ضْيــــــــافة

لا تجيب البوطة وجيب المجمر
خرجيه لبرَّا وخليه يزهر
ورا مقراج نحاس
والصينية ديال فاس
والبراد وسط الكيسان
بْتاجو دْگولي سلطان
والنعناع يالله حضر
من لبحيرة وسكر نمر
وا سوط بشويَّا
وا غير بشويَّا
خليه يتشهَّرْ
خليه يتحيَّرْ
باش يدير الرزَّة
ديال الحاج بوعزة
وانت يا هداك لَفْرَكْ
شد لارض دوز تبرك
مالك غ تحوم ودُّور
بحال داك لَبْرَكْ
سير شد الخَالْفَة
واش لَمْرَا عليك حالفة ؟
بغيت دِّير عليها الضرة
واش بقى لك عَ الحفرة ؟
راهم داروا المدوَّنة
يخلِّيوا فيك غ لَبْطانة
مالك ديما عاگدها
ديرها فيد الله
را الدنيا فانية
وما يدوم غير وجه الله
گلس مع لحباب
وقرقب معاهم الناب
أرا ما عندك من هدرة
غير وحدة تجبد لخرى
الصبا هاد العام
كانت غادية تجي في تمام
سعَّ طارت بين إدينا
وبقينا نْبَرْقُّو في عينينا
وولى مول القرض
غير تابعنا وعض
راحنا جينا للموسم
من قريب وبعيد
جينا نزورو بوعبيد
ونطلبو الله علينا يجود
وفرج علينا هاد الكرب
باش تولد الشَّا وضْرُوبة
وخَّ ما نديرو غ الدنب
ونتساهلو غير لعقوبة
ديك لحديدة ديالمن ؟
گالوا ديال ولد فلان
ومنين جات لداك لعفن
گالوا مشى لبلاد الرومان
جاب معاه واحد لَمْرَا
گد مُّو منتوفَتْ زْغَبْ
هي مرتو وضربها بْنَكْرَة
وشحال جهدو يكدب ؟
وانت يا الجَّعْوَاقْ
باش ابغيتيه يطلع لوراق ؟
شلَّ دْراري هاد ليَّام
ما تلاَّ لهم صبر
أرخاوا گع لْجَامْ
وسمحوا في لعمر
بغاوا يحقُّوا لحلامْ
سعَّ كالهم وحْشْ لبحر
وانتما يا خوتي البحارة
تْهَلاَّوْا في الشبكة والصنارة
اللِّي صيد الحوت
ما يخاف من الموت
وديك لعدوزة مالها ؟
شفت ما عَجَبْها حالها
أودِّي لها مات الراجل
وخلاها غ دارعة وتْخَايَلْ
تدور بين دْشُورَة
وتگول أنا عيشورة
بنت شيخ لَقبيلة
كنت زينة وطويلة
الگمرة من وجهي غارت
وشعوري كانت غ منشورة
گع لعزارة دْواوْا فيَّا
ما دَّاني غ ولد لهبيلة
أش داكشِّي صارَّة
غير سواكة حارَّة
وفين بَعْدَا هو الفمْ
ياك گع راب وتَّهدمْ
وا خالتي عُبَّادة
أش هدا ؟
گع طْلَيْتِ حرگوسْ
واش هداك منخر ولا برَّادة ؟
ودجاجتك يا الشرقي
غير دايزة وتْقاقي
ما تبيض ما تقرق
گع طْلاَتْ الدنيا بزق
إلى باقي شي حق
أودِّي أ الحاج عبد الحق
أرا ذاك الموس
ذبحها هي والفلوس
دير عليهم تْرِيدْ
ورا لكاين ما تزيد
وا عبيدات
وا نعام
هزوا الفاتحة
ها هيا
لمول الخيمة
هي اللَّولى
راه وكلنا
كاينة
راه شربنا
كاينة
راه برعنا
كاينة
وَاهْلِي واهلي
شحال شوى لنا من حولي
وزاد شحال من دجاجة
وزيانت معاه لفراجة
الله يخليه ديما
آمين
بحال العلامة
آمين
والجَّرْية تَارْيَة
آمين
والصحة والعافية
آمين
الله يحفظ ليه لولاد
آمين
وغيث ليه لبلاد
آمين
وليام تزيان
آمين
وحفظ مولاي السلطان
آمين
وآخر الدعوة
الحمد لله رب العالمين.

