الـْمِّّــيـمَََه

عندي اقتراح أخي مصطفى، لماذا لاتنشر نص:اليتيم ، في صفحة القصيدة الشعبية حتى تقرأ أيصا هناك.

الـْمِّّـيمَََه
كنت ف كرْشها عايش مْهنيّ
بذره ف عمق الترابْ
ب حبل الخير مْْعـَنيّّ
خرجت ل الدنيا ب صرخه وعذابْْ
الهم زاد مثلـّثْْ أمْـثنيّ
نكبر أتكبر الْ تـْعاب
وانايا ساهي ..نفرح أنغنّّي
نتمتع ..مانضرب الحساب
من حْْجـرها ال الظهرْْ
بوسْخي يدها مْْحنيّ
صابرََه..طول العمر

راني دبا نتكلم ب الجْْهر
الميمتي فرحات ب صُوتي
وحتى ب سْـني
ظـلْ تـْْراري وترشني ب الزهَر

راني بْْرّّا نزطمْ ف الجّـمَر
ڭول شيطان ألاّ ڭول جْـنيّ
ظـّل وْرايا ف مْـسا وافجَـر
الميمه مسكينه بها مْكَـنيّّ
خيرك آ الميمه بحْرو مفجَّـر
ما تحافي ولا يخيب ظنيّ

في 8/10/2009

الميمة يالميمة خيرها كافي
على وصفها ما قدوني حروف
الگلسة بغيرها ضوها طافي
شحال من غالط عقلو مخطوف؟

شحال ربات وسهرت الليل
صوتها نغمة مايشبهو تلحين
ايديها فضة حرة وذهب ثقيل
عمرني ما نسيت حضنها لحنين

رضاك يالميمة تاج فوق راسي
وعطفك ثوب بالجوهر مطروز
غطاني محبة وفات قياسي
حالك هو حالي، في القلب معزوز

----------------------------

أشير لك أخي العزيز زايد التجاني على أن النص «حال اليتيم» قد تم نشره في ركن القصيدة الشعبية بداية الأسبوع الجاري.
شكرا جزيلا لك ... مودتي

بحقك

ما نقدر نوفي

و

نبوح

نت

صدر حنين

كتاب مفتوح

محبتك

شان عظيم

تجري

ف

الروح

كلمه منك

تواطي جبال

و

تهد صروح

فراقك

كمد ف قلبي

كيات

و

جروح

وحداني

لاركبه لاعتبه

نبكي ونـّـُوح

حبْ لميمة ماعندو ثمنْ

ولا وزنو ياصحبي ميزانْ

حب لميمة عظيم وعظيم شانْ

حب لميمة اًية من اًيات الرحمن

مْقاصية وسهرانة ومْفرشة لمكان

الناس نايمة وهي فتْح لجفانْ

ولاغبتي مالْ ولدي كبدي مابانْ

فرحانة يوم تكون انت فرحان

وحيرانة ومشغولة يوم انت فكًْعانْ

طعتها واجبة وقدامها جنة رضوان

نوصيك يالمرضي بوسْ الراسْ وزيد صبعان

ولا عايشة عنداك تكون عل طعتها شبعانْ

ولامشات فين نمشوْ جميع طلب الرحمة والغفران

موضوع: الُميْمَـة السبت أكتوبر 17, 2009 12:58 pm

في انتظار موضوع جديد، أقوم بجمع المشاركات في قصيدة واحدة كما يلي:

