جا وَجْـبَهـْـتو كيفْ ديما كاتـْسيلْ
هازْ فـْـقـُفـْـتو لـَقـْديمَه قـَس ْ قـْـليلْ
خـُبْزَه وْ ِزيتونْ أو نـَعْـناعْ
غـْسَلْ وَجْهو بَسـْهو عـْلى ضـَوْ قـَنـْديلْ
ما شافو ما نـَشـْـفو بْمَنـْديلْ
عارَفْ بَاللـِّي شـْبابو ضاعْ
مَسْكينْ الـْمَسْكينْ هَدا حالو
مادّا مَنْ هاد ْ الشدَّه والو
***
غيرْ حَطـّ ْ جَنـْبو عـَلْ أرْضْ جا صْباحْ
أوفاقْ اللـّي عادْ غـَمَّضْ مامَرْتاحْ
يومْ ثاني بْحالو بْحالْ اللـّي راحْ
مَنْ أوَّلْ ساعـْـتو تـَـبْدا لـَجْراحْ
وْلـَعْبـَة ْ هـَزّ ْ حَطـّ ْ واجي وْسيرْ
وَالـْمَسْكينْ فارْ وَالـْـقـَطـّ ْ كـْبيرْ
مـَسْكينْ الـْمَسْكينْ هـَدا حالو
طـْلـَعْ عامَرْ دْميرْ فـَنـْجانْ فالو
***
وْهـَاكـَْداكْ الـْمَسْكينْ ما بـْكى ما شـْكا
مارْمى هَمـّو عـْلى حَدْ
ناجى خـْيالو وْليهْ وَحْدو حـْكى
حـْكـَياتو مْعَ شوكْ الـْوَرْدْ
وَالـْحُلـْمْ اللـّي زْمانو طالْ
واحَدْ عـَنـْدو فـَالـْبالْ
مْرا وَدْراري أو دارْ دْيالو
مَسْكينْ الـْمَسْكينْ هَدا حالو.