ههههههههههههههههههههههه

صينيتك ما شي بحال الصواني
صينيتك ديال الناس أصحاب لمعاني
سعدات الضيف بها
خاصو ما يكونش رعواني

شدرا سي عبد الرحمن

عبد الرحمن الوادي كتب:

وآخـر الدعـوة

الله يعطيك الصحة
يالسي عبد الرحمن الوادي
على هاذ القصيدة الرائعة
آميــــــــــن
والحمــد لله رب العالميــن.

عبد الرحمن الوادي كتب:: لا تجيب البوطة وجيب المجمر
خرجيه لبرَّا وخليه يزهر
ورا مقراج نحاس
والصينية ديال فاس
والبراد وسط الكيسان
بْتاجو دْگولي سلطان
والنعناع يالله حضر
من لبحيرة وسكر نمر
وا سوط بشويَّا
وا غير بشويَّا
خليه يتشهَّرْ
خليه يتحيَّرْ
باش يدير الرزَّة
ديال الحاج بوعزة
وانت يا هداك لَفْرَكْ
شد لارض دوز تبرك
مالك غ تحوم ودُّور
بحال داك لَبْرَكْ
سير شد الخَالْفَة
واش لَمْرَا عليك حالفة ؟
بغيت دِّير عليها الضرة
واش بقى لك عَ الحفرة ؟
راهم داروا المدوَّنة
يخلِّيوا فيك غ لَبْطانة
مالك ديما عاگدها
ديرها فيد الله
را الدنيا فانية
وما يدوم غير وجه الله
گلس مع لحباب
وقرقب معاهم الناب
أرا ما عندك من هدرة
غير وحدة تجبد لخرى
الصبا هاد العام
كانت غادية تجي في تمام
سعَّ طارت بين إدينا
وبقينا نْبَرْقُّو في عينينا
وولى مول القرض
غير تابعنا وعض
راحنا جينا للموسم
من قريب وبعيد
جينا نزورو بوعبيد
ونطلبو الله علينا يجود
وفرج علينا هاد الكرب
باش تولد الشَّا وضْرُوبة
وخَّ ما نديرو غ الدنب
ونتساهلو غير لعقوبة
ديك لحديدة ديالمن ؟
گالوا ديال ولد فلان
ومنين جات لداك لعفن
گالوا مشى لبلاد الرومان
جاب معاه واحد لَمْرَا
گد مُّو منتوفَتْ زْغَبْ
هي مرتو وضربها بْنَكْرَة
وشحال جهدو يكدب ؟
وانت يا الجَّعْوَاقْ
باش ابغيتيه يطلع لوراق ؟
شلَّ دْراري هاد ليَّام
ما تلاَّ لهم صبر
أرخاوا گع لْجَامْ
وسمحوا في لعمر
بغاوا يحقُّوا لحلامْ
سعَّ كالهم وحْشْ لبحر
وانتما يا خوتي البحارة
تْهَلاَّوْا في الشبكة والصنارة
اللِّي صيد الحوت
ما يخاف من الموت
وديك لعدوزة مالها ؟
شفت ما عَجَبْها حالها
أودِّي لها مات الراجل
وخلاها غ دارعة وتْخَايَلْ
تدور بين دْشُورَة
وتگول أنا عيشورة
بنت شيخ لَقبيلة
كنت زينة وطويلة
الگمرة من وجهي غارت
وشعوري كانت غ منشورة
گع لعزارة دْواوْا فيَّا
ما دَّاني غ ولد لهبيلة
أش داكشِّي صارَّة
غير سواكة حارَّة
وفين بَعْدَا هو الفمْ
ياك گع راب وتَّهدمْ
وا خالتي عُبَّادة
أش هدا ؟
گع طْلَيْتِ حرگوسْ
واش هداك منخر ولا برَّادة ؟
ودجاجتك يا الشرقي
غير دايزة وتْقاقي
ما تبيض ما تقرق
گع طْلاَتْ الدنيا بزق
إلى باقي شي حق
أودِّي أ الحاج عبد الحق
أرا ذاك الموس
ذبحها هي والفلوس
دير عليهم تْرِيدْ
ورا لكاين ما تزيد
وا عبيدات
وا نعام
هزوا الفاتحة
ها هيا
لمول الخيمة
هي اللَّولى
راه وكلنا
كاينة
راه شربنا
كاينة
راه برعنا
كاينة
وَاهْلِي واهلي
شحال شوى لنا من حولي
وزاد شحال من دجاجة
وزيانت معاه لفراجة
الله يخليه ديما
آمين
بحال العلامة
آمين
والجَّرْية تَارْيَة
آمين
والصحة والعافية
آمين
الله يحفظ ليه لولاد
آمين
وغيث ليه لبلاد
آمين
وليام تزيان
آمين
وحفظ مولاي السلطان
آمين
وآخر الدعوة
الحمد لله رب العالمين.

