خبار زربانة بزاف

هادي واحد لخبار زربانة بزاف ما قدراش تتسنى حتى غد

بحول الله وقوته إلى كنت ما زال من أهل الدنيا راني غادي نكون يوم الأحد 26 من هاد شهر في مسرح محمد السادس بالدار البيضا.. في المهرجان الدولي للشعر والزجل.. ولهدا أي جامعي كيف ما كان بغى يشوفني من بعيد ولا يتلاقاني فاص أفاص باش نعطيه الأوتوغراف ولا يشرب معايا من نفس الغراف يجي لتما في صباح قبل لعشيه.. ولي تعطل راه ما ظلم غير عينيه.. وغادي يبقى يكدد في صبعه بسنيه.
وبه وجب الاخبار والسلام

عبد الرحمن الوادي كتب:: هادي واحد لخبار زربانة بزاف ما قدراش تتسنى حتى غد

بحول الله وقوته إلى كنت ما زال من أهل الدنيا راني غادي نكون يوم الأحد 26 من هاد شهر في مسرح محمد السادس بالدار البيضا.. في المهرجان الدولي للشعر والزجل.. ولهدا أي جامعي كيف ما كان بغى يشوفني من بعيد ولا يتلاقاني فاص أفاص باش نعطيه الأوتوغراف ولا يشرب معايا من نفس الغراف يجي لتما في صباح قبل لعشيه.. ولي تعطل راه ما ظلم غير عينيه.. وغادي يبقى يكدد في صبعه بسنيه.
وبه وجب الاخبار والسلام

هنيئا لكم هذا النشاط الابداعي الرائع
بالنجاح و التوفيق
في الحقيقة كثار هما اللي غديين يكددو
صبعانهم بسنانهم منه انا هههههه

خالص ودي

خبار زربانة بزاف 56845

كثار؟؟؟ وا هي أنا ما كنسوى والي في لعبار.. واقيلا انا مهبول.. غير غادي وفمي محلول يا لالة البتول؟؟؟
والا كنت جيتي من فاس باش نتشاركو نفس الاحساس.. وها العار الى ما خلي هادوك صبيعات زويونين في التقار

سبحا الله ما لقيتش كيفاش نحرك من الطاليان للمغرب باش نتلاقا معاك أسي عبد الرحمان

ولكن أنت في القلب واخا مانتلاقاوش
شكرا على لخبار الزينة

حتى انت أسي الزيتوني راك في القلب وحتى في الكبده.. ولكن غير لواحد المده.. إلى ما جتيش من هنا لشي غدا.. تدي وتجيب معايا في الهدرة.. راني غادي نخرج قروني وعينيا في مرة.. ونرمي لك حوايجك برا

عدد الرسائل : 35 تاريخ التسجيل : 01/01/2009

عبد الرحمن الوادي كتب:: هادي واحد لخبار زربانة بزاف ما قدراش تتسنى حتى غد

بحول الله وقوته إلى كنت ما زال من أهل الدنيا راني غادي نكون يوم الأحد 26 من هاد شهر في مسرح محمد السادس بالدار البيضا.. في المهرجان الدولي للشعر والزجل.. ولهدا أي جامعي كيف ما كان بغى يشوفني من بعيد ولا يتلاقاني فاص أفاص باش نعطيه الأوتوغراف ولا يشرب معايا من نفس الغراف يجي لتما في صباح قبل لعشيه.. ولي تعطل راه ما ظلم غير عينيه.. وغادي يبقى يكدد في صبعه بسنيه.
وبه وجب الاخبار والسلام

مسا لخير
وخبار واش من خبار
خفت على صبيعاتي من سناني لشرار
راني بنت كازا لحرار
بغيت نشوف ولد لخيار
سي عبد الرحمن الوادي كاتب لشعار
نجي ضيفة نطل بزربة كيف لخبار
ولا نشارك ولا اشنو ندير ربي لما قل لي ..العار
راه مفراسي تا قرار

فعلا لا يسعني هنا سيد عبد الرحمن الا الدعاء لكم بالتوفيق والاستمرارية
بهذا العرس الزجلي الكبير

هل الدعوة عامة اخي ولا هي مقتصرة على المدعويين فقط
تحياتي القلبية
اختك اوليدي زينب
شاعرة وزجالة وفنانة تشكيلية

ياك بعدا ماكاين جراح
ولعظيمات بقاوا صحاح
غير شوي ديال التقصاح
الله يجعلها مغفرة الذنوب صحاح

أنا راني غير ضيف ألاله زينب
طلعوني للكرمه ناكل شويت لعنب
ومن حوض لكلام الصافي نشرب
ومن بعد أنزل نمشي لدارنا نلعب

سعيد بك يا اختي زينب، وأتمنى لك ولابنتك الشفاء العاجل.
مع ودي وشكري

[center]

عدد الرسائل : 35 تاريخ التسجيل : 01/01/2009

عبد الرحمن الوادي كتب:: ياك بعدا ماكاين جراح
ولعظيمات بقاوا صحاح
غير شوي ديال التقصاح
الله يجعلها مغفرة الذنوب صحاح

