كيفاش تفهم

كيفاش تفهم
وجدور عقلك نابتن فالردم.
كيفاش تفهم
لسانك طويل ألوجه ما يحشم
كيفاش تفهم
نهارك وليلك ظل فعورة الناس تبركم
كيفاش تفهم
لكلام الزين مايخرج من داك الفم
كيفاش تفهم
مقابل غير الهجير ولا بغيتي تحشم
رد البال راه السن عندك بدا يتفرم
كيفاش تفهم
ماف جماعتك غير كلام العيب ؤل بلادك مارفدت هم
كيفاش تفهم
الفم يتبسم وقلبك يعصر كيسان سم
كيفاش تفهم
العمر مشا ومن فعايل إبليس ولا بغيتي تندم
كيفاش تفهم
الظهر التحنا والشيب فالرأس تكلم
كيفاش تفهم
إلى بغيتي تحشم غاد تفهم
وملي تفهم نقي ثاريخك ؤبيه تحزم
كيف تفهم المعنى
ماستفدت ملي كنت ف المحنة
أش تكول لوطان مانفعتي لاشيوخ ولا نسا ولاصبيان
بلغتك عليك تلف ملي تسمع الأذان
شهادتك كلها بهتان
ولون القبر فوجهك بان
ؤباقي تخرب فالإنسان
أش تكول ملي يبان عيبك فوق الميزان
أش تكول ملي تكون رجليك باردة أوجهك عركان
والناس فوق راسك تطلب ليك المغفرة يا فلان
وريقك واقف ليك بين السنان
عالله خرخارتك تربي الناس على الإحسان
ماني تشفيت فيك ولا ظلمتك ياإنسان
هذى تربية إلى ماحاربنها
عسلنا إولي قطران

السلام عليكم ورحمة الله وبركاته
تحية إلي الأخ المبدع ياسين مصطفى جميل
اللحمد لله على القدر ألى كتاب عليك حتى دزتى من ديك الطريق
وشكراً على تشجيك لي
معى أخلص تحية

السلام عليكم ورحمة الله وبركاته
تحية للأخت المبدعة أسماء محمد
وشكراً على ملاحظاتك الدقيقة وتشجيعك الإبداع
{ أما بالنسبة للتصنع في الكتابة فلم أكن كذالك وإنما كنت أعبر عن الواقع المعاش }
وهذه هي مشكلتي