان بحروفي نلحق غايتي بيها نشق صدرك و نبكيك لوكان بريوس لقلام فهمتي عمق فكاري.. بكلامي نكديك أنا يْلَى صبرت وزطمت محنتي لازم تطلع نبرة لصوتي صيحة تلعن مَاضِيَّ وماضيك ***** بشحال تشري سكوتي بشحال نبيع ليك موتي جاوبني باللي يرضيك لوبصرخة تنهي حياتي رصاصة تقتلني لكن تحييك
| |
|
بنعيسى الحاجي زجال مشارك في ديوان"عرصة لكلام"
عدد الرسائل : 490 تاريخ التسجيل : 12/06/2009
| موضوع: رد الأحد يوليو 05, 2009 12:54 am | |
|
الأخ عبد العزيز زكي
زجل جميل تنسجه صور شاعرية ذات معاني لها عمق الحكمة المتداولة بعشق بفضاء سوق الحياة ... تحيتي لك
| |
|