السي عبد الرحمن

جريتنا وجينا بلا عراضة
وقلتي ارى ماعندك من هضرة
واحنا القينا اتاي بلا لحم ولاشلاضة
ولا كسكسو مفور ف الكَدرة

ما كاين باس انقرقبو معاك االناب شوية
مللي الحاج بوعزة قدامو الصنية
غير شحر ورا ليك أليا
ماكاتي لينا اش عندك فهاد القضية
واش اسبوع ولاختنا ولا عرسية

المهم الله إكمل بالخير
وتهلا فولاد الدوار ملين الحديد لكبير
والحاج عبد الحق
والحاج بوعزة
وانت راك فيك الحق
كولْ الحاج بوعزة إصاوب الرزة

تحياتي واحترامي الاخ السي عبد الحمن

سي مصطفى، وسي بنعيسى، وسي عبد السلام

ما عندي ما ندير لكم.. لحمير لي جابوكم ما سراعش.. جيتوا موخرين.. فلتوا الزردة لحبيبة.. وما غاديين تشدوا غير في القزيبة.. أوخوفي عليكم تكون غير قزيبة ديال بو بريص تبقى في ايديكم.. راكم ما حكمتوا أسيادنا غير هاد الكاس ديال أتاي.. إلى بغيتوا تكمدوا به عظيمات روسكم.. إوا زيدوا شدوا لكم شي بلايصة.. بلا ما تنصل بلغتك أسي البوعليوي غير زيد.. غير زيد.. هي القضية بقات في نصيل لبلاغي؟؟؟
مرحبا.. مرحبا.. أسيدي تبارك الله عليا أنا وعلى الي جا وجاب.. ياك جبتوا معاكم لغرامة بعدا؟؟؟
ههههههههههههههههههههههههه

خويا عبد الرحمان تبارك الله على حرفك البهي وخلاص...كان خاصه الصينية نهار الأحد ولآ غير شي كويّس ....ولكن مرة أخرى
تحيتي

ماشي الصينية اللي كانت خاصة نهار الحد أخويا نجيب.. كانو خاصين شي مقارج طايبين مخرجين سبولة نشربوهم.. ونبداوا نجدبوا لهم تماك ونتحيروا بحال عيساوة حتى تخرج الكشكوشة من ودنينا

عدد الرسائل : 26 تاريخ التسجيل : 21/05/2009

الله يغطيك الصحة اسي عبدالرحمان

الكعدة معاك تفاجي وصوانيك بكيسانها لينا تحاجي

تبارك الله عليك جميل

عدد الرسائل : 37 تاريخ التسجيل : 17/06/2009

شكرا على كلامك
تبارك الله عليك راك زجــــــــــــال
بالــــــمصرية

داخلت عليك غير بمولانا أسي عمهم واش ما حشمتيش؟ واش تا دخل رمضان عاد جاي باغي تشرب أتاي؟

ومتى غادي نولي زجال بالمغربية أسي ادريس؟؟؟