خويا صْباحك صباحْ الخير
بغيتِ تسمع المعقول ؟
انت راك زجال كبيرْ
الحقيقه ما تحتاجْ مرسولْ
قريتْ حرفك أحرف الغـِير
تذوقت معناه بالعرض أبالطـّّول
كنت نحْبو وليت نسيرْ
حرفي كان مسكين أمشلولْ
بكمْ صارْ فَ الخيرْ أ الخـْمير
بالحق الحرف ولىﱠ اليُومَ مَعْْلول
مول الباطل إنفخ الكيرْ
ما تسمعْ غير الغيطه والبندير
مول الجُوهَر مكمَّش أمغـْلول
شكون ضدي أشكون فيكم نـْصير ؟
شي بْـنيهْ ما كاملْ ولا مكْمول
أشي يجيه ب الشيته والصباغه دَ الجيرْ
صْـبحْ الحكيم كيفو كيفْ البهلولْ
أكلمة الحق طيّـْحوها ف البـير
جيت نسوّل عْ ليﱢ تمكـَّنْ أوْلا ﱠ مسْؤول
ڭـلسْ عل الكرسي أتـُوبُه توبْ حريرْ
ديمَ غايبْ واخا بابْ دارُو محْـلول
البْصير ليﱢ كان ..صْدق ليهم ضْـرير
شكونْ إجاوب ويعْطيني تفسير ؟
في 31 أكتوبر .
طرحت هنا للنقاش الحبي في الشق الثاني من النص ، بعض السلوكات التي لاحظتها في أكثر من منتدى.
----------------------
انت زجال زجال كبير/ أو زجالة كبيرة
بْـنيهْ : من " البناء"