أنا راني غير ضيف ألاله زينب
طلعوني للكرمه ناكل شويت لعنب
ومن حوض لكلام الصافي نشرب
ومن بعد أنزل نمشي لدارنا نلعب

سعيد بك يا اختي زينب، وأتمنى لك ولابنتك الشفاء العاجل.
مع ودي وشكري

[center]

الحمد لله كل شيء بالف خير
كن هاني سدي راه غير بغيت نمزح وندير لي بلاصة بينكم في هذالمنتدى الرائع لا غير
اما الملتقى نت لي قلت اجيو لي بغا يشوف وفات منك عرضتي على الاخت العلوي
داكشي علاش سولت واش الدعوة للكل ولا خاصة
اتمنى لك التوفيق
الف شكر لسؤالك ودعواتك
لن ازعجك اكثر سيدي
ظلي افل من الجامعة
تحياتي

حتى انت الالة زينب كوني هانية.. لبلاصة الي عجباتك فهاد الصالون بركي فيها وراه ما كاينش الي غادي ينوضك منها.. ولى بغيتي تدخلي حتى بصباطك ولا شربيلك دخلي ما كاينش الي غادي يشوف فيك شي شوفه ما هياش.
وحتى انت الالة زينب راكي معروضة.. والمعروضة من الخير.. علاه شكون الي غادية تونس الاخت البتول.. وتقرقب معاها سنان كلهم ماشي غير الناب.
وحتى حنا الالة زينب ما عندنا ما نديرو بظلك غير خليه يمشي.. الى شرقت علينا كل يوم شمسك.. ودفات عظيماتنا بخيوط كلامها لمرصع.
ونا راه ما كاينش الي كيزعجني بحال هداك الي كيشوفني دايز من هنا وما تيقولش ليا حتى السلام.. اما الى كان هاد شي عندك انت هو الازعاج.. انا مسامحك الاله زينب دنيا واخرة غير زعجيني به وقت ما قالك راسك بنهار ولا بالليل.
اوا يظهر لي ما بقى عندك ما تقولي.. والا راه الجامعة غادية تجمع وتدير فيك الحق.. وتجمع الوقفة وما توقف حتى عندك.. تديري لها الزرده وتعمري لها المعده

مرحبا بالأستاذة الغالية لوليدي زينب
علاش ظلك آفل وانت بين اخوانك وأخواتك
لهلا اخطيك علينا يا أستاذة
وأنت يا سي عبد الرحمن ..ما تبقاش عا داع وتعرض بلا دعاوي

خبار زربانة بزاف 1

يالله تعالاو نتساراو في هاذ الفضاء

كفاش داب يا لالة أسماء.. كتلوميني ياكي؟ واهي على هاد القبال أنا ماشي مول الدار حتى أنا؟؟؟ وزيدون إلى اعرضت راني كنعرض غير على حبابنا وصحابنا.. ماشي شي حد غريب.. وزيدون ما كاينش مناش تخافي.. كلشي الحمد لله كاين هنا وموجود.. وللي يكفي عشرة يكفي حتى ألف وكتر.. واش بان لك داب نجمع قلوعي ونمشي بحالاتي.. ونا تقليقتي راها على موعرها؟؟؟

السي عبد الرحمن انا وياك تمّ وزمان طويل
انت ف 26 ونا 25 إوا واش انبات على قبلك ولا كيفاش غادي نديرو معاك
ولانعس فالمحطة حتى تجي ولا نبدا تندور فالدار البيضاء حتى إطيبو رجليا
احنا راه جايين نخطبو الدار البيضاء المراكش ان شاء الله مللي شفناها كبرات تبارك الله
إوا اللسلام عليكم

ههههههههههههه إوا أسي عبسلام تيقولو سيادنا اللولين اللي فاتك بليله فاتك بحيله.. أنا ما عليا غير نجي ناكل ونشرب في الخطبه ونرجع لدارنا عند مي.. ونخليك ديك الساعه منك للقفه حتى تحفا.. غير هي حاجه.. راك إلى بقيت حتى الغد لهيه باش تشجعني وضرب عليا الرش.. غادي أسيدي نرشك حتى أنا بشي بركه من الجائزه إلى عرفت كفاش تسخن ليا الطرح باش تكون من نصيبي.. تعاون بها راسك على دواير زمان.. إوا هدا ماكان.. فكر مع راسك مزيان.. أدوز بخير يا ولد الخير

خويا عبد الرحمان كمل لقصيه ..وقول كيف داز داك الشي...ونهار لحد شنو درتي....راه لخبار ف راسك

والله إلى باز.. أول مرة كنشوف الشعر كاز في مهرجان عطشان وجيعان.. بلا شلاضة ولا مونيضا.. وقالك أسيدي دولي وفي الدار البيضا.. ما عمر داود يعاود

» قصت ( لخبار زربانة )
» نبغيك بزاف