ٱلُمّيْمَــة

كنْـــــتْ ف كرْشهـــــا عايـــــش مْهنـــــــــــي

بـــــــــــــذره ف عمــــــــــق التــــــــــــرابْ

ب حبــــــــل الخيــــــــــر مْْعـَنّّــــــــــــــــــي

خرجــت ل الدنيــا ب صرخـــه وعــــــــــذابْْ

الهـــــــــــم زاد مثلـّــــــثْْ أمْـثنّــــــــــــــــــي

نكبـــــــر .. أتكبـــــــر الاتـْعــــــــــــــــــــاب

وانــــايـــا ساهــــــي ..نفـــــرح أنغنّّــــــــــي

نتمتــــــع ..مــا نضـــــــرب الحســــــــــــاب

مــــــــن حْْجـرهـــــــــــا الْ الظهــــــــــــــرْْ

بوسْخـــــــي يدهــــــــــا مْْحنّـــــــــــــــــــــي

صابــــــرََه .. طــــــــــــــول العمـــــــــــــر

رانـــــي دابــــا نتكلـــــم ب الجْْهـــــــــــــــــر

الميمتـي فرحــات ب صُوتي وحتى ب سْـنـــي

ظــلْ تـْْـــراري وترشنـــــي ب الزهَـــــــــــــر

رانــــــي بْْــــــرّّا نزطــــــــمْ ف الجّـمَــــــــــر

ڭـــول شيطــــان وَلاّ ڭــــــول جْـنّـــــــــــــي

ظـّـــل وْرايــــا ف مْـســــــا وافجَـــــــــــــــــر

الميمــــــــه مسكينــــــــه بهـــــــا مْكَـنّّـــــــــي

خيــــــرك آ الميمـــــه بحْـــــرو مْفجَّــــــــــــر

ما تحافــــــــي ولا يْخِيــــــــبْ ظنّــــــــــــــي

--------------------

الميمـــة يالميمــــــة خيـــــــرك كافـــــــــــــي

علـــى وصفــــك ما قدونـــــــي حـــــــــروف

الگلســــة بغيـــــرك ضوهــــــا طافـــــــــــي

شحــال مــن غالــــط عقلـــــو مخطـــــــوف؟

شحــــال ربيــــــتِ وُسَهْـــــرْتِ الليـــــــــــــل

صوتـــك نغمــــــــة مايشبهــــــو تلحيـــــــــن

ايديـــــك فضـــــة حـــــرة وذهــــب ثقيـــــــل

عمرنـــي ما نسيـــــــت حضنــــك لحنيــــــــن

رضـــــاك يالميمــــــة تــــــاج فـــوق راســـي

وعطفــــــك ثــــوب بالجوهــــر مطــــــــروز

غطانـــي محبـــــــة وفــــــات قياســـــــــــــي

حــــالك هـــو حالــــي، فــي القلــب معـــزوز

----------------------

بحقــــك ما نقـــدر نوفــــــــي و نبـــــــــــوح

نْـــتِ صــــــدر حنيــــــن وكتـــــاب مفتــــوح

محبتـــك شــان عظيــم تجــــري ف الــــروح

كلمــه منــــك تواطـي جبــال وتهــد صْــروح

فراقــك كمـــــــد ف قلبـــــي كيـــات وجـروح

وحدانـي لاركبــه لاعتبــــه نبكــي ونـّـُــــــوح

----------------------

حـــبْ لميمــــــــة ما عنـــــــــدو ثمــــــــــــنْ

ولا وزنـــــو يا صاحبــــــي ميــــــــــــــــزانْ

حــــــب لميمـــــة عظيـــم، وعظيــــم الشـــانْ

حــــب لميمــــة اًيــة مــن اًيــــات الرحمـــــن

مْقاسيـــــة وسهرانـــة ومْفرشـــــــة لمكــــــان

النـــاس نايمــــة وهـــي تفتْــــحْ لجفـــــــــــانْ

ولا غبتــــي مـــالْ ولـــدي كبـــدي مابـــــــانْ

فرحــانــــة يــــوم تكــــون انـــــت فرحــــــان

وحيرانــة ومشغولــة يـــوم انــــت فكًْعـــــــانْ

طاعتهــا واجبـــة وقدامهــا جنــــــة رضـــوان

نوصيــــــك يا لمرضـــــــــي بـــــــــــــــوسْ

الـــــــراسْ وزيـــــــــد حتــى الصبعــــــــــان

ولا عايشــة عنــدك تكون عْلَ طاعتها شبعـــانْ

ولا مشـــات فيــــــن نمشيــــــــوْ جميـــــــــــع

طلــــــب ليهـــا الرحمـــــة والغفــــــــــــــران
-------------------
8 أكتوبر2009/الجامعة

المبدعــــــون :

· زايد التجاني

· ياسين م جميل

· نجيب أمين

· عبد السلام البوعليوي

موضوع: يالميمة الخميس ديسمبر 15, 2011 4:02 pm

يا ديك لميمة
حالت بيني وبينك مسافات
اتمنيت انجيك ونحيي اللي فات
انفتحوا اكتاب الذكريات
نتفكروا اجدودنا ارجال ولعيالات
وبلادنا ابلاد لقفاطن والدراعيات
نتفكرو ازمان الظلم والقهر
وازمان النساء المناضلات
مقاومين بلادي:
الحنصالي الزرقطوني وعبد الكريم الخطابي
اللي قاوموا من اجل تحرير الذات
ومن قبضة الإستعمار حققوا الإفلات
اليوم جاني اخبارك يالميمة
راكي في قمة المعاناة
الكبر والمرض والوحد ة
دفنوا الشباب والصحة واللي فات
صحيح ان الهاتف قرب المسافات
لكن اللي شافك يالميمة
ماشي بحال اللي سمع منك غير اكليمات
اتمنيت انكون احداك
معاك انشاركك ديك اللحظات
انوكلك بيدي
ونسندك على كتفي في اصعب الأوقات
كن القيت اندير اجناح
ونوصل ليك قبل الوفاة
لكن ما باليد حيلة
هي مسافة غير ليلة وانكون احداك
في اطريقي ليك ما ننساك
ندعي الله يشفيك و يتولاك

عدد الرسائل : 442 تاريخ التسجيل : 21/02/2011

الميمة الميمة
امحبتك ف قلبي دايما
انفكر فيك وانا صاحيا وانا نايما
اشحال اصهرت وشحال كبرت
أو تمنيتي وسط منا تعيشي
ابنيتي احلامك اعلينا، وفرحت نفسك بينا
اكبرنا قدامك وما فرطت فينا
ما يهنى لك البال إلى امرضنا
و ما يديك انعاس إلى اتعطلنا
أو حين اتفرقنا ابقا تفكيرك غير فينا
آه يا لميمة خيرك كبير اعلينا
ما انقدروا نوفيوه كبيرنا ولا اصغيرنا
انت اتفرحي غير إلى شفتينا و ما الطمع فينا
وإلى شفتينا ف محنة
تسمحي ف حقك و تعطيه لينا
واخا كبرنا وما ابقى فيك جهد لينا
إلى ما طلينا اتجي انت والطل اعلينا
’ آه يا لميمة
لو ما كانت الموت الغادرة
ما انفرقك وعمري اعليك اخصارة
************
والله بيك آلميمة ما اسخيت
و سخاني الزمان الغدار
ملي خرجوا نعشك من الدار
قلبي اخفق خفقات و طار
لسبع سماوات ما جاب للدنيا اخبار
امشيت ، وامشى معاك النور المسرار
وابقيت وحدي لمن نحكي لسرار
ونشكي هميي وما بيا من اضرار
وبعد حين اسمعت صوت خافت
اجمع راسك و كون صابار
الميمة ما يرجعها الدمع المدرار
صلي وادعيها لها بالدعوات
الله يرحمها ويجدد اعليها الرحمات
وانت ليها غادي توصل
يا الله للحسنات وفعل الخير ما تتعطل
ولذكر الله وللصلاة ما تتأخر
وإن شاء الله ارضاتها معاك، وليك توصل
وبيها تنجا من كل شر.

مشرف عدد الرسائل : 1048 تاريخ التسجيل : 26/05/2007

دمت حنونة يا فتيحة
نصوصك قادرة على ترجمة لواعج القلب

عدد الرسائل : 442 تاريخ التسجيل : 21/02/2011

شكرا على المرور يا زهرة الزهور، تحياتي أختي زهرة درار.

امي : اليوم عيدك

امي : جيت عندك و اليوم عيدك
يا اعز انسان ولاّ انت ملاك؟
من نهار عرفتك غامراني طيبة قلبك
يا امي ما اروعك ...ما اغلاك

امي : ما عندي عز منك
ياك همومي كلها عندك تفك
ياك انا بْوْليداتي حفيداتك
و مازلت ديما في حضنك

امي: حسيت بانانيتي قدامك
عوض نقدم هديا ليك
طامعا نطلب و ناخد منك
انا جيت نطلب دعواتك
انا جيت نطلب رضاك

امي: حرت اش نقدم ليك
ورد خفت من شوكو عليك
ذهب انت اغلى وهو ما يغلى عليك

امي : خفت نكون قصرت في حقك
قلت بعدا نهني ونبارك
طلبي معايا العالي راه يسمعك
ياخد من ايامي ويعطيك

امي : خفت نكون قصرت في حقك
قلت بعدا نهني ونبارك
نطلب الله لينا يحفظك
نطلب الله لينا يطول عمرك
نطلب الله يجمع شملنا حولك
جميلة جبوري
26/05/